«Улон но ужан-тыршон» ужан тетрадьлы малпанъёс

2—8-ТӤ КУАРУСЁН

ИНМАРЛЭН КЫЛЫСЬТЫЗ УЗЫРЛЫК | ЕВРЕЙЁСЛЫ 7, 8

Духовной марӟанъёсты утчаськомы

(Еврейёслы 8:3) Котькудзэ архиереез кузьымъёс, курбонъёс сётон понна пукто, соин ик асьмелэн Архиереймылэн но курбон сётонэз луыны кулэ вал.

w00 15/8 14 б., 11 абз.

Курбонъёс, кудъёсыз Инмарлы ярамон вал

¹¹ «Котькудзэ архиереез кузьымъёс, курбонъёс сётон понна пукто»,— вера апостол Павел (Еврейёслы 8:3). Павел возьматӥз, курбонъёс, кудъёссэ ваёно вал вашкала Израильын быдӟым священниклы, кык пумо луо шуыса: «кузьымъёс» но «курбонъёс», яке сьӧлыкъёс понна курбонъёс (Еврейёслы 5:1). Жалятэк сётэм кузьымъёс яратэмез но тау каремез возьмато; соос юртто кинэн ке эшъяськыны, кинэ ке либатыны яке кин ке азьын ярамон луыны (Улон-вылон 32:20; Мадёнъёс 18:17). Озьы ик троссэ курбонъёсты, кудъёссэ вайыны кулэ вал Законлэн пуктон-косонэзъя, Инмарлы «кузьымъёс» шуыны луэ, кудъёссэ ваё, Инмар азьын ярамон луон понна. Законэз тӥясьлы ваем изъянэз понна дун тыроно вал, нош сьӧлыкез куштон понна «курбон» сётоно вал. Библилэн нырысетӥ вить книгаосаз, тужгес но Потонын, Левитын но Лыдпусъёсын, трос пӧртэм курбонъёс но салам-кузьымъёс сярысь верамын. Соос сярысь ваньзэ пыр-поч валаны но тодамы возьыны капчи ӧвӧл ке но, курбонъёс сярысь куд-ог валтӥсь малпанъёслы саклыкмес висъяны кулэ.

(Еврейёслы 8:13) Таизэ сӥзёнэз Со «выль» шуыса нимаз, нош нырысетӥзэ сӥзёнэз вужмемын шуыса возьматӥз. Мар вань вужмемез, пересьмемез — со быронлы матын улэ.

it «Соглашение», «Как соглашение Закона стало „отжившим“?» подзаг.

Тупанкыл

Кызьы Законлэн тупанкылыз «вужмиз»?

Куке Иеремия пророк пыр Инмар вераз, выль тупанкыл кутэмын луоз шуыса, Законлэн тупанкылыз «вужмиз» шуыны луоз (Иер 31:31—34; Евр 8:13). Асьме вакытысь 33-тӥ арын, Христослэн курадӟон юбо бордын кулэмезлы луыса, Законлэн тупанкылыз ужамысь дугдӥз (Гл 3:13), сое воштӥз выль тупанкыл (Евр 7:12; 9:15; Ап 2:1—4).

9—15-ТӤ КУАРУСЁН

ИНМАРЛЭН КЫЛЫСЬТЫЗ УЗЫРЛЫК | ЕВРЕЙЁСЛЫ 9, 10

Духовной марӟанъёсты утчаськомы

(Еврейёслы 9:16, 17) Сӥзиськон гожтэт вань ке, соку сӥзиськон гожтӥсь кулэмын ке, со кинюртыса юнматэмын луыны кулэ. ¹⁷ Малы ке шуоно сӥзиськон гожтэт сое гожтӥсь кулэм бере гинэ кужым басьтэ; сӥзиськон гожтӥсь улэп дыръя солэн кужымез ӧвӧл.

w92 1/3 31 б., 5—7 абз.

Лыдӟисьёслэн юанъёссы

Павел вераз, Инмар но адямиос вискын тупанкыл ужаны кутскон понна, кулон кулэ вал шуыса. Законлэн тупанкылыз возьматэ сое. Законлэсь тупанкылзэ кутыку, Моисей Инмар но Израиль калык вискын кусып возись вал. Озьыен, Моисей тупанкылэз кутонын бадӟым инты басьтэ вал но со дыре Израиль калыклэн азьветлӥсез вал. Соин ик луоз вераны, Моисей кутӥз Законлэсь тупанкылзэ, кудзэ кутыны ӵектӥз Иегова. Но кулэ вал-а Моисейлы аслэсьтыз вирзэ кисьтыны, Законлэн тупанкылыз ужаны мед кутскоз шуыса? Кулэ ӧй вал. Со интые курбонэ ваемын вал пудо-животъёс, кудъёсызлэн вирзы Моисейлэсь вирзэ воштӥз (Еврейёслы 9:18—22).

Нош мар луоз вераны выль тупанкыл сярысь, кудӥз кутэмын вал Иегова но духовной Израиль куспын? Иисуслы сётэмын вал дано уж — дурбасьтӥсь луыны, яке Иегова но духовной Израиль вискын Кусып возись луыны. Та тупанкылэз Иегова кутыны ӵектӥз ке но, со Иисус пыр кутэмын вал. Иисус, Кусып возись луэм сяна, музъем вылын улыкуз, ӵош ужаз соосын, кинъёсын та тупанкыл нырысь ик кутэмын вал (Лука 22:20, 28, 29). Со сяна, Иисус ярамон вал сётыны курбонэз, кудӥз тупанкылэз кутон понна кулэ вал. Иисус курбонэ огшоры пудо-животъёсты ӧз вайы, нош тырбыдэс адямилэсь улонзэ сётӥз. Соин ик Павел вераны быгатэ вал, Христос выль тупанкылэз кутӥсь луэ шуыса. «Христос... Инме ӝутӥськиз асьме понна Инмарлэн азяз султыны», со бере выль тупанкыл ужаны кутскиз (Еврейёслы 9:12—14, 24).

Павел Моисеез но Иисусэз кусып возисьёс шуыса нима, но со уг вера, соос та тупанкылъёсты кутыны ӵектӥзы шуыса. Та тупанкылъёсты кутыны ӵектӥз ачиз Инмар. Нош со кык адямиос кусып возисьёс луыса тупанкылъёсты кутонын бадӟым инты басьтӥзы. Кыказ ик учыръёсын кулон кулэ вал — пудо-животъёслэн кулонзы, кудъёсыз Моисей интые сётэмын вал, но Иисуслэн кулонэз, кудӥз аслэсьтыз вирзэ кисьтӥз соос понна, кинъёсын выль тупанкылэз кутоно вал.

(Еврейёслы 10:5—7) Соин ик Христос дунне вылэ лыктыкуз шуэ: «Виро сётонэз, кузьым сётонэз Тон кулэ ӧд кары, Тон Мыным мугор дасяд. ⁶ Тылын сутӥськись курбонъёс, сьӧлык понна курбонъёс Тыныд ярантэмесь. ⁷ Соку Мон шуи: „Тани Мон лыктӥ, кызьы бинялтэм книгаын Мон сярысь гожтэмын, Тынэсьтыд эриктэ быдэстыны Мон лыктӥ, Инмаре“».

it «Крещение», «Крещение Иисуса в воде» подзаг., 2 абз.

Пылатӥськон

Лука вера, Иисус пылатӥськыкуз вӧсяськиз шуыса (Лк 3:21). Нош Еврейёслы гожтэтын верамын, Иисус Христос, «дунне вылэ лыктыкуз» (вордскем бераз ик ӧвӧл, куке со улӥын гожтэм кылъёсты лыдӟыны но вераны уг быгаты на вал, нош куке со лыктӥз пылатӥськыны но ужаны-тыршыны кутскиз), Псалтирьысь 39:7—9 (Септуагинта) кылъёсты вераз шуыса: «Виро сётонэз, кузьым сётонэз Тон кулэ ӧд кары, Тон Мыным мугор дасяд. [...] ...Тани Мон лыктӥ, кызьы бинялтэм книгаын Мон сярысь гожтэмын, Тынэсьтыд эриктэ быдэстыны Мон лыктӥ, Инмаре» (Евр 10:5—9). Иисус вордскиз иудей калыкын, кудӥныз Инмар Законлэсь тупанкылзэ кутӥз (Пот 19:5—8; Гл 4:4). Куке Иисус Иоанн доры пылатӥськыны лыктӥз, со Иегова Инмарлы сӥзиськемын вал ини. Озьыен, Иисус тросгес лэсьтӥз солэсь, мар карыны кулэ вал солы Законъя. Со ассэ Иегова Атаезлы, солэсь эриксэ быдэстон понна, сӥзиз, нош Атаезлэн потэ вал, Иисус аслэсьтыз мугорзэ мед сётоз но пудо-животъёсты курбонэ ваемысь мед дугдозы шуыса, кудъёссэ кулэ вал вайыны Законлэн курон-косонъёсызъя. Апостол Павел вераз: «Тани та эрикъя, Иисус Христослэсь одӥг пол Мугорзэ сётыса, асьмеос дун-сьӧлыктэм каремын» (Евр 10:10). Озьы ик Атаезлэн потэ вал, Иисус Эксэйлык сярысь мед тодытоз шуыса. Иисус солэсь та эриксэ но быдэстӥз (Лк 4:43; 17:20, 21). Иегова возьматӥз, солы кельше шуыса Иисуслэн солэсь эриксэ быдэстыны дась луэмез, куке Пизэ святой духеныз зырӟиз но шуиз: «Тон Мынам Яратоно Пие, Тон бордын Мынам ӟеч эрике» (Мк 1:9—11; Лк 3:21—23; Мф 3:13—17).

16—22-ТӤ КУАРУСЁН

ИНМАРЛЭН КЫЛЫСЬТЫЗ УЗЫРЛЫК | ЕВРЕЙЁСЛЫ 11

Духовной марӟанъёсты утчаськомы

(Еврейёслы 11:4) Оскон пыр Авель, Каин сярысь, Инмарлы ӟечгес курбон сётӥз. Осконэз понна со шонер улӥсь луэ шуыса, шара ивортэмын вал, солэсь кузьымъёссэ Инмар кабыл басьтӥз. Оскон пыр Авель кулэм бераз но асьмелы вера.

it «Вера», «Примеры веры в древности» подзаг., 1 абз.

Оскон

Адямиос, кудъёсыз вашкала дыръёсы юн осконзэс возьматӥзы. Соослэн, кинэ Павел «пилем мында адӟисьёс-ивортӥсьёс» шуиз (Евр 12:1), осконзылэн юн инъетэз вал. Кылсярысь, Авель тодэ вал Инмарлэсь «кидыс-выжы» сярысь кыл сётонзэ, кудӥз «кыйлэсь» йырзэ сузмытоз. Со адӟе вал, анай-атаезлы Едемын ялэм приговор быдэсме шуыса. Едемлэн сьӧраз Адам но солэн семьяез, ымныртӥзы нюлам вузы бызьыса, асьсэлы нянь поттӥзы, малы ке шуоно музъем каргамын вал но со вылын бышкись будосъёс но кыйбодыос будӥзы. Озьы ик Авель адӟе вал, Евалэн мылкыдыз картэз пала кыстӥське-лӧптылэ шуыса но Адам кышноеныз кузёяськыса улӥз шуыса. Веранэз ӧвӧл, Ева нуны вайыны секытэн луэм дыръяз курадӟемезлы ӝожтӥське вал. Нош Едем садэ пыронэз возьмазы херувимъёс но бергась-ӝуась меч (Ул 3:14—19, 24). Ваньмыз со Авельлэсь осконзэ юнматӥз, мозмытскон сӥзем Кидыс-Выжы пыр вуоз шуыса. Соин ик, юн осконэзлы луыса, Авель «Каин сярысь, Инмарлы ӟечгес курбон сётӥз» (Евр 11:1, 4).

(Еврейёслы 11:5, ВД) Оскон пыр Енох мукет азе нуэмын вал — кулонэз со ӧз адӟы, бӧрысь сое нокин но ӧз ни адӟы, малы ке шуоно Инмар сое мукет азе нуиз. Мукет азе нуэмлэсь азьло солы ивортэмын вал, со Инмарлы ярась мурт луэ шуыса.

wp17.1 12—13 б.

Со «Инмарлы ярась мурт» луиз

Кызьы валано «Енох мукет азе нуэмын вал — кулонэз со ӧз адӟы» шуыса верамез? Иегова Енохез улэмысь кулонэ «нуиз», вылды, сое курадӟытыса медаз вие шуыса. Но солэсь азьло Енохлы «ивортэмын вал, со Инмарлы ярась мурт луэ шуыса». Кызьы? Оло нош, кулон азяз ик Енохлы Инмарлэсь адӟон сётэмын вал но со вуоно музъем раез адӟиз. Сокем яркыт адӟыса, Инмар сое ярамонэн лыдъя шуыса, Енох кулон умме усиз. Тани мар гожтӥз апостол Павел Енох сярысь но Инмарлы оскымон мукет пиосмуртъёс но кышномуртъёс сярысь: «Ваньзы соос кулытозязы оскыса улӥзы» (Еврейёслы 11:13). Со бере тушмонъёс Енохлэсь мугорзэ шедьтыны тыршизы, вылды, но ӧз быгатэ, малы ке шуоно Иегова солэсь мугорзэ ватӥз, луоз, сое медаз сантэмалэ но зэмос луисьтэм йыбырттонын медаз кутэ шуыса.

23—29-ТӤ КУАРУСЁН

ИНМАРЛЭН КЫЛЫСЬТЫЗ УЗЫРЛЫК | ЕВРЕЙЁСЛЫ 12, 13

Духовной марӟанъёсты утчаськомы

(Еврейёслы 12:1) Асьме котырын пилем мында адӟисьёс-ивортӥсьёс вань бере, соин ик ваелэ сэрпалтоме вылысьтымы ёртӥсь зӥбетэз, канжаськытӥсь сьӧлыкез но, чиданмес поныса, ортчоме асьмелы сётэм удыстӥ,

w11 15/9 18 б., 11 абз.

Сётэм сюрестӥ чидаса бызе

¹¹ Соос, кинъёс «пилем мында адӟисьёс-ивортӥсьёс» шуыса нимамын, бызьылонъя ӵошатсконъёсты учкисьёс яке яратоно бызьылӥсьсылэсь яке командазылэсь вормемзэс адӟыны мылкыд карисьёс гинэ ӧй вал. Соос асьсэос ӵошатсконэ пыриськизы но, ӝог бызьыса, пумозяз вуизы. Соос кулӥзы ке но ини, соослэн примерзы выльёсызлэсь ӵошатсконэ пыриськисьёслэсь мылкыдзэс ӝутыны быгатысал. Малпалэ, мар шӧдысал бызьылӥсь, тодысал ке, туж дано бызьылӥсьёс сое котырто, яке со шоры учкыса уло, шуыса. Со вань кужмысьтыз тыршысал эшшо но умойгес бызьыны. Вашкала дыръёсысь со адӟисьёс-ивортӥсьёс еврей калыкысь христианъёсты оскытыны быгатысалзы, бызьыны капчи ӧвӧл ке но, вормыны луэ шуыса. «Пилем мында адӟисьёс-ивортӥсьёслэсь» примерзэс тодазы возьыса, нырысетӥ даурысь еврей калыкысь христианъёс кышкасьтэм луыны но сётэм сюрестӥ чидаса бызьыны быгатӥзы. Ми но туннэ озьы ик лэсьтыны быгатӥськомы.

(Еврейёслы 13:9) Пӧртэм пумо, мурт дышетонъёсын эн тунсыкъяське. Сюлэмез Инмар дэлетэн юнматыны кулэ, сиён-юонъёсын ӧвӧл, уго сиён-юонэз чакласа улӥсьёс со бордысь пайда ӧз басьтэ.

br1 14 б., 10 абз.

Иеговалы ярамон курбонъёс вайылы

¹⁰ Соин ик еврейёслы иудаизм осконысь «пӧртэм пумо, мурт дышетонъёсын» тунсыкъяськыны кулэ ӧй вал (Галатъёслы 5:1—6). Со дышетонъёс сюлэмез уг юнмато, «сюлэмез Инмар дэлет» юнматэ, соин ик зэмлыкын юн-юн сылыны луэ. Павел вераз: «Сюлэмез Инмар дэлетэн юнматыны кулэ, сиён-юонъёсын ӧвӧл, уго сиён-юонэз чакласа улӥсьёс со бордысь пайда ӧз басьтэ». Со возьматэ, вылды, куд-огъёсыз сиён-юонъёс но курбонъёс пумысен ченгешизы шуыса. Инмарен кусыпъёсмы юнмало, куке ми Инмарлы оскымон кылиськомы но Христослэн курбонэз понна тау кариськомы. Нош ми нимысьтыз сиён сиыны но нимысьтыз нуналъёсты пусйыны тыршиськомы ке, со осконмес уг юнматы (Римъёслы 14:5—9). Со сяна, Христослэн курбонэз левитъёслэсь курбонзэс пайдатэм кариз (Еврейёслы 9:9—14; 10:5—10).

30-ТӤ КУАРУСЁН — 6-ТӤ КОНЬЫВУОН

ИНМАРЛЭН КЫЛЫСЬТЫЗ УЗЫРЛЫК | ИАКОВ 1, 2

Духовной марӟанъёсты утчаськомы

(Иаков 1:17) Котькудӥз ик ӟеч, дун-шектэм кузьым вылӥысь, югыт сётӥсь Атаймы дорысь ваське, Солэн воштӥськонэз, воштӥськонлэн вужерез но ӧвӧл.

it «Свет», «Источник света» подзаг., 4 абз.

Югыт

Иегова — «югыт сётӥсь Атаймы» (Иак 1:17). Со «нуназеез югыт карыны шунды сётӥз, толэзьлы, кизилиослы уез югыт карон понна пуктон-косон сётӥз» (Иер 31:35), нош озьы ик со духовной югытэз сётэ (2Кр 4:6). Солэн визь-кенешез, судэз но кылыз — югыт со адямиослы, кинъёс соосъя уло (Пс 42:3; 118:105; Мд 6:23; Ис 51:4). Псаломъёсты гожъясь вераз: «Тынад югытысьтыд ми югытэз адӟиськомы» (Пс 35:10; ӵошаты Пс 26:1; 42:3). Кызьы шундылэн югытэз «нунал вордӥськемъя... югытгес но югытгес луэ», озьы ик шонер улӥсьёслэн сюрессы, кудӥз Инмарлэн визьлыкеныз югдытэмын, пумен югытгес луэ (Мд 4:18). Ми Инмарлэн югытаз улӥськомы, куке мынӥськомы сюрестӥ, кудзэ Иегова возьматэ (Ис 2:3—5). Нош со, кин ваньмыз шоры кырсь яке лек малпанъёсын учке, духовной пеймытын улэ. Иисус вераз: «Синмыд тынад урод ке, быдэс мугорыд пеймыт луоз. Нош тынад пушкысьтыд югытэз пеймыт ке, кыӵе бен соку со пеймытлык?» (Мф 6:23; ӵошаты КЗк 15:9; 28:54—57; Мд 28:22; 2Пт 2:14).

(Иаков 2:8) Эксэй законэз тӥ быдэсъяськоды ке Священной Гожтэмъя: «Матысьтэ астэ ачид кадь ик яраты»,— умой лэсьтӥськоды;

it «Закон», «Царский закон» подзаг.

Закон

«Эксэй закон». Эксэй адямиос пӧлын бадӟым но дано инты басьтэ. Сыӵе ик инты басьтэ «эксэй закон» но законъёс пӧлын, кудъёсыз верало, кызьы асьмеды мукет адямиосын возёно (Иак 2:8). Законлэн тупанкылаз валтӥсез вал яратон, нош «Матысьтэ астэ ачид кадь ик яраты» курон-косон (эксэй закон) вал кыкетӥез кык курон-косонъёс пӧлысь, кудъёсыз вылын возиське вал быдэс Закон но Пророкъёс (Мф 22:37—40). Христианъёс Законлэн тупанкылыз улын уг уло ке но, выль тупанкылъя соос Иегова Эксэйлэн но солэн Пиезлэн, Иисус Христос Эксэйлэн, законзылэсь кылзӥськыны кулэ.