«Улон но ужан-тыршон» ужан тетрадьлы малпанъёс
4—10-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | 1 ИОАНН 1—5
Духовной марӟанъёсты утчаськомы
(1 Иоанн 2:7, 8) Гажаноосы! Тӥледлы выль курон-косон уг гожтӥськы, вашкалазэ курон-косонэз гожтӥсько. Со кутсконысен ик тӥледлы тодмо вал: вашкала курон-косон луэ кыл, кудзэ тӥ кутсконысеныз ик кылӥды. 8 Но озьы ке но, тӥледлы выль курон-косон гожтӥсько: со — зэмлык, со Со бордын но, тӥ бордын но улэ. Уго пеймытлык ортче но зэмос югыт пиштыны кутске.
w13 15/9 10 б., 14 абз.
Иеговалэн тодэ вайытонъёсыз оскымонэсь
14 Христиан Грек Гожтэмъёсын ӵемысь вераське, ми ог-огмес яратыны кулэ шуыса. Иисус вераз, кыкетӥез бадӟымез курон-косон — «матысьтэ астэ ачид кадь ик яраты» (Матф. 22:39). Иаков, Иисуслэн выныз, яратонэз «эксэй закон» шуыса нимаз (Иак. 2:8). Апостол Иоанн гожтӥз: «Гажаноосы! Тӥледлы выль курон-косон уг гожтӥськы, вашкалазэ курон-косонэз гожтӥсько. Со кутсконысен ик тӥледлы тодмо вал» (1 Иоанн 2:7, 8). Мае Иоаннлэн верамез потэ вал, «вашкала курон-косон» шуыса гожтыкуз? Та курон-косон «вашкала» вал, малы ке шуоно Иисус сое «кутсконысеныз ик» сётӥз, яке трос дасо аръёс солэсь азьло. Нош со «выль» вал, малы ке шуоно мылкыдэз ӝутэ вал возьматыны сюлмысь яратонэз, кудӥз дышетскисьёслы выль югдуръёсын кулэ луысалыз. Соин ик, Христослэн дышетскисьёсыз луыса, ми дунъяны кулэ ӧвӧл-а алонъёсты, кудъёсыз юртто асьмеды утьыны дунне вылын вӧлмем астэ гинэ яратон мылкыдлэсь, кудӥз мукетъёслы яратонмес сӥятыны быгатысал?
(1 Иоанн 5:16, 17) Кин ке агай-вынызлэсь кулонэ нуисьтэм сьӧлыкен сьӧлыкамзэ адӟе ке, со мед вӧсяськоз, соку Инмар солы, кулонэ нуисьтэм сьӧлыкен сьӧлыкасьлы, улон сётоз. Вань кулонэ нуись сьӧлык: со сярысь мед вӧсяськоз шуыса уг вераськы. 17 Котькудӥз но шонертэм улон — со сьӧлык. Вань кулонэ нуисьтэм сьӧлык но.
it «Прощение», 10 абз.
Простить карон
Умой луысал Инмарлы вӧсяськыны, со мукет адямиослэсь сьӧлыкъёссэс простить мед кароз шуыса, озьы ик быдэс кенешлэсь но. Кылсярысь, Моисей Инмарлы вӧсяськиз Израиль понна, вань калыклэсь сьӧлыкъёссэ вераса но со понна прощение курыса. Иегова мылысь-кыдысь солэн вӧсяськонэзлы ответ сётӥз (Лд 14:19, 20). Храмез сӥзён дыръя Соломон озьы ик вӧсяськиз, Иегова аслэсьтыз калыксэ простить мед карылоз шуыса, со сьӧлыказ ке но собере со сярысь ӧпкелиз ке (3Эк 8:30, 33—40, 46—52). Ездра пленысь берытскем иудейёсын ӵош Инмар азьын сьӧлыкъёссэс простить карыны курыса вӧсяськиз. Солэн сюлмысь вӧсяськемез но иудейёслы вазиськем кылъёсыз калыклэсь мылкыдзэ ӝутӥз вамышъёс лэсьтыны, Иеговалэсь прощенизэ басьтон понна (Езд 9:13—10:4, 10—19, 44). Иаков духовной ласянь висись адямилэсь мылкыдзэ ӝутӥз ӧтьыны кенешысь тӧроосты, соос со понна мед вӧсяськозы шуыса. «Сьӧлыкъёс ке со лэсьтэм, соос куштӥськозы» (Иак 5:14—16). Озьы ке но вань «кулонэ нуись сьӧлык». Со святой духлы пумит сьӧлык — валаса вылысь, юри лэсьтэм сьӧлык, кудзэ Инмар простить уз кары. Сыӵе сьӧлыкасьёс понна христианъёслы вӧсяськыны уг яра (1Ин 5:16; Мф 12:31; Евр 10:26, 27; учке ГРЕХ; ДУХ).
11—17-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | 2 ИОАНН 1—13; 3 ИОАНН 1—14; ИУДА 1—25
Духовной марӟанъёсты утчаськомы
(3 Иоанн 11) Гажано эше! Уродлэсь адӟем эн кар, ӟечлэсь адӟем кар. Кин ӟеч уж лэсьтэ, со Инмар бордысь, нош урод уж лэсьтӥсь — Инмарез ӧз адӟы.
w17.05-U 28 б., 6 абз
Кызьы Гаий вын-агайёслы юрттӥз
Малы Иоанн Гаийлэсь мылкыдзэ ӝутӥз азьланяз но куно карись луыны, Гаий озьы лэсьтэ ини вал ке но? Апостол Иоанн сюлмаськиз, вылды, Гаий куно карись луэмысь дугдоз шуыса, малы ке шуоно Диотреф куно карись христианъёсты кенешысь улляны тырше вал. Но кызьы гинэ медам луы, Иоанн оскытӥз Гаийез: «Кин ӟеч уж лэсьтэ, со Инмар бордысь» (3 Иоанн 11). Та туж кулэ луись муг котьку но ӟеч ужъёсты лэсьтыны.
(Иуда 14, 15) Соос сярысь Енох но, Адам бордысен сизьыметӥез, азьпалзэ тодытыса вераз: «Тани, Аслаз туж трос сюрс святой Кылчинъёсыныз Кузё-Инмар лыктэ — 15 соос пӧлысь вань сьӧлыклэсь кышкасьтэмъёслэсь ваньзэ сьӧлыклэсь кышкатэк лэсьтэм урод ужъёссэс Со шарае поттоз; сьӧлыклэсь кышкасьтэмъёслэсь Солы пумит верам вань лек кылъёссы понна — ваньмызлы суд лэсьтоз».
wp17.1 12 б., 3 абз.
Со «Инмарлы ярась мурт луэ»
Енохлэн улонэз вылын малпаськыса, ми асьмелэсь юаны быгатӥськомы: «Учкисько-а мон туала дунне шоры озьы ик, кызьы со шоры учке Инмар?» Инмарлэн судъёсыз, кудъёсыз сярысь Енох кышкатэк вераз, милям улонэнымы но герӟаськемын озьы ик, кызьы со герӟаськемын вал Енох улон дыръёсысь улонэн. Кызьы Енох азьпалзэ ивортыса вераз вал, Инмар аслэсьтыз судъёссэ быдэстӥз, куке Ной улон нуналъёсы сьӧлыклэсь кышкасьтэм дунне вылэ быдӟым Ву тудӟон лэзиз. Нош Ву тудӟон возьматэ бадӟымгес быдтонэз, кудӥз матысь вуоно дыре луоз (Матфей 24:38, 39; 2 Пётр 2:4—6). Соку сямен ик, ӝоген Инмар «Аслаз туж трос сюрс святой Кылчинъёсыныз» потоз, сьӧлыклэсь кышкасьтэм дуннеез судъян понна. Котькудмылы ми пӧлысь Енохлэсь кылъёссэ кылзоно но мукетъёслы вуоно куректон сярысь верано. Ӵыжы-выжыосмы но эшъёсмы милесьтым палэнскыны быгатозы. Ми малпаны быгатомы, огнамы кылимы шуыса. Но кызьы Иегова Енохез ӧз кельты, озьы ик со асьме нуналъёсы но уз кельты аслэсьтыз оскымон ужась-тыршисьёссэ.
18—24-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | УСЬТӤСЬКОН 1—3
Духовной марӟанъёсты утчаськомы
(Усьтӥськон 1:7) Тани, Со пилемъёсын ӵош лыктоз, Сое ваньмыз ас синмынызы адӟозы, кинъёс Сое бышкалтӥзы, соос но Сое адӟозы. Со азьын музъем вылысь вань выжыос викышъяса бӧрдозы. Зэм, озьы луоз. Аминь.
kr 226 б., 8 абз.
Инмарлэн Эксэйлыкез тушмонъёсты быдтэ
8 Кызьы адӟиське Иисуслэн берпум нуналъёс сярысь верамысьтыз, Армагеддон азьын кӧня ке кулэ луись азьпалзэ ивортонъёс быдэсмыны кулэ. Нырысетӥ кыкез сярысь, кудъёссэ ми эскеромы, вераське Матфейлэсь, Марклэсь но Лукалэсь ӟеч иворъёсын. (Лыдӟе Матфейлэсь 24:29—31; Марк 13:23—27; Лука 21:25—28.)
kr 226 б., 10 абз.
Инмарлэн Эксэйлыкез тушмонъёсты быдтэ
10 Судъян сярысь ялон. Собере Инмар Эксэйлыклэн тушмонъёсыз адӟозы сое, мар эшшо но тросгес соослы курадӟон ваёз. Иисус вераз: «Соку пилемъёс вылын быдӟым кужымен, пиштӥсь данлыкен лыктӥсь Адями Пиез адӟозы» (Марк 13:26). Со паймымон кужым возьматоз, Иисус судъяны лыктӥз шуыса. Та судъян сярысь Иисус пыр-почгес вераз берпум нуналъёс сярысь та ик азьпалзэ ивортоназ, ыжъёс но кечъёс сярысь мадёназ. (Лыдӟе Матфейлэсь 25:31—33, 46.) Инмарлэн Эксэйлыкезлы оскымон адямиос ялэмын луозы «ыжъёс» шуыса. Соос йырзэс ӝутозы, малы ке шуоно мозмытсконзы матэ вуэ шуыса валалозы (Лука 21:28). Инмарлэн Эксэйлыкезлы пумитъяськисьёс ялэмын луозы «кечъёс» шуыса. Куке соос валалозы, пумтэм курадӟонэ мынозы шуыса, соос «викышъяса бӧрдозы» (Матф. 24:30; Усьт. 1:7).
(Усьтӥськон 2:7) Кылыны пельыз вань мурт — мед кылоз. Кылзы, Дух мар вера черкъёслы: „Вормись муртлы Инмар райлэн шорысьтыз улон писпулэсь емышсэ сиыны сёто“».
w09 15/1 31 б., 1 абз.
Усьтӥськон книгаысь тунсыко малпанъёс — I люкет
2:7 — Мар со сыӵе Инмарлэн раез? Та кылъёс зырӟем христианъёслы верамын бере, рай кылэз валаны луоз, дыр, райлы укшась инмын улон инты шуыса, кытын ачиз Инмар улэ. Оскымон зырӟем христианъёс кузьым басьтозы: соослы «улон писпулэсь емышсэ сиыны» сётэмын луоз. Соос быронтэм улон басьтозы (1 Кор. 15:53).
25-ТӤ ШУРКЫНМОН — 1-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | УСЬТӤСЬКОН 4—6
Духовной марӟанъёсты утчаськомы
(Усьтӥськон 4:4) Та престол котырын эшшо кызь ньыль престолэз вал на. Престолъёс вылын пукись кызь ньыль пересь визьнодчиосты адӟи, соос тӧдьы дӥськутэн дӥсяськемын, нош йыр вылазы зарни венецъёс изьыямын.
(Усьтӥськон 4:6) Нош престол азьын пияла зарезь, со чилясь дуно пиялалы укша вал. Престол шорын но, престол котырын но ньыль улэп макеос адӟиськизы, соослэн азязы но, беразы но трос синъёссы вал.
re 76 б., 8 абз.
Инмарлэн инмысь престолэзлэн данлыкез
8 Иоанн тодӥз, скинияын ужан-тыршон понна священникъёсты пукто вал шуыса. Соин ик со паймиз, дыр, тае адӟыса: «Та престол котырын эшшо кызь ньыль престолэз вал на. Престолъёс вылын пукись кызь ньыль пересь визьнодчиосты [«тӧроосты», ВД] адӟи, соос тӧдьы дӥськутэн дӥсяськемын, нош йыр вылазы зарни венецъёс изьыямын» (Усьтӥськон 4:4). Священникъёс интые, со адӟе престолъёс вылын 24 тӧроосты, кудъёсызлэн йыр вылазы, эксэйёслэн кадь, венецъёс вал. Кинъёс со тӧроос? Зэм но, со зырӟем христианъёс, кудъёсыз инмын улыны улӟытэмын но Иеговаен сӥзем инты басьто. Кытысь ми сое тодӥськомы?
re 80 б., 19 абз.
Инмарлэн инмысь престолэзлэн данлыкез
19 Мае возьмато та улэп макеос? Адӟон, кудӥз Иезекииль пророклы возьматэмын вал, юрттэ милемлы та юанлы валэктон шедьтыны. Иезекииль Иеговаез инмысь уроболэн престол вылаз адӟиз, нош со котырын — ньыль улэп макеосты, кудъёсыз укшало Иоаннэн адӟем улэп макеослы (Иезекииль 1:5—11, 22—28). Берлогес Иезекииль нош ик адӟиз уробоысь престолэз, кудӥз котырын улэп макеос вал. Нош та учыре со соосты херувимъёс шуыса нима (Иезекииль 10:9—15). Ньыль улэп макеос, кудъёссэ Иоанн адӟиз, Инмарлэсь трос херувимъёссэ возьмато, вылды, кудъёсыз солэн инмысь организацияз бадӟым инты басьто. Иоаннэз ӧз паймыты, луоз, херувимъёс Иеговалы туж матын луо шуыса, малы ке шуоно вашкала Израильлэн скинияяз ковчег вылын, кудӥз Иеговалэсь престолзэ возьматӥз, кык херувимъёс тупатэмын вал. Та херувимъёс пӧлын Иеговалэн куараез кылӥськиз, кудӥз калыклы курон-косонъёс сётылӥз (Потон 25:22; Псалтирь 78:2).
(Усьтӥськон 5:5) Соку пересь визьнодчиос пӧлысь одӥгез мыным шуиз: «Эн бӧрды. Тани, Давидлэн выжыысьтыз, Иуда выжыысь лев вормиз. Со быгатэ та книгаез усьтыны но солэсь сизьым печатьсэ басьтыны».
cf 36 б., 5, 6 абз.
«Тани... Иуда выжыысь лев»
5 Левъёс тодмо луо кышкасьтэм луэменызы. Сылӥд-а тон куке но левен ваче ымныр? Сылӥд ке, тон солэсь маин ке но люкемын вал, дыр, но тон сое зоопаркысь адӟид, луоз. Кызьы гинэ медаз луы, тынад сюлмыд кышкаса куалекъяз, вылды. Та бадӟым но кужмо пӧйшурлэн синъёсаз учкыса но ас вылад солэсь учкемзэ шӧдыса, секыт син азе пуктыны, та пӧйшур малэсь ке но кышканы яке кышкаса пегӟыны быгатоз шуыса. Библиын верамын, «лев — пӧйшуръёс пӧлысь кужмоез, нокинлэн азьысьтыз но уз кожытскы» шуыса (Мадёнъёс 30:30). Ӵапак сыӵе кышкасьтэм сямо вал Христос.
6 Ойдолэ эскеромы, кызьы Иисус, «Иуда выжыысь лев», кышкасьтэм сямзэ возьматӥз, зэмлык сярысь веракуз, шонерлыкез юнматыкуз но пумитъяськонэн пумиськылыкуз. Озьы ик ми тодомы, кызьы котькудӥз ми пӧлысь — кышкась-а со яке ӧвӧл-а — Иисус сямен, кышкасьтэм луыны быгатэ.