«Улон но ужан-тыршон» ужан тетрадьлы малпанъёс
3—9-ТӤ ИНВОЖО
ИНМАРЛЭН КЫЛЫСЬТЫЗ УЗЫРЛЫК | ГАЛАТЪЁСЛЫ 4—6
Духовной марӟанъёсты утчаськомы
(Галатъёслы 4:6) Нош тӥ Солэн нылпиосыз бере, Инмар тӥляд сюлмады «Авва, Атай!» шуыса вазиськись Пиезлэсь Духсэ ыстӥз.
w09 1/4 13 б.
Тодӥськоды-а тӥ?
Малы, Иеговалы вӧсяськыкуз, Иисус солы «Авва, Атай!» шуыса вазиськылӥз?
Еврей яке арамей авва́ кыл «атай» яке «Э, Атай» шуэмез возьматыны быгатэ. Библиын со кыл куинь пол пумиське но кутӥське инмысь Атайлы, Иеговалы, вӧсяськыку вазиськон понна. Мар со возьматэ?
Одӥг энциклопедиын верамын: «Иисус улон вакытэ авва кылын пиналъёс атайзылы вазисько вал. Со туж шуныт, но со дыре ик гажамез возьматӥсь кыл вал» (The International Standard Bible Encyclopedia). Со шуныт кусыпъёсты возьматэ вал. Ӵем дыръя со пиналлэн нырысетӥ кылыз вал. Ӵапак озьы Иисус, ӟырдыт вӧсяськыкуз, Инмарлы вазиськылӥз. Кылсярысь, кӧня ке час кулэмезлэсь азьло, Гефсиман садын Иеговалы вӧсяськыкуз, со вераз: «Авва, Атае!» (Марк 14:36).
Со энциклопедиын ик верамын на: «Грек-рим вакытысь иудей литератураын авва кыл туж шер пумиське, куке Инмарлы вазиськон сярысь вераськон мынэ. Адямиос лыдъяны кутскизы, со кыл Инмарез гажамез уг возьматы шуыса. Оло, соин сэрен та кыл литератураын шер пумиське». Озьы ке но «Иисус... та кылэз вӧсяськыкуз кутылӥз. Озьы со ваньмыз азьын возьматъяз, солэн Инмарен кусыпъёсыз туж матысь шуыса». Кык мукет учыръёсын авва кыл апостол Павеллэн гожтэтъёсаз пумиське. Татысь адӟиське, нырысетӥ христианъёс но авва кылэз вӧсяськыкузы кутылӥзы шуыса (Римъёслы 8:15; Галатъёслы 4:6).
(Галатъёслы 6:17) Азьланяз нокин но мыным куректон медаз ни вайы, уго аслам мугор вылам Кузё-Инмарлэсь Иисуслэсь яраоссэ мон нуллӥсько.
w10 1/11 15 б.
Тодӥськоды-а тӥ?
Мар шуэмез потэ вал апостол Павеллэн, куке со вераз «Иисуслэсь яраоссэ [«Иисуслэн ляльчиезлэсь пуссэ», ВД]» мугор вылаз нуллэ шуыса? (Галатъёслы 6:17).
▪ Павелэн огдыре улӥсьёс солэсь кылъёссэ пӧртэм сямен валаны быгато вал. Кылсярысь, вашкала дыръёсы пӧсь кортэн пус пукто вал пленэ шедемъёслы, пегась ляльчиослы но соослы, кинъёс храмысь мае ке лушказы. Сыӵе пус нуллыны возьыт вал.
Но пус мукетсэ но возьматыны быгатэ вал. Вашкала дыръя тросэз адямиос пус пуктылӥзы, возьматон понна, кыӵе выжыысь соос яке кыӵе религиысь. Кылсярысь, одӥг кыллюкамын вераське: «Адад но Атаргатис инмаръёслы сӥзиськемзэс возьматон понна, сири калыкысь адямиос суйпосазы яке чыртыязы пус пуктылӥзы. [...] Дионис инмарлы йыбыртъясьёс плющ куар выллем пус нуллӥзы» (Theological Dictionary of the New Testament).
Тросэз Библиез эскерисьёслэн малпамзыя, та кылбурын Павел вера яра бервылъёсыз сярысь, кудъёсыз сое жугылэм бере кылизы, малы ке шуоно пӧртэм шаеръёстӥ тодытыкуз, сое одӥг пол гинэ ӧз жугылэ (2 Коринфъёслы 11:23—27). Нош Павел вераз, дыр, аслаз улонэз сярысь, кудӥз возьматэ вал, со христиан мурт луэ шуыса, нош кыӵе ке пус сярысь ӧз.
10—16-ТӤ ИНВОЖО
ИНМАРЛЭН КЫЛЫСЬТЫЗ УЗЫРЛЫК | ЕФЕСЪЁСЛЫ 1—3
Духовной марӟанъёсты утчаськомы
(Ефесъёслы 3:13) Со понна ик мон тӥледыз курисько: тӥ понна мыным курадӟонъёс чидано луэ шуыса, ӝоже эн усе — мынам та курадӟонэ тӥледлы дан ваёз.
w13 15/2 28 б., 15 абз.
Дан басьтыны тӥледлы номыр но медаз люкеты
15 Милям Иеговалэсь эриксэ номыр шоры учкытэк быдэсъяммы мукетъёсызлы дан басьтыны юрттэ. Ефесысь кенешлы Павел гожтӥз: «Мон тӥледыз курисько: тӥ понна мыным курадӟонъёс чидано луэ шуыса, ӝоже эн усе — мынам та курадӟонэ тӥледлы дан ваёз» (Еф. 3:13). Кызьы валано, Павеллэн курадӟонъёсыз Ефесысь христианъёслы «дан» вайизы шуыса? Шуг-секытъёс шоры учкытэк, Павел Ефесысь вын-агайёслы юрттыны дась вал. Озьы со возьматӥз, Христиан мурт луыны но Инмарлы ужаны-тыршыны — со туж вылӥ дан луэ шуыса. Мар луыны быгатысал, курадӟонъёсын сэрен Павел сётскысал ке? Ефесысь христианъёс малпаны быгатысалзы, соослэн Иеговаен кусыпъёссы, ужам-тыршемзы но оскиськонзы туж ик дуно ӧвӧл шуыса. Павеллэн юн луэмез возьматӥз, Христослэн дышетскисез луыны бадӟым дан луэ шуыса но со понна котькыӵе шуг-секытъёс пыр потыны дась луоно шуыса.
(Ефесъёслы 3:18, 19) Вань вӧсяськисьёсын ӵош, Инмарлэн дэлетэныз-ӟечлыкеныз пачылмыса улон понна, валаны мед быгатоды, мед тододы макем паськыт но кузь, макем мур но ӝужыт Христослэн яратонэз. Со котькыӵе тодонлыклэсь но вылӥын.
cl 299 б., 21 абз.
«Мед тододы... Христослэсь яратонзэ»
21 Грек кыл, кудӥз «тодыны» шуыса берыктэмын, «уж вылын, ас вылад» тодыны шуэмез возьматэ. Иисус сямен, яратэммес возьматыса,— асьмелы пайда утчатэк мукетъёсызлы юрттыса но соосты сюлмысь простить карыса,— ми быгатомы быдэсак валаны солэсь яратонзэ. Озьы ми ас выламы «Христослэсь яратонзэ» тодомы, кудӥз «котькыӵе тодонлыклэсь но вылӥын» луэ. Ойдолэ тодамы возёмы: Иисус котьку но Иегова сямен ассэ возиз, соин ик, Иисуслэсь адӟем карыса, ми яратӥсь Инмармылы, Иеговалы, матэгес кариськиськомы.
17—23-ТӤ ИНВОЖО
ИНМАРЛЭН КЫЛЫСЬТЫЗ УЗЫРЛЫК | ЕФЕСЪЁСЛЫ 4—6
Духовной марӟанъёсты утчаськомы
(Ефесъёслы 4:30) Инмарлэсь Святой Духсэ ӝоже эн уськытэ, мозмытскон нуналды вуыкулы Солэн печатеныз тӥ пусъемын.
it «Святость», «Святой дух» подзаг.
Дун-чылкыт луон
Святой дух. Иеговалэн ужась-лэсьтӥсь кужымез, яке солэн духез, котьку солэсь эриксэ быдэстэ. Та дух котьма ласянь чылкыт но дун-чылкыт. Со висъямын, Инмарлэн малпамезъя уже кутон понна. Тӥни малы со «святой дух» шуыса нимаське (Пс 50:13; Лк 11:13; Еф 1:13). Святой дух адямилэсь мылкыдзэ ӝутэ дун-чылкыт луыны. Дышем сямызъя кыӵе ке кырсь яке умойтэм ужез лэсьтыса, адями та духлы пумит мынэ но сое ӝоже уськытэ (Еф 4:30). Святой дух Иегова бордысь потэ, соин ик, кин ке но святой духлы пумит мынэ ке, со Иеговаез ӝоже уськытэ. Адями умойтэм ужъёсты лэсьтыса улыны дышиз ке, со духез кысыны быгатэ (1Фс 5:19). Адямилэн воштӥськемез уг поты ке, со Инмарлэсь святой духсэ ӝоже уськытыны быгатоз но Инмар со адями понна тушмон луоз (Ис 63:10). Со, кин святой духез ӝоже уськытэ, сое курланы но быгатоз. Нош сыӵе сьӧлык, Иисус Христослэн верамезъя, «таяз дуннеын но, вуонояз но уз куштӥськы» (Мф 12:31, 32; Мк 3:28—30; учкы ДУХ).
(Ефесъёслы 5:5) Тодэлэ уго: нокудӥз но азыса-калгыса улӥсь, юрӟым-кырсь ужъёс лэсьтӥсь, барыш люкаса улӥсь — сульдэръёслы-идолъёслы йыбыртъясь — Христослэн, Инмарлэн Эксэйлыказ люкет уз басьты.
it «Жадность», «Проявляется в делах» подзаг.
Кӧттырмостэм луон
Ужъёсысь адӟиське. Адями кӧттырмостэм ке, солэн шонертэм но туж кужмо мылпотонэз одно ик ужъёсысьтыз адӟиськоз. Иаков аслаз гожтэтаз вера, кырсь малпан кылдэ но сьӧлыкез вордӥськытэ шуыса (Иак 1:14, 15). Озьыен, адямилэн кӧттырмостэм луэмез ужъёсысьтыз адӟиське. Апостол Павел барыш люкаса улӥсез, яке кӧттырмостэм адямиез, но сульдэръёслы-идолъёслы йыбыртъясез одӥг радэ пуктӥз (Еф 5:5). Кӧттырмостэм адямилэн мае ке но сокем басьтэмез потэ, со мар ке адями понна инмар луэ, нош Кылдытӥсьлы йыбырттонэз но солы ужан-тыршонэз кыкетӥ интые кыле (Рм 1:24, 25).
24—30-ТӤ ИНВОЖО
ИНМАРЛЭН КЫЛЫСЬТЫЗ УЗЫРЛЫК | ФИЛИППЫОСЛЫ 1—4
Духовной марӟанъёсты утчаськомы
(Филиппыослы 1:7) Ваньды сярысь тазьы малпаны мынам муге вань уго, малы ке шуоно тӥ — мынам сюлэмам, мон жильыетын пукыкум но, Ӟеч Иворез утьыкум-вӧлмытыкум но, тӥ ваньды мон кадь ик, Инмар дорысь ӟечлык-дэлет басьтӥсьёс луиськоды.
«Инмарлэн каньыллыкез котькыӵе визьлэсь но вылӥын»
8 Филиппы карысь вын-агайёс асьсэлэсь осконзэс юнматыны быгато вал, малпаськыса со сярысь, мар луиз Павелэн луэм учыр бере, берпум дас аръёс ӵоже. Соос соглаш вал Павеллэн кылъёсыныз. Иегова лэзиз ке но, соослы пумит шонертэм уж лэсьтэмын мед луоз шуыса, ваньмыз со ӟеч иворез утьыны но сое вӧлмытыны юрттӥз (Флп. 1:7). Филиппы карысь кивалтӥсьёс табере умой-умой малпаськысалзы, выль кылдэм христиан кенешлы пумит мае ке лэсьтон азьын. Солы луыса, вылды, кызьы ассэ возиз Павел, соин ӵош ветлӥсь Лука быгатӥз кыльыны Филиппы каре Павел но Сӥла отысь кошкем бере. Отын со быгатӥз выль христианъёсты юнматыны.
9 Филиппы карысь вын-агайёс, Павеллэсь гожтэтсэ лыдӟыкузы, валало вал, та гожтэтэз кыӵе ке тодӥсьтэм-валасьтэм адями ӧз гожты шуыса. Павел ас вылаз шӧдӥз, мар со сыӵе бадӟым шуг-секытъёс. Озьы ке но, со «Инмарлэсь каньыллыксэ» ӧз ышты. Вераны кулэ, Филиппы карын улӥсьёслы гожтэтсэ Павел гожъяз Римын, дораз жильыетын пукыкуз. Соку но «Инмарлэн каньыллыкез» со бордын вал (Флп. 1:12—14; 4:7, 11, 22).
(Филиппыослы 3:11) кулэмысь улонэ улӟыса султӥсьёс пӧлы мон но мед сюрысал.
w07 1/1 26 б., 5 абз.
«Нырысетӥез улӟыса султон» али луэ ини!
5 Кыкетӥез, зырӟем христианъёс, «Инмарлэн израиль калыкез» пӧлы пырисьёс, Иисус Христос доры инме тубыны кулэ, отын соос вань вапумъёс ӵоже Христосэн огазьын улозы (Галатъёслы 6:16; 1 Фессалоникаослы 4:17). Со «вазез улӟыса султон» но «нырысетӥез улӟыса султон» шуыса нимаське (Филиппыослы 3:10, 11, ВД; Усьтӥськон 20:6). Зырӟем христианъёсты улӟытэм бере, дыр вуоз трос миллион адямиосты улӟытыны, кудъёсыз рай музъем вылын пырак улыны быгатозы. Озьыен, «нырысетӥез улӟыса султон» сярысь тодыны тунсыко луоз инмын но, музъем вылын но улыны оскисьёслы. Кыӵе улӟыса султон со? Ку со луоз?