«Улон но ужан-тыршон» ужан тетрадьлы малпанъёс
5—11-ТӤ ТУЛЫСПАЛ
ИНМАРЛЭН КЫЛЫСЬТЫЗ УЗЫРЛЫК | МАТФЕЙ 12, 13
Духовной марӟанъёсты утчаськомы
(Матфей 12:20) Шонер судлы вормон вайытозяз, чигтэм камыш бодыез уз тӥялты, гыбдась етӥнэз [етӥн фитилез, ВД] уз кысы.
nwtsty, эскерон понна материал (Мф 12:20)
гыбдась етӥн фитиль Огшоры лампа со горд сюйлэсь лэсьтэм вӧйпу вӧйын пичи сосуд вал. Вӧй ӝуа вал, етӥн фитильтӥ ӝутӥськыса. Грек кылъёс, кудъёсыз «гыбдась етӥн фитиль» шуыса берыктӥсько, возьмато, вылды, фитилез, кудӥз ӧжыт гинэ ӵындэ на, малы ке шуоно тылыз кысэм яке ӝоген кысоз ини. Ис 42:3 азьпалзэ ивортон гожтэмын, Иисус туж гажась-жалясь адями луоз шуыса, со ноку но уз кысы кайгырись адямиослэн сюлмысьтызы осконлэсь берпуметӥ тылгизьызэ.
(Матфей 13:25) Адямиос изён дыръя тушмон лыктэм но чабей пӧлы букро кизьыса кельтэм.
bw575 32 б.
Тодӥськоды-а тӥ?
Зэм-а вашкала дыръя кин ке но мурт бусыын букро кизьыны быгатэ вал?
МАТФЕЙЛЭСЬ 13:24—26 Иисуслэн кылъёсыз гожтэмын: «Ин Эксэйлык ас бусыяз ӟеч кидыс кизем адямилы укша. Адямиос изён дыръя тушмон лыктэм но чабей пӧлы букро кизьыса кельтэм. Узьымез ӝужам но, шепез потыны кутскем, соку ик букро но ӝужаса потэм». Куд-ог тодосчиос уг оско, сыӵе учыр луыны быгатэ вал шуыса. Нош ми дырозь вуэм рим документъёс возьмато, сыӵе учыръёс вал шуыса.
Тани мар гожтэмын одӥгаз библейской кыллюкамын: «Со, кин, пунэмзэ берыктон вылысь, мурт бусыын букро кизе вал... рим катъёсъя, йыруж лэсьтэ вал. Сыӵе кат вал бере, валаны луэ, со выллем учыръёс луыло ик вал шуыса». Катъёсты эскерись тодосчи Аластэр Керр вера, а. э. 533-тӥ арын Юстиниан рим кивалтӥсь Дигестъёсты поттӥз шуыса, кытын гожтэмын рим катъёс но юристъёслэн а. э. 100—250-тӥ аръёс котырын гожъям ужъёсысьтызы куд-ог малпанъёс. Отын одӥгез юрист, Ульпиан, гожтэ уж сярысь, кудзэ эскериз Цельс, Римысь политика бордын ужась (Дигестъёс, 9.2.27.14). Кин ке но муртлэн бусыяз жаг турын кизем но, отын номыр удалтымтэ. Дигестъёс верамъя, бусы кузёлэн яке бусыез арендае басьтэм адямилэн правоез вал солы лэсьтэм изъян понна дун басьтыны.
Рим кунын сыӵе йыружъёс луо вал бере, Иисусэн верам учыр но луыны быгатэ вал.
12—18-ТӤ ТУЛЫСПАЛ
ИНМАРЛЭН КЫЛЫСЬТЫЗ УЗЫРЛЫК | МАТФЕЙ 14, 15
Духовной марӟанъёсты утчаськомы
(Матфей 15:7—9) Чеберъяськисьёс! Азьпалзэ тодытыса тӥ сярысь умой вераз Исаия пророк, со шуиз: 8 „Та адямиос ымынызы Мынам матам лыкто, кылынызы Монэ сӥлы каро; нош сюлмынызы Мынэсьтым кыдёкын уло. 9 Адямиослэн малпам дышетонъёссылы, курон-косонъёссылы дышетыса, Монэ юнме гинэ сӥлы каро“».
nwtsty, эскерон понна материал (Мф 15:7)
Чеберъяськисьёс Хипокрите́с грек кылын нимало вал грек актёръёсты (нош берлогес рим актёръёсты но), кудъёсыз бадӟым маскаос дӥсяллязы. Солы луыса, кызьы со маскаос лэсьтэмын вал, актёръёслэн куаразы юнгес кылӥськиз. Дыр ортчыса, хипокрите́с кылын ниманы кутскизы адямиосты, кудъёсыз пӧяськыса асьсэлэсь малпанъёссэс яке кин луэмзэс ватыны тыршизы. Татын Иисус чеберъяськисьёс шуыса нима иудей религиозной кивалтӥсьёсты (Мф 6:5, 16).
(Матфей 15:26, ВД) Соку Иисус солы шуиз: «Ӟеч ӧвӧл, нылпиослэсь няньзэс басьтыса, пичи пуныослы куштыны».
nwtsty, эскерон понна материал (Мф 15:26)
нылпиослэсь... пичи пуныослы Моисей законъя, пуныос кырсь пудо-животэн лыдъясько вал. Соин ик Библиын со кыл ӵемысь, уродэз сярысь вераку, кутӥське (Лв 11:27; Мф 7:6; Фп 3:2; Усьт 22:15). Нош Иисуслэсь кылъёссэ гожтыкузы, Марк но (Мк 7:27), Матфей но уже кутӥзы кылэз, кудӥз возьматэ «пичи пуны» яке «коркан улӥсь пуны» шуэмез. Со кыл ӵошатыса верамез небытгес каре вал. Иисус уже кутӥз, вылды, небыт кылэз, кудӥз возьматэ пуныосты, кудъёссэ еврей луисьтэм адямиос коркаосазы возизы. Израиль пиосты нылпиосын, нош еврей луисьтэм адямиосты пичи пуныосын ӵошатыса, Иисус радзэ возьматӥз, луоз: нырысь нылпиосты сюдо, собере гинэ пуныосты.
19—25-ТӤ ТУЛЫСПАЛ
ИНМАРЛЭН КЫЛЫСЬТЫЗ УЗЫРЛЫК | МАТФЕЙ 16, 17
Духовной марӟанъёсты утчаськомы
(Матфей 16:18) Мон тыныд верасько: тон — Пётр, та из вылэ Мон Аслэсьтым Черкме кылдыто, адлэн капкаез уз вормы сое.
nwtsty, эскерон понна материал (Мф 16:18)
тон — Пётр, та из вылэ Пе́трос грек кыл «из; изгурезьысь из» шуэм луэ. Та кылбурын со кыл ним луэ (Пётр). Озьы грек кылэ берыктӥське ним, кудзэ Иисус Симонлы сётӥз (Ин 1:42). Со выллем пе́тра кыл, кудӥз татын «из» шуыса берыктэмын, «гурезь; бадӟым из люкет; меӵ из гурезь» шуэм луэ. Та кыл озьы ик пумиське Мф 7:24, 25; 27:60; Лк 6:48; 8:6; Рм 9:33; 1Кр 10:4; 1Пт 2:8. Ачиз Пётр ассэ из шуыса ӧз лыдъя, шӧдске, кудӥз вылын Иисус кенеш пуктыны малпа вал, малы ке шуоно со валэктӥз, «инъетлы йыр из», кудӥз сярысь азьло ик верамын вал но кудзэ ачиз Инмар бырйиз, Иисус луиз шуыса (1Пт 2:4—8). Со выллем малпанэз вераз апостол Павел, куке Иисусэз «инъет» но «духовной изгурезь» шуыса нимаз (1Кр 3:11; 10:4). Та учырын Иисус кылъёсын шудӥз, луоз. Со кылъёсыныз солэн верамез потэ вал: «Тон, кинэ мон Пётр (изгурезьысь из) шуыса нимай, валад, кин со Христос, „та из“, кудӥз христиан кенешлы инъет луоз».
Черкме Та кылбурын нырысетӥзэ экклеси́а грек кыл пумиське. Со кык грек кылъёслэсь пӧрмемын — эк («-ысь» аффиксэз возьматэ) но кле́сис («ӧтемез» возьматэ). Экклеси́а кыл возьматэ адямиосты, кудъёсыз кыӵе ке ужпумен яке кыӵе ке ужез быдэстон понна ӧтемын. Татын Иисус христиан черклэн, яке кенешлэн, кылдэмез сярысь вера, кудаз зырӟем христианъёс пыро — «улэп изъёс», кудъёсызлэсь «духовной корка» пуктӥське (1Пт 2:4, 5). Септуагинтаын экклеси́а кыл кутӥське еврей кыл интые, кудӥз ӵемысь возьматэ Инмарлэсь быдэс калыксэ (КЗк 23:3; 31:30). Египетысь потэм Израиль калык сярысь верамын вал, со люкаськем калык, яке кенеш, шуыса (Ап 7:38). Со выллем ик, «пеймыт азьысь» ӧтем христианъёс, кудъёссэ Иисус дуннеысь бырйиз, «Инмарлэн... черкез» луо (1Пт 2:9; Ин 15:19; 1Кр 1:2).
(Матфей 16:19) Мон тыныд Ин Эксэйлыклэсь усьтонъёссэ сёто; музъем вылын мае керттод, со ик керттэмын луоз Инмын; музъем вылын мае пертчод, со ик пертчемын луоз Инмын».
nwtsty, эскерон понна материал (Мф 16:19)
Ин Эксэйлыклэсь усьтонъёссэ Библиысь адӟиське, адямиослы, кудъёсызлы сёто вал усьтонъёс (буквальной яке символической), нимысьтыз уж оско вал шуыса (1Пр 9:26, 27; Ис 22:20—22). Соин ик усьтонъёс возьматыны кутскизы кивалтыны правоез но кыл кутонэз. Пётр солы сётэм «усьтонъёсты» уже кутӥз, иудейёслы (Ап 2:22—41), Самарияысь адямиослы (Ап 8:14—17) но еврей луисьтэм адямиослы (Ап 10:34—38) Инмарлэсь духсэ басьтыны но ин Эксэйлыке пырыны луонлык усьтон понна.
26-ТӤ ТУЛЫСПАЛ — 4-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | МАТФЕЙ 18, 19
Духовной марӟанъёсты утчаськомы
(Матфей 18:21, 22) Соку Пётр Солэн матаз лыктыса шуиз: «Кузё-Инмаре! Братэ мыным пумит сьӧлыказ ке, кӧня пол мон солы простить каром? Сизьым пол-а?» 22 Иисус солы шуиз: «Уг шуиськы тыныд „сизьым пол“, но сизьымдонэз сизьым пол йылэтытозь.
nwtsty, эскерон понна материал (Мф 18:22)
сизьымдонэз сизьым пол йылэтытозь Кылысь кылэ берыктыса, сое вераны луоз «сизьымез сизьымдон пол йылэтытозь». Та грек веранэз кызьы «70 но 7» (77 пол), озьы ик «7 пол басьтэм 70» (490 пол) валаны луэ. Септуагинтаын со веран кутӥське еврей веран интые, кудӥз «сизьымдон сизьым пол» шуыса берыктӥське (Ул 4:24). Со возьматэ, Иисус 77 пол сярысь вераз, вылды, шуыса. Кызьы гинэ медаз луы, сизьым лыдпусэз трос пол верам возьматэ пумтэм-йылтэм луэмез. Иисус Пётрлы вераз, сизьым пол ӧвӧл, нош сизьымдон сизьым пол простить кароно шуыса. Озьы со дышетскисьёссэ вань сюлмысьтызы простить карылыны ӧтиз, пумтэм-йылтэм пол. Нош Вавилон Талмудын верамын: «Янгышез понна адямиез одӥг пол, кык пол, куинь пол простить каро, нош со ньылетӥзэ янгыша ке, простить уг каро ни» (Йома 86б).
(Матфей 19:7) Соос Солы шуо: «Кызьы нош Моисей люкиськон сярысь гожтэт сётыны но соин люкиськыны лэзиз?»
nwtsty, эскерон понна материал (Мф 19:7)
люкиськон сярысь гожтэт Законъя пиосмуртлы, кудӥз кышноеныз люкиськыны малпа вал, документ дасяно но тӧроосын кенешоно вал, вылды. Солы луыса пиосмурт сокем бадӟым ужпум кутэмезлэсь азьвыл эшшо ваньзэ умой-умой малпаны быгатэ вал. Сыӵе косон малпамын вал, шӧдске, люкиськыны ужпум дыртыса медаз кутэ шуыса но кышномуртъёслэн правооссы утемын мед луозы шуыса (КЗк 24:1). Нош Иисус улон нуналъёсы религиозной кивалтӥсьёс люкиськонэз капчиятӥзы. Нырысетӥ даурысь история удысысь тодосчи Иосиф Флавий, кудӥз ачиз люкиськем фарисей вал, вераз, «котькыӵе муген, нош соос улонын туж трос луыны быгато», люкиськыны яра шуыса.
nwtsty, суред
Люкиськон сярысь гожтэт
Люкиськон сярысь та гожтэт (а. э. 71-тӥ яке 72-тӥ ар) Вади-Мураббаатлэн, Иудей луоё кыр дуннеысь куасьмем шурлэн, уйпалаз шедьтэмын вал. Со арамей кылын гожтэмын. Та гожтэтын верамын, иудейёслэн бугыръяськонзылэн куатетӥ араз Наксанлэн Иосиф пиез, кудӥз Масадаын улӥз, Ионафанлэн Мариамь нылыныз люкиськиз шуыса.