2-ТӤ УРОК

Огшоры вераськон манер

2 Кор. 2:17

УЖПУМЕЗ Огшоры но сюлмысь вера.

МАР КАРОНО СО ПОННА

Умой дасяськы но вӧсяськы. Вӧсяськы Иеговалы но кур, тон туж медад сюлмаськы шуыса, нош мед малпаськод со сярысь, мар тынад верамед потэ но маин верамед кылзӥсьёсыдлы пайдаё луоз. Пусйы аслыд, кыӵе малпанъёсты тыныд валэктоно. Ас кылъёсыныд вера. Предложениосты быдэсак гожтэм текстысь эн лыдӟы.

Тыныд Библиысь яке мукет интыысь лыдӟоно ке, текстэз азьло ик лыдӟы, вольыт лыдӟыны мед быгатод шуыса. Куке мукет адямиослэсь кылъёссэс лыдӟиськод, куарадэ вошъяса лыдӟы, но со паймымон медаз кылӥськы.
Чылкыт сюлмын вера. Малпаськы, кыӵе пайда ваёз адямиослы со, мар тынад верамед потэ. Соку ваньмыз: кызьы тон сылӥськод, мае возьматӥськод но ымныр тусыд — тынэсьтыд небыт но лякыт луэмдэ возьматозы.

Адямиен огшоры, дышем сямъя вераськыны тыршыкуд, эн вунэты, соин гажаса вераськоно шуыса. Йӧн-йӧн вера, малпанъёстэ шонер но валамон вера.
Кылзӥсьёсыд шоры учкы. Куке адямиосын вераськиськод, учкы соос шоры. Речь веракуд, олокытчы учкытозь, я одӥгез кылзӥсед шоры, я мукетыз шоры учкыса, вера.