«Улон но ужан-тыршон» ужан тетрадьлы малпанъёс
6—12-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 1, 2
Духовной марӟанъёсты утчаськомы
(Улон-вылон 1:1) Кутсконаз ик Инмар инмез но музъемез кылдытӥз.
w15 1/6 5 б.
Кызьы наука улонды вылын шӧдӥське
Ку Музъем но Быдэс Дунне кылдӥзы
Тодосчиос лыдъяло, Музъемлы ог 4 миллиард ар шуыса, нош Быдэс Дунне ог 13 яке 14 миллиард ар талэсь азьло кылдӥз. Библиын гожтэмын ӧвӧл, ку Быдэс Дунне кылдытэмын вал. Озьы ик отын верамын ӧвӧл, Музъем кӧня ке сюрс ар талэсь азьло кылдӥз шуыса. Библиын, нырысетӥ кылбурын ик, верамын: «Кутсконаз ик Инмар инмез но музъемез кылдытӥз» (Улон-вылон 1:1). Та веран лэзе тодосчиослы, научной возетъёсты лыдэ басьтыса, асьсэлы тодыны Быдэс Дуннелэсь арлыдзэ.
(Улон-вылон 1:26) Инмар шуиз: «Асьмелэн тусбуймылы, Асьмелы укшась адямиез кылдытомы; зарезь чорыгъёсын, ин тылобурдоосын, пудо-животэн, быдэс музъемен, вань нюж, гыж кыстӥськыса ветлӥсьёсын адями кузёяськыса мед улоз».
it «Иисус Христос», «Не Сотворец» подзаг.
Иисус Христос
Кылдытӥсь ӧвӧл. Дуннеез кылдытыку, Пи Инмарлы юрттӥз ке но, со Атаез кадь Кылдытӥсь ӧз луы. Кылдытон понна кужым Инмар бордысь потэ вал, кудӥз сое святой духез пыр, яке ужась-лэсьтӥсь кужымез пыр, сётэ вал (Ул 1:2; Пс 32:6). Иегова Улонлэн ошмесэз луэ бере, вань улэп макеослы, адӟиськисьёсызлы но адӟиськисьтэмъёсызлы, улон сётӥз Инмар (Пс 35:10). Соин ик Пи Кылдытӥсь ӧй вал, со Иеговалэн, Кылдытӥсьлэн, юрттӥсез вал. Иисус ачиз вераз, Инмар ваньзэ кылдытӥз шуыса, озьы ик Гожтэмъёс но сое возьмато (Мф 19:4—6; учке СОТВОРЕНИЕ, ТВОРЕНИЕ).
13—19-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 3—5
Духовной марӟанъёсты утчаськомы
(Улон-вылон 4:23, 24) Ламех кышноосызлы шуиз: «Ада но Цилла! Мынэсьтым верам кылъёсме кылзэ, Ламехлэн кышноосыз! Верам кылъёсме пеляды понэ! Воргоронэз виыса, мон асме яраё кари, егит пиез виыса, асме вӧсь кари. 24 Каин понна сизьым полэс пунэм берытскиз ке, нош Ламех понна — сизьымдонэз сизьым пол йылэтытозь».
it «Ламех», № 1, 2 абз.
Ламех
Кылбуръёсысь, кудъёссэ Ламех аслаз кышноосызлы гожтӥз (Ул 4:23, 24), адӟиське кужмысь карон мылкыд, кудӥз соку вӧлмемын вал. Тани солэн кылбуръёсыз: «Мынэсьтым верам кылъёсме кылзэ, Ламехлэн кышноосыз! Верам кылъёсме пеляды понэ! Воргоронэз виыса, мон асме яраё кари, егит пиез виыса, асме вӧсь кари. Каин понна сизьым полэс пунэм берытскиз ке, нош Ламех понна — сизьымдонэз сизьым пол йылэтытозь». Шӧдске, Ламехлэн верамез потэ вал, со, Каин сямен, адямиез юри ӧз виы шуыса, нош ассэ утён понна вииз, малы ке шуоно со адями сое вӧсь но яраё кариз. Соин ик вераны луоз, Ламехлэн кылбуръёсыз — со курон, сое медаз вие шуыса. Ламех кышказ, со вылэ урдскем адямиез виемез понна, кинлэн ке но солы пунэмзэ берыктэмез потоз шуыса.
(Улон-вылон 4:26) Сӥфлэн но пиез вордӥськиз, солы со Енос ним сётӥз; соку Кузё-Инмарлэн нимызлы вазиськыны ӧдъязы.
it «Богохульство», 3 абз.
Инмарез сантэман
Куке Енос улон дыръёсы, кудӥз Ву тудӟонлэсь азьло улӥз, адямиос «Кузё-Инмарлэн нимызлы вазиськыны ӧдъязы», соос сое шонертэм амалэн карыны кутскизы, луоз. Малы ке шуоно трос аръёс солэсь азьло Авель Инмарлы нимызъя вазиськылӥз ини (Ул 4:26; Евр 11:4). Куд-ог тодосчиос лыдъяло, адямиос Инмарлэн нимызлы вазиськыны кутскизы шуыса, солэсь нимзэ шонертэм но умойтэм амалэн уже кутыса, та нимез адямиослы яке сульдэръёслы сётыса. Со озьы вал ке, соку со Инмарез сантэман вал. (Учке ЕНОС.)
20—26-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 6—8
Духовной марӟанъёсты утчаськомы
(Улон-вылон 7:2) вань чылкыт пудоос пӧлысь сизьымен-сизьымен басьты айыоссэ но, мумыоссэ но, нош чылкыттэм пудоос пӧлысь кыкен-кыкен басьты, соос но айыен мумы мед луозы;
w04 1/1 29 б., 6 абз.
Улон-вылон книгаысь тунсыко малпанъёс — I люкет
7:2 — Мае лыдэ басьтӥзы, пудо-животъёсты чылкыт но чылкыттэм шуыса люкыкузы? Пудо-животъёсты ӧз люкылэ, лыдэ басьтыса сое, мае сиыны яра но мае уг яра. Лыдэ басьтӥзы, кыӵе пудо-животъёсты Инмарлы курбонэ вайыны яра вал. Ву тудӟонлэсь азьло адямиос сӥль ӧз сие. Пудо-животъёсты сиён понна «чылкыт» но «чылкыттэм» шуыса люкыны кутскизы, куке Моисейлэн законэз сётэмын вал. Куке со закон воштэмын вал, пудо-животъёсты соя ӧз люкылэ ини (Апостолъёслэн ужъёссы 10:9—16; Ефесъёслы 2:15). Адӟиське, Ной тодэ вал, мае Иеговалы курбонэ вайыны яра вал. Ковчегысь потэм бераз ик Ной «Кузё-Инмарлы курбон сётон инты лэсьтӥз; вань чылкыт пудоос пӧлысь, вань чылкыт тылобурдоос пӧлысь кутӥз но курбон сётон интыын, тылын сутыса, курбон сётӥз» (Улон-вылон 8:20).
(Улон-вылон 7:11) Нойлы куать сю аресэз тырмон арын, кыкетӥ толэзьлэн дас сизьыметӥ нуналаз, та нуналэ быдӟым пыдэстэм дуннелэн вань ву поттӥсь синъёсыз усьтӥськизы, ин укноос но усьтӥськизы;
w04 1/1 30 б., 1 абз.
Улон-вылон книгаысь тунсыко малпанъёс — I люкет
7:11 — Кытын ву вал, кудӥз Ву тудӟон дыръя музъем вылэ усиз? Кылдытонлэн кыкетӥ «нуналаз», куке кылдытэмын вал «юн-чурыт инты», яке Музъемлэн атмосфераез, ву «юн-чурыт инты улын» но «юн-чурыт инты вылын» вал (Улон-вылон 1:6, 7). «Юн-чурыт инты улысь» ву — со ву, кудӥз музъем вылын вал ини. «Юн-чурыт инты вылысь» ву — со туж трос ву, кудӥз вылӥын, инмын вал. Со возьматэ «быдӟым пыдэстэм дуннелэсь вань ву поттӥсь синъёссэ». Ной улон дыръя со ву музъем вылэ усиз.
27-ТӤ ТОЛШОР — 2-ТӤ ТУЛЫСПАЛ
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 9—11
Духовной марӟанъёсты утчаськомы
(Улон-вылон 9:20—22) Ной музъем ужен вырыны кутскиз, виноградпуд бакчаяз мерттӥз; 21 вина юиз но кудӟиз, балаган пушказ гольык куен кыллиз. 22 Хам, Ханаанлэн атаез, адӟиз атаезлэсь гольыксэ, потӥз но кык агай-вынъёсызлы та сярысь мадиз.
(Улон-вылон 9:24, 25) Ной винаезлэсь сайкиськем бераз тодӥз пичи пиезлэсь солы мар каремзэ, 25 Ной шуиз: «Ханаан каргамын, аслаз агайёсызлы ляльчи пӧлысь ляльчи луоз».
it «Хам», № 1, 5 абз.
Хам
Оло нош, ачиз Ханаан та учырын урод ужез лэсьтӥз, нош солэн атаез, Хам, сое ӧз тупаты. Яке Ной Инмарен сётэм азьпалзэ ивортонэз вераз, Хамлэн урод сямъёсыз, кудъёсыз солэн Ханаан пиезлэн но вал ини, дыр, Ханаанлэн нылпиосыз вылэ выжозы шуыса. Со каргаса верам кылъёс быдэсмизы, куке Сӥм бордысь потэм израильтянъёс хананейёсты киултӥзы. Со хананейёс, кудъёсыз быдтэмын ӧй вал (кылсярысь, Гаваонын улӥсьёс [ИсН 9]), израиль калыклэн ляльчиосыз луизы. Трос аръёс ортчыса, Нойлэн та кылъёсыз быдэсмизы на, куке Хамлэн пиезлэн, Ханаанлэн, нылпиосыныз кузёяськыны кутскизы валтӥсь кунъёс, кудъёсыз Иафет бордысь потӥзы,— Мидилэн но Персилэн огазеям кунзы, Греция но Рим.
(Улон-вылон 11:31) Фарра Аврам пизэ, Аранлэсь Лот пизэ — пиезлэсь пизэ, Сара кензэ — Аврам пиезлэсь кышнозэ — бордаз люказ но соосын ӵош Халдеяысь Ур городысь потӥз Ханаан музъеме мынон вылысь; нош Харранэ вуизы но отчы дугдӥзы.
Люкалэ узырлыкез, кудӥз зэмзэ но дуно луэ
12 Инмарен эшъяськеммы потэ ке, милемлы быгатэммыя вуз карон системалэсь палэнын возиськоно но кароно ваньзэ, мае быгатӥськомы, зэмос узырлыкез люкан понна. Вашкала дыръёсы Авраам, кудӥзлэн юн осконэз вал, Иеговалэсь кылзӥськиз но, узыр Ур карысь кошкыса, ынлэсь возъям балаганъёсын улӥз, малы ке шуоно солэн Инмарен кусыпъёссэ юнматэмез потэ вал (Евр. 11:8—10). Авраам котьку тодаз возиз, зэмос узырлыкез Инмар гинэ сётыны быгатэ шуыса. Соин ик со узырмыны ӧз тыршы, уго со возьматысал, со Иеговалы оскемысь дугдӥз шуыса (Ул.-выл. 14:22, 23). Иисус узыр пинал пилэсь мылкыдзэ ӝутӥз сыӵе ик осконзэ будэтыны: «Дун-шектэм луэмед потэ ке, мын, юртъердэ вуза но кураськисьёслы сётъя; со понна тынад узырлыкед Инмын луоз; лыкты но Мон сьӧры мын» (Матф. 19:21). Та пинал пилэн Авраамлэн кадь юн осконэз ӧй вал, озьы ке но, вал сыӵе адямиос, кудъёсыз Иеговалы быдэсак оско вал.