«Улон но ужан-тыршон» ужан тетрадьлы малпанъёс
5—11-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | МАТФЕЙ 20, 21
Духовной марӟанъёсты утчаськомы
(Матфей 21:9) Калык азьтӥз но, бертӥз но мыныса черекъяз: «Давидлэн Пиезлы осанна! Кузё-Инмарлэн нимыз понна Лыктӥсь дано! Осанна вылӥын!»
nwtsty, эскерон понна материал (Мф 21:9)
осанна Та грек кыл еврей веранлэсь пӧрмемын, кудӥз возьматэ «уть, ми сюлвориськомы» яке «уть, пожалуйста» шуэмез. Татын «осанна» кыл — со Инмарлэсь утиськон яке вормон сярысь курон. Сое «куриськомы, [Давидлэн Пиезлы] утиськондэ сёт» шуыса берыктыны луоз. Нырысь та кылэз мае ке курон понна гинэ верало вал, но дыр ортчемъя сое данъян понна но вераны кутскизы. Солы тупась еврей веран Пс 117:25 пумиське, кудӥз Халлел нимо псаломъёсы пыре. Та псаломъёсты Пасхаез пусъён вакытэ кырӟазы, соин ик паймоно ӧвӧл, Иисус Иерусалиме пырыкуз, адямиос та веранэз тодазы вайизы шуыса. Инмар вӧсяськемзэс кылэмзэ возьматӥз, кылсярысь, Иисусэз улӟытыса. Мф 21:42 гожтэмын, ачиз Иисус Пс 117:22, 23 кылъёсты вераз но соосты Мессияен герӟаз.
Давидлэн Пиезлы Та кылъёсын адямиос возьматӥзы, соос валало, кин выжыысь Иисус потэмын, но сое сӥзем Мессияен лыдъяло шуыса.
(Матфей 21:18, 19) Нош вазь ӵукна, городэ берытскыкуз, Иисуслэн сиемез потӥз. 19 Сюрес дурысь одӥг смоквапуэз адӟыса, со доры мынӥз, но куаръёссэ сяна, номырзэ но ӧз шедьты, собере солы шуиз: «Туннэ нуналысен, вань дауръёс ӵоже, ноку но емышед медаз ни луы». Смоквапу соку ик куасьмиз.
jy 244 б., 4—6 абз.
Иисус оскон пумысен дышетэ, смоквапуэн луэм учырез валэктыса
Малы меда Иисус писпуэз куасьтӥз? Тани кызьы со сое валэктэ: «Зэм ик тӥледлы верасько: осконды ке луиз, ӧд ке шекланэ, смоквапуэн лэсьтэмез гинэ уд лэсьтэ, но та гурезьлы „ӝутӥськы но гылӟы зарезе“ шуиды ке,— со но луоз. Оскыса вӧсяськыкуды мае гинэ уд куре, ваньзэ басьтоды» (Матфей 21:21, 22). Кызьы адӟиськомы, Иисус нош ик вера малпанэз, кудзэ со азьвыл вераз ини,— оскон гурезьёсты выжтыны быгатэ шуыса (Матфей 17:20).
Смоквапуэн луэм учырез валэктыса, Иисус возьматӥз, Инмарлы оскыны кулэ шуыса. Со вера: «Вӧсяськыса мар гинэ уд куре, басьто шуыса оскелэ,— ваньмыз тӥледлы луоз» (Марк 11:24). Макем кулэ луись визь-кенеш Иисуслэн вань дышетскисьёсызлы! Тужгес но со апостолъёслы кулэ, малы ке шуоно ӝоген соослы бадӟым шуг-секытъёсын пумиськоно луоз. Нош куасьмем смоквапу но оскон мукет сямен но герӟаськемын.
Израиль калык, та смоквапу кадь ик, пӧяськись луэ. Израиль калык но Иегова куспын тупанкыл кутэмын, но малпаны луоз, соос Инмарлэсь Законзэ быдэсъяло шуыса. Озьы ке но, адӟиське, калык пӧлысь тросэзлэн осконзы ӧвӧл но соос ӟеч емышъёс уг ваё шуыса. Израиль калык Инмарлэсь Пизэ но палэнтэ! Емыш вайисьтэм писпуэз куасьтыса, Иисус валамон возьматӥз, мар возьма оскисьтэм калыкез, кудӥз емыш уг вайы.
12—18-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | МАТФЕЙ 22, 23
Духовной марӟанъёсты утчаськомы
(Матфей 22:21) Солы шуо: «Кесарьлэн». Соку соослы Со шуэ: «Озьы бере, кесарьлэсьсэ кесарьлы сётэлэ, нош Инмарлэсьсэ — Инмарлы».
nwtsty, эскерон понна материал (Мф 22:21)
кесарьлэсьсэ кесарьлы Та кылбур, нош озьы ик солы тупась Мк 12:17 но Лк 20:25 кылбуръёс,— одӥгез гинэ милемлы тодмо учыр, куке Иисус вераз кесарь сярысь, яке рим кивалтӥсь сярысь. «Кесарьлэсез» пӧлы пыре кивалтӥсьёслэн кыӵе ке юрттэтсы понна коньдон тырон, нош озьы ик, кивалтӥсьёсты гажан но катъёсты быдэсъян, соос Инмарлэн курон-косонъёсызлы пумит уг луо ке (Рм 13:1—7).
Инмарлэсьсэ — Инмарлы Адями «Инмарлэсьсэ Инмарлы» сётэ, куке вань сюлмысьтыз солы йыбыртъя, вань сюлмысьтыз сое яратэ но котьку солэсь кылзӥське (Мф 4:10; 22:37, 38; Ап 5:29; Рм 14:8).
(Матфей 23:24) Синтэм валтӥсьёс, чибинез сӥсъясьёс, нош верблюдэз ньылӥсьёс!
nwtsty, эскерон понна материал (Мф 23:24)
чибинез сӥсъясьёс, нош верблюдэз ньылӥсьёс Улэп макеос пӧлысь, кудъёсыз Законъя кырсь лыдъясько вал, чибинь одӥгез самой пичиез вал, нош верблюд — одӥгез самой бадӟымез (Лв 11:4, 21—24). Иисус бадӟыматыса, ӧжыт серемес карыса но, вераз, религиозной кивалтӥсьёс юонъёсты сӥсъязы шуыса, малпамтэ шорысь чибинез ньылыса, Инмар азьын кырсь медаз луэ шуыса, со дыре ик соос Законысь валтӥсь курон-косонъёсты ӧз быдэсъялэ, луоз вераны, озьы соос верблюдэз ньылӥзы.
19—25-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | МАТФЕЙ 24
Духовной марӟанъёсты утчаськомы
(Матфей 24:8) Ваньмыз ик та висёнъёслэн кутсконзы.
nwtsty, эскерон понна материал (Мф 24:8)
висёнъёслэн Та кылбурын гожтэм грек кыл возьматэ зол вӧсь луонэз, кудзэ кышномурт нуны ваён дыръяз шӧдэ. Татын та кыл пӧртэм вӧсь луонъёс но курадӟонъёс сярысь веран понна кутӥське. Озьы ке но, со возьматэ, вылды, бадӟым куректон азьын, кудӥз сярысь Мф 24:21 гожтэмын, шуг-секытъёс но курадӟонъёс нуны вайись кышномурт доры вуэм курадӟонъёс кадь ӵемгес, кужмогес луозы но кемагес кыстӥськозы шуыса.
(Матфей 24:20) Вӧсяськелэ, пегӟоно нуналды толалтэ яке суббота нуналэ медаз учыра шуыса.
nwtsty, эскерон понна материал (Мф 24:20)
толалтэ Зол зоръёсын, ву тудӟонъёсын но кезьыт куазен сэрен толалтэ кыдёке ветлыны, сиён но кӧлон инты утчаны секыт вал (Езд 10:9, 13).
суббота нуналэ Иудеяын но со выллем интыосын суббота нунал сярысь законэн герӟаськем курон-косонъёсын сэрен кыдёке ветлыны но сьӧре трос арбери басьтыны уг луы вал. Со сяна, суббота нуналэ кар капкаос пытсамын вал. (Учкы Ап 1:12 но sgd-U 16 ёзэт.)
26-ТӤ ЮЖТОЛЭЗЬ — 1-ТӤ ОШТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | МАТФЕЙ 25
Духовной марӟанъёсты утчаськомы
(Матфей 25:31—33) «Адями Пи Аслаз данэныз, Соин валче вань святой Кылчинъёс лыктэм бере Со Аслаз пиштӥсь данлыкезлэн пукон вылаз пуксёз. 32 Соку Со азе вань калыкъёс люкаськозы; одӥгъёссэ мукетъёсызлэсь висъялоз, кызьы пудо возьмась ыжъёсты висъя кечъёслэсь. 33 Ыжъёсты Аслаз бурпалаз кароз, нош кечъёсты — палляназ.
bw556 27 б., 7 абз.
Христослэн братъёсызлы оскымон юрттэ
7 Туннэ ми ыжъёс но кечъёс сярысь мадёнэз умой валаськомы. Ми тодӥськомы, кин сярысь отын верамын. «Адями Пи», яке Эксэй,— со Иисус, нош солэн братъёсыз — со духен зырӟем пиосмуртъёс но кышномуртъёс, кудъёсыз Христосэн ӵош инмын кивалтозы (Рим. 8:16, 17). Ыжъёс но кечъёс вань калыкъёс пӧлысь адямиосты возьмато. Соос духен зырӟемын ӧвӧл. Ку суд луоз? Со луоз бадӟым куректонлэн пумыз вуон азьын, кудӥз ӝоген кутскоз. Малы куд-ог адямиос ыжъёс шуыса лыдъямын луозы, нош мукетъёсыз — кечъёс шуыса? Лыдэ басьтэмын луоз со, юрттӥзы-а соос музъем вылын улӥсь Христослэн духен зырӟем братъёсызлы, ӧз-а. Та дуннелэн быронэз матэ вуэ. Соин ик ми Иеговалы туж тау кариськомы, со милемлы Матфейлэсь ӟеч иворысь 24-тӥ но 25-тӥ люкетъёсын гожтэм мадёнъёслэсь пуштроссэс пумен усьтылӥз шуыса.
(Матфей 25:40) Нош Эксэй соослы ответ сётыса шуоз: „Зэм ик тӥледлы верасько: тае тӥ Мынам покчи братъёсы пӧлысь одӥгезлы лэсьтӥды бере, тӥ сое Мыным лэсьтӥды“.
w09 15/10 16 б., 16—18 абз.
«Тӥ Мынам эшъёсы луиськоды»
16 Тынад Инмар Эксэйлыклэн кивалтэмез улсын музъем вылын улыны осконэд вань ке, кызьы тон Христослэн братъёсыныз эшъяськемдэ возьматыны быгатӥськод? Ойдолэ куинь амалъёсты эскеромы. Нырысетӥ амал — со сюлмысь ӟеч иворез веран. Христос братъёссэ ӟеч ивор вераны косӥз быдэс дунне вылын (Матф. 24:14). Музъем вылэ кылем Христослэн братъёсызлы та ужез быдэстыны туж секыт луысал, соослы юрттӥсьёс, мукет ыжъёс, ӧз юрттысалзы ке. Зэм но, ялан тодытон уже пыриськыса, мукет ыжъёс Христослэн братъёсызлы соослы сётэм кулэ луись ужез быдэстыны юртто. Оскиськымон, визьмо ляльчи но Христос таӵе юрттэтэз туж дунъяло.
17 Кыкетӥ амал, кызьы мукет ыжъёс Христослэн братъёсызлы юрттыны быгато,— тодытон ужлы ваньбуренызы юрттон. Иисус дышетскисьёсызлэсь мылкыдзэс ӝутӥз «оскиськыны луонтэм узырлыкен» эшъёс шедьтыны (Лука 16:9). Малпано ӧвӧл, Иисусэн яке Иеговаен эшъяськонэз коньдонэн басьтыны луэ шуыса. Озьы ке но, Эксэйлыклэн ужезлы ваньбуренымы юрттыса, ми эшъяськонмес но яратонмес кыл вылын гинэ ум, нош «уж вылын зэмзэ ик» возьматӥськомы (1 Иоанн 3:16—18). Ми ваньбуренымы юрттӥськомы, куке тодытон уже пыриськиськомы, нош озьы ик, куке быдэс дунне вылын ортчись тодытон ужлы, Инмарлы йыбырттон понна юртъёсмес пуктонлы но соосты эскерон-тупатъянлы коньдон сётӥськомы. Трос-а, ӧжыт-а ми сётӥськомы, ми сое ӟеч мылкыдын лэсьтӥськомы ке, Иегова но Иисус сое туж дунъяло (2 Кор. 9:7).
18 Куинетӥ амал возьматыны, ми Христослэн эшъёсыз луиськомы шуыса,— тӧроосын сётэм визь-кенешъёслэсь мылысь-кыдысь кылзӥськон. Та пиосмуртъёс Христослэн кивалтэмез улсын святой духен пуктэмын (Еф. 5:23). «Дышетӥсьёстылэсь кылзӥськелэ, соослы тэрытскыса улэ»,— гожтӥз апостол Павел (Евр. 13:17). Куддыръя милемлы секыт луэ кылзӥськыны Библия вылэ пыкиськем косонлэсь, кудзэ кенешысь тӧроос сёто. Ми соослэсь ляб интыоссэс тодӥськомы, дыр, но со милемлы люкетыны быгатэ соослэн визь-кенешъёссы шоры шонер учкыны. Нош Христос, кенешлэн Йырыз, шумпотыса та тырбыдэстэм пиосмуртъёслы ужъёс оске. Соин ик со, кызьы ми тӧроослэн кивалтэмзы шоры учкиськомы, милям Христосэн эшъяськеммы вылын шӧдӥське. Куке ми, тӧроослэн янгышъёссы шоры учкытэк, шумпотыса соослэсь кылзӥськиськомы, ми Христосэз яратэммес возьматӥськомы.