«Улон но ужан-тыршон» ужан тетрадьлы малпанъёс
3—9-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 9—11
Духовной марӟанъёсты утчаськомы
(Апостолъёслэн ужъёссы 9:4) Со музъем вылэ усиз но куара кылӥз, со куара солы шуиз: «Савл, Савл! Малы тон Монэ улляськод?»
Кенешъёслы «каньылэн улон дыр вуиз»
5 Куке Иисус Савлэз Дамаске нуись сюрес вылын дугдытӥз, со солэсь ӧз юа: «Малы тон мынэсьтым дышетскисьёсме улляськод?» Кызьы азьло верамын вал, со юаз: «Малы тон Монэ улляськод?» (Ап. уж. 9:4). Зэм, Иисус сюлмаське, куке адӟе, кыӵе шуг-секытъёсын пумисько со сьӧры мынӥсьёс (Матф. 25:34—40, 45).
6 Тонэ Христослы оскемед понна улляло ке, тодад возь: Иегова но Иисус тодо, мар тыныд чидано луэ (Матф. 10:22, 28—31). Али шуг-секыттэ палэнтыны уг луы, вылды. Тодад вай: Иисус адӟиз, Савл Стефанэз виёнэ пыриськиз шуыса; озьы ик, со адӟиз, кызьы Иерусалимын Савл Иисуслэсь оскымон дышетскисьёссэ коркаосысьтызы гыж кыскаса поттылӥз (Ап. уж. 8:3). Озьы ке но, Иисус кылдэм югдурез ӧз тупаты. Но соку но Иегова Христос пыр Стефанлы но мукет дышетскисьёслы кужым сётъяз, соос оскымон мед кылёзы шуыса.
(Апостолъёслэн ужъёссы 10:6) со Симон ку посӥсь дорын куноя. Солэн коркаез зарезь дурын сылэ. Со тыныд кылъёс вералоз, со кылъёсын тон но, тынад быдэс семьяед но утиськоды».
nwtsty эскерон понна материал (Ап 10:6)
Симон ку посӥсь Ку посӥсь пудо-животъёслэсь кузэс гонлэсь, кылем сӥльлэсь но кӧйлэсь вуын сылмытэм изваскаен сузя вал. Собере со куэз будосъёслэсь лэсьтэм суретэн посэ вал, кулэсь пӧртэм арбериос лэсьтыны мед луоз шуыса. Куэз посыку, кӧш зын потэ вал, но со ужез быдэстон понна трос ву кулэ вал. Соин, дыр, Симон зарезь дурын улӥз, Иоппия карлэн пумаз, вылды. Моисейлэн законэзъя, пудо-животъёслэн шӧйёсынызы ужась адями кырсь лыдъяське вал (Лв 5:2; 11:39). Соин ик тросэз еврейёс ку посӥсьёс шоры вылтӥяськыса учко вал но кӧлыны соос дорын ӧй дугдысалзы. Талмудын гожтэмъя, ку посӥсьлэн ужез кыед люкась адямилэн ужезлэсь но улӥынгес лыдъяське вал. Тросэз адямиос озьы малпазы ке но, Пётр Симон доры дугдӥз. Та учырын Пётрлы возьматоно вал, со адямиосты, вылтус шоры учкыса, улӥё-вылӥё уг кары шуыса, со дасяз сое вуоно ужлы — еврей луисьтэм адямилэн корказ мыныны. Куд-ог тодосчиос малпамъя, «ку посӥсь» шуыса берыктэм бирсеу́с грек кыл ним вал, кудӥныз Симонлы вазиськылӥзы.
10—16-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 12—14
Духовной марӟанъёсты утчаськомы
(Апостолъёслэн ужъёссы 12:21—23) Тупатэм нуналэ Ирод, эксэй дӥськут дӥсяса, эксэй пукон вылэ пуксиз но соослы вераны кутскиз, 22 нош калык бадӟым куараен вазиськылӥз: «Та — Инмарлэн куараез, адямилэн ӧвӧл». 23 Нош Ирод Инмарез санэ ӧз поны. Со понна Кузё-Инмарлэн Кылчинэз сое син куспын погыртӥз. Нумыръёс йыръем бере гинэ солэн лулыз потӥз.
w08 15/5 32 б., 7 абз.
Апостолъёслэн ужъёссы книгаысь тунсыко малпанъёс
12:21—23; 14:14—18. Ирод шумпотыса басьтӥз данэз, кудзэ Инмар гинэ басьтыны ярамон. Павел но Варнава чылкак мукет сямен лэсьтӥзы. Куке калык соосты данъяны но сӥлы карыны кутскиз, соос соку ик адямиосты дугдытыны тыршизы, озьы медаз лэсьтэ шуыса. Милемлы тыршоно ӧвӧл дан басьтыны но возьмано ӧвӧл, Иеговалы ужан-тыршонын азинлыкъёсмы понна милемыз данъялозы шуыса.
(Апостолъёслэн ужъёссы 13:9) Соку Савл, со ик Павел, Святой Духен тыр луыса, Елима шоры шонерак учкыса
nwtsty эскерон понна материалъёс (Ап 13:9)
Савл, со ик Павел Та дырысен Савлэз Павел шуыны кутскизы. Апостол Павел еврей вал ке но, со вордскем дырысеныз ик Рим кунлэн адямиез вал (Ап 22:27, 28; Фп 3:5). Соин пичи дырысеныз ик, вылды, солэн кызьы Савл еврей нимыз вал, озьы ик Павел рим нимыз но. Со дыре тросэзлэн еврейёслэн, тужгес но соослэн, кудъёсыз Израиль сьӧрын улӥзы, кык нимзы вал (Ап 12:12; 13:1). Павеллэн куд-ог ӵыжы-выжыосызлэн но еврей нимзы сяна рим яке грек нимзы вал (Рм 16:7, 21). «Язычникъёслэн апостолзы» луыса Павел еврей луисьтэм адямиослы ӟеч иворез тодытӥз (Рм 11:13). Со малпаз, дыр, рим нимзэ уже кутыны умойгес луоз шуыса (Ап 9:15; Гл 2:7, 8). Куд-огъёсыз верало, со, Сергий Павелэз сӥлы карыса, аслыз рим нимез басьтӥз шуыса. Но со озьы ӧвӧл, дыр, малы ке шуоно Павел Кипрысь кошкем бераз но та нимез нуллэ вал. Мукетъёсызлэн малпамзыя, Павеллэн уг поты вал, сое еврей нимыныз мед вералозы шуыса, малы ке шуоно — со нимез грек манерен верано ке — со грек кыллы кельше вал, кудӥныз чукин-бекин ветлӥсь адямиез яке пудо-животэз нимало вал.
Павел Павел ним (грек кылын Пау́лос, латин кылын Паулус) «пичи» шуэмез возьматэ. Удмурт кылэ берыктэм Христиан Грек Гожтэмъёсын та ним 244 пол кутӥське, куке апостол Павел сярысь вераськон мынэ, но 2 пол, куке Кипрлэн Сергий Павел проконсулэз сярысь вераське (Ап 13:7).
17—23-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 15, 16
Духовной марӟанъёсты утчаськомы
(Апостолъёслэн ужъёссы 16:6—9) Фригия но Галатия музъемъёс пыр ортчизы, но Святой Дух соосты Асияын Инмар кылэз тодытыны ӧз лэзьы. 7 Мисия ёросэ вуыса, соос Вифинияе мыныны ӧдъяло вал, нош Дух соосты отчы мыныны ӧз лэзьы. 8 Мисияез ортчыса, Троадае васькизы. 9 Уйин Павеллы адӟон вал: кыӵе ке но македон пиосмурт солэн азяз султӥз но сое курыса шуиз: «Македонияе лыкты, милемлы юртты».
w12 15/1 10 б., 8 абз.
Иисуслэн апостолъёсызлэсь сак луыны дышетске
8 Малы дышетскыны ми быгатӥськомы та кылбуръёсысь? Висъялэ саклыктэс: Инмарлэн духез та уже пыриськиз, Павел Асияе мыныны потэм бере гинэ; Иисус кивалтэт сётӥз, Павел Вифиниялы матэ вуэм бере гинэ; Иисус Павелэз Македонияе лэзиз, апостол Троадае вуэм бере гинэ. Кенешлэн йырыз луыса Иисус милемлы но со выллем амалэн кивалтэт сётыны быгатэ (Кол. 1:18). Кылсярысь, тон кӧня ке дыр ӵоже малпаськод ини пионер луыса ужаны-тыршыны яке мыныны отчы, кытын ивортӥсьёс уг тырмо. Оло нош, ужпумдэ быдэстон понна вамышъёс лэсьтэмед бере гинэ, Иисус тыныд Инмарлэн духез пыр кивалтэт сётоз. Валэктомы сое пример вылын. Машина нуллӥсь бур пала яке паллян пала кожыны быгатэ, машина мыныку гинэ. Озьы ик куке ми тыршиськомы ужан-тыршонмес паськытатыны, Иисус милемлы сюрес возьматыны быгатэ соку гинэ, куке ми мынӥськомы, ужпуммес быдэстон понна кужым понӥськомы.
(Апостолъёслэн ужъёссы 16:37) Нош Павел соослы шуиз: «Милемды, Рим кунлэсь адямиоссэ, судтэк вань калык азьын жугизы но пытсэтэ куштӥзы, нош табере лушкемен келяны туртто? Ӧвӧл, мед лыктозы но асьсэос мед мозмытозы».
nwtsty эскерон понна материал (Ап 16:37)
Милемды, Рим кунлэсь адямиоссэ Павел, озьы ик Сӥла но, луоз, Рим кунлэн адямиосыз вал. Рим катъёсъя кунлэн адямиез курыны быгатэ вал, солэн ужез судын мед эскериськоз шуыса, но судын ужпум кутэмлэсь азьло сое калык азьын кыл кутытыны уг яра вал. Рим кунлэн адямиез луон адямилы куд-ог правоос сётэ вал, кудъёссэ быдэс кунын кутыны луэ вал. Рим кунлэн адямиез рим катъёслэсь гинэ кылзӥськыны кулэ вал — ёрослэн катъёсызлэсь кылзӥськытэк но луэ вал. Сое янгыше уськыто вал ке, со соглаш кариськыны быгатэ вал, сое ёрослэн катъёсызъя мед судъялозы шуыса, нош азьланяз со курыны быгатэ вал, солэсь ужзэ рим суд мед эскероз шуыса. Сое виыны судъяло вал ке, кесарьлы вазиськыса, со курыны быгатэ вал, солэсь ужзэ выльысь мед эскерозы шуыса. Апостол Павел быдэс Рим кунын мылысь-кыдысь тодытӥз. Библиын куинь учыр гожтэмын, куке Павел Рим кунлэн адямиез луон правозэ кутӥз. Нырысетӥзэ со Филиппы карын вал. Павел кивалтӥсьёслы вераз, сое жугыса, соос солэсь правозэ сӧризы шуыса. Кык мукет учыръёс сярысь Ап 22:25 но 25:11 гожтэмын.
it «Бить, побои», 17 абз.
Жугон
Филиппы карын Павелэз ньӧрен жугизы. Та учырез со аслаз тушмонъёсызлы пумит кутӥз, ӟеч иворез вӧлмытыны правозэ катъёсъя утён понна. Павелэз калык азьын жугизы но пытсэтэ куштӥзы. Нош куке кузёйыръёс тодӥзы, со Рим кунлэн адямиез шуыса, соос туж кышкатскизы, малы ке шуоно соос Рим кунлэсь адямизэ судтэк жугизы. Со сяна, та учыре Павелэз но Сӥлаез ваньмыз азьын йыруж лэсьтӥсьёс радэ пуктӥзы. Соин ик, куке кузёйыръёс пытсэт возьмасьлы Павелэз но Сӥлаез лэзьыны веразы, Павел шуиз: «Милемды, Рим кунлэсь адямиоссэ, судтэк вань калык азьын жугизы но пытсэтэ куштӥзы, нош табере лушкемен келяны туртто? Ӧвӧл, мед лыктозы но асьсэос мед мозмытозы». Кузёйыръёслы янгышсэс валано луиз. «Та кылъёсты медоос кивалтӥсьёслы веразы, нош соос, таос Рим кунлэн адямиосыз луо шуыса кылэм беразы, куалектӥзы. Собере лыктӥзы но вожзэс медаз поттэ вал шуыса куризы. Мозмытэм беразы улон интыысьтызы кошкыны куризы» (Ап 16:22—40). Озьы возьматэмын вал, ӟеч иворез тодытон катъёслы пумит ӧвӧл шуыса. Кузёйыръёс ужъёсынызы ваньмыз азьын возьматӥзы, Павел но Сӥла номыр уродзэ ӧз лэсьтэ шуыса. Павел озьы кариз, малы ке шуоно солэн ӟеч иворез утемез-вӧлмытэмез потэ вал (Фп 1:7).
24—30-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 17, 18
Духовной марӟанъёсты утчаськомы
(Апостолъёслэн ужъёссы 18:18) Павел отын эшшо трос гинэ нуналъёс улӥз на. Собере, агай-вынъёсын люкиськем бераз, ву вылтӥ Сирияе кошкиз,— соин ӵош Акилаен Прискилла мынӥзы,— Инмар азьын сӥзиськем кылзэ быдэстыса, Кенхреяысен Павел йырсизэ ӵышкиз.
w08 15/5 32 б., 5 абз.
Апостолъёслэн ужъёссы книгаысь тунсыко малпанъёс
18:18 — Кыӵе сӥзиськем кылзэ сётӥз Павел? Библиез эскерись куд-ог тодосчиос лыдъяло, Павел назорей луыны сӥзиськыса кыл сётӥз шуыса (Лыд. 6:1—21). Озьы ке но Библия уг вера, кыӵе сӥзиськем кылзэ сётӥз Павел. Со сяна, отын верамын ӧвӧл, ку Павел та сӥзиськем кылзэ сётӥз, христиан мурт луэмезлэсь азьло яке берлогес. Озьы ик, гожтэмын ӧвӧл, Павел та сӥзиськем кылзэ быдэстыны кутскиз гинэ яке быдэстӥз ини. Котькызьы мед луоз, таӵе сӥзиськем кыл сётыны сьӧлык ӧй вал.
(Апостолъёслэн ужъёссы 18:21) Соосын люкиськыкуз, Павел шуиз: «Матэ вуись праздникез мон одно ик Иерусалимын ортчытыны кулэ; тӥ доры мон, Инмарлы кулэ ке, нош ик берытско». Собере со Ефесысь кошкиз. (Нош Акилаен Прискилла Ефесэ кылизы.)
nwtsty эскерон понна материал (Ап 18:21)
Инмарлы кулэ ке Та кылъёс возьмато, макем кулэ Иеговалэсь эриксэ лыдэ басьтыны, мар ке карыку яке кыӵе ке ужпум кутыку. Апостол Павел та возетэз котьку тодаз возиз (1Кр 4:19; 16:7; Евр 6:3). Иаков но гожтэтсэ лыдӟисьёсты та возетэз тодазы возьыны куриз, вераса: «Кузё-Инмарлы кулэ ке луиз, улэп ке луимы, сое яке тае лэсьтомы» (Иак 4:15). Та выллем веранъёс огшоры верам кылъёс луыны кулэ ӧвӧл. Куке ми шуиськомы: «Иеговалы кулэ ке», милемлы Иеговалэн эрикезъя лэсьтоно. Та кылъёсты шара вератэк но луоз; тырмыт луоз, соос милям сюлмамы луизы ке. (Учкы Ап 21:14 но sgd-U 2-тӥ люкет.)
31-ТӤ ТОЛСУР — 6-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 19, 20
Духовной марӟанъёсты утчаськомы
(Апостолъёслэн ужъёссы 19:9) Нош куд-огезлэн сюлэмзы чурытомемен, оскымтэысьтызы, калык азьын Кузё-Инмарлэсь сюрессэ урод кылъёсын куаретэмысьтызы, Павел, дышетскисьёсты сьӧраз басьтыса, соос дорысь кошкиз. Нуналлы быдэ Тираннлэн училищеяз дышетыса-тодытыса улӥз.
Пумитъяськонъёс шоры учкытэк, Иеговалэн кылыз «вӧлмыны, йылыны кутскиз»
11 Павел нуналлы быдэ, ӵукна 11 часысен кутскыса нуназе бере 4 часозь, луоз, училищеын дышетыса-тодытыса улӥз (Ап. уж. 19:9). Та часъёс самой чалмыт вал, дыр, но со дыре ик самой пӧсь, соку адямиос ужамысь дугдо вал, сиськон но шутэтскон понна. Пукты син азяд: Павел кык ар ӵоже озьы ужаса-тыршыса улӥз ке, со 3 000 часлэсь тросгес мукетъёссэ дышетӥз. Тани малы эшшо Иеговалэн кылыз вӧлмыны но йылыны кутскиз на. Павел мылысь-кыдысь но, югдуръёсты лыдэ басьтыса, ужаз-тыршиз. Со адямиосты дышетӥз соку, куке соослэн дырзы вал. Кытчы со вуттӥз? «Асия шаерын вань улӥсьёс, кызьы ке иудейёс, озьы ик мукет калыкъёс, Кузё-Инмар Иисус сярысь тодытонэз кылӥзы» (Ап. уж. 19:10). Макем пыр-поч со тодытӥз!
(Апостолъёслэн ужъёссы 19:19) Нош тунаськонэн вырисьёс пӧлысь тросэз книгаоссэс люкаса, вань калык азьын сутӥзы. Книгаослэсь дунзэ ӵотазы: витьтон сюрс драхма тыр луэм.
bt 162 б, 15 абз.
Пумитъяськонъёс шоры учкытэк, Иеговалэн кылыз «вӧлмыны, йылыны кутскиз»
15 Скевалэсь пиоссэ ултӥям бере Инмарлэсь кышкан вӧлмиз. Солы луыса тросэз оскыны кутскизы но тунаськонэн выремлэсь дугдӥзы. Ефес кар тунаськонэн тырмемын вал. Тунаськон кылъёс но утись арбериос паськыт вӧлмемын вал, озьы ик гожтэм веднаськон кылъёс но. Табере тросэз Ефесын улӥсьёс пӧлысь тунаськон пумысен книгаоссэс вайыны но соосты калык азьын сутыны мылкыд каризы, туала коньдонэн лыдъяно ке, со книгаос трос сюрс доллар сылӥзы ке но, дыр. Лука вера: «Таӵе кужымен вӧлмыны, йылыны кутскиз Кузё-Инмарлэн кылыз» (Ап. уж. 19:17—20). Макем паймымон зэмлык пӧяськонэз но периослы осконэз вормиз! Та оскымон адямиос милемлы умой адӟем карон кельтӥзы. Ми но тунаськонэн тырмем дуннеын улӥськомы. Ми дорамы тунаськонэн герӟаськем арбериез шедьтӥмы ке, ефесъёс сямен ик, милемлы соку ик сое быдтыны кулэ! Ойдолэ та юрӟым ужъёслэсь палэнын возиськомы, со туж секыт луиз ке но.