7-ТӤ УРОК

Дышеты солы, мар шонер но оскымон луэ

Лука 1:3

УЖПУМЕЗ Вера сое, мар шонер но эскеремын, мар юрттоз кылзӥсьёсыдлы шонер малпанэ вуыны.

МАР КАРОНО СО ПОННА

Оскымонзэ вера. Библия вылэ пыкиськыса вера но луэмезъя Библиысь лыдӟы. Тон вераськод ке наука удысысь кыӵе ке эскерон сярысь, радио яке интернет пыр кылэм иворез яке мае ке мукетсэ, чакла, луэ-а солы оскыны.
Библиысь но мукет интыысь веранъёсты шонер уже кут. Кылбурез валэктон понна, нырысь валано, малы дышетэмез потэ Иеговалэн та кылбурын. Озьы ик, валэктонмы соглаш луыны кулэ соин, мар верамын Библилэн мукет интыосаз, но кыӵе валэктон сётэмын «оскиськымон, визьмо ляльчилэн» публикациосаз (Матф. 24:45). Тон вераськод ке мукет книгаосысь малпанъёсты, радио яке интернет пыр тодэмдэ, чакла, авторлэсь малпанъёссэ уд мыдланьтӥськы-а шуыса.

Кызьы вань, озьы вера: эн пичияты но эн бадӟыматы. Чакла, «куд-огъёсыз» интые «тросэз» медад шуы, «куддыръя» интые «котьку», нош «со озьы ӧй вал, дыр» интые «со озьы ӧй вал».
Кылзӥсьёсыдлы малпаськыны юртты. Библиысь кылбурез лыдӟемед бере яке мукет интыысь малпанэз верамед бере юртты кылзӥсьёсыдлы валаны, верамедлы оскыны луэ но со пайда вае шуыса. Со понна юанъёс сёт яке примеръёс вера, кудъёсыз юрттозы кылзӥсьёсыдлы шонер малпанэ вуыны.