«Улон но ужан-тыршон» ужан тетрадьлы малпанъёс
2—8-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | ПОТОН 39, 40
Духовной марӟанъёсты утчаськомы
(Потон 40:16) Моисей лэсьтӥз ваньзэ озьы, кызьы солы Кузё-Инмар лэсьтыны косӥз.
w95 15/12 12 б., 9 абз.
«Кызьы... косӥз, соос озьы ик лэсьтӥзы»
Куке Иегова косӥз Израиль калыкез курбонъёс вайыны но кыр дуннеын скиния пуктыны, калык дась луыса та курон-косонэз быдэстӥз. Собере Моисей но ас мылкыд каремзыя юрттӥсьёсыз пуктӥськон ужез нуизы ӵапак озьы, кызьы Иегова косӥз. «Тазьы быдэстэмын вал вӧсяськон скинияысь ужъёс; кызьы Кузё-Инмар Моисей пыр косӥз, израиль пиос ваньзэ озьы лэсьтӥзы». Священникъёсты пуктонъя ужрадэз ортчытыку, «Моисей лэсьтӥз ваньзэ озьы, кызьы солы Кузё-Инмар лэсьтыны косӥз» (Потон 39:32; 40:16). Асьме нуналъёсы ми быгатӥськомы вань сюлмысьтымы тодытон уже пыриськыны но Эксэйлык ужез вӧлмытыны. Милемлы бадӟым дан сётэмын ваньмылы ӵош лэсьтыны «озьы, кызьы... Кузё-Инмар лэсьтыны косӥз».
(Потон 40:34) Вӧсяськон скинияез пилем шобыртӥз но, Кузё-Инмарлэн пиштӥсь данлыкез скиния пушкын пачылаз люкаськиз.
w15 15/7 21 б., 1 абз.
Со, кин тыршеммес котьку адӟе
Куке пуктӥськон ужъёс йылпумъяськизы, «вӧсяськон скинияез пилем шобыртӥз но, Кузё-Инмарлэн пиштӥсь данлыкез скиния пушкын пачылаз люкаськиз» (Пот. 40:34). Озьы Инмар валамон возьматӥз, та уж солы ярамон шуыса. Малпалэ гинэ, мае шӧдӥзы соку Веселеил но Аголиав! Инмарлэн та ужась-тыршисьёсызлэн нимъёссы лэсьтэм арбериоссы вылын гожтэмын ӧй вал ке но, соос шумпотӥзы, дыр, куке адӟизы, Иегова тыршемзэс бакель кариз шуыса (Мад. 10:22). Вераны луоз, соос шумпотӥзы адӟыны, лэсьтэм арбериоссы арысь аре Иеговалы йыбырттонын кутӥськизы шуыса. Выль дуннеын, куке Веселеил но Аголиав улӟозы, соос шумпотозы тодыны, скиния чылкыт йыбырттонын ог 500 ар ӵоже кутӥськиз шуыса!
9—15-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 1—3
Духовной марӟанъёсты утчаськомы
(Левит 2:13) Вань салам няньёстэ пӧлазы сылал поныса пыж, курбон пушкад Инмаредлэсь сӥзён-косонзэ тодытӥсь-юнматӥсь сылал понытэк эн кельты: котькыӵе но саламъёс вайыкуд, сылал вай.
(Иезекииль 43:24) Кузё-Инмарлэн азяз пон; священникъёс соос вылэ сылал пазьгозы но, тылын сутыса, Кузё-Инмарлы вылэ ӝутон курбон сётозы.
w04 15/5 22 б., 1 абз.
Левит книгаысь тунсыко малпанъёс
2:13 — Малы, «котькыӵе но саламъёс» вайыку, сылал ваёно вал? Сое уг лэсьто вал курбонлэсь шӧмзэ умоятон понна. Быдэс дуннеын сылалэз куто сиёнэз сӧриськемлэсь утён понна. Сылалэз курбонэн ӵош вайизы, дыр, малы ке шуоно со возьматэ сое, мар уг сӧриськы но уг сисьмы.
(Левит 3:17) Та пуктон-косон тӥляд выжыостылы пумтэм вапумъёс ӵожелы, вань улон интыосады утён понна сётэмын: нокыӵе но кӧез, нокыӵе но вирез эн сие.
it «Жир», «Основание для закона» подзаг.
Кӧй
Законлы инъет. Куке Законлэн тупанкылыз ужа на вал, вир но кӧй Иеговалэн гинэ шуыса лыдъяськизы. Улон, кудзэ Иегова гинэ сётыны быгатэ, вир пушкын улэ, соин ик вир — Иеговалэн (Лв 17:11, 14). Кӧй котькыӵе пудо-животлэн тужгес но умой люкетэныз лыдъяськиз. Пудо-животлэсь кӧйзэ курбонлы вайыса, адями возьматӥз: со вала, курбонлэн самой умой люкетъёсыз Иеговалэн шуыса, кудӥз ваньзэ жалятэк сётэ. Со сяна, адями возьматӥз, Иеговалы самой умойзэ сётыны мылкыдыз вань шуыса. Соин ик Библиын гожтэмын, кӧез курбон сётон ӝӧк вылын «сиёнэз» но «ярамон ческыт зын поттонэз» кадь Иегова азьын сутӥзы шуыса (Лв 3:11, 16). Соин ик, кин ке но кӧез сииз ке, со катэз тӥяз но аслыз кариз сое, мар Инмарлы сӥземын вал но марлы Иеговалэн гинэ правоез вал. Кӧез сиись муртэ ас калыкез пӧлысь быдтыны кулэ вал. Вирен ӵошатыса, кӧез уже кутыны яра вал, сое сиыны гинэ лэземын ӧй вал. Кылсярысь, кулэм пудолэсь, пӧйшуръёсын кесям пудолэсь кӧйзэ уже кутыны яра вал (Лв 7:23—25).
w04 15/5 22 б., 2 абз.
Левит книгаысь тунсыко малпанъёс
3:17. Израиль калыклы уг яра вал сиыны кӧез, кудӥз пудо-животлэн самой умой но дуно люкетэныз лыдъяськиз. Та курон-косон калыклы валаны юрттӥз, шӧдске, самой умоез Иеговалэн луэ шуыса (Улон-вылон 45:18). Со милемлы тодамы вайытэ, тужгес но умойзэ Иеговалы сётоно шуыса (Мадёнъёс 3:9, 10; Колоссыослы 3:23, 24).
16—22-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 4, 5
Духовной марӟанъёсты утчаськомы
(Левит 5:1) «Кин ке но тазьы сьӧлыказ ке: карган куараез кылӥз, ачиз адӟиз яке кылӥз, яке тодӥз, но нокинлы но со сярысь ӧз вера, соку со мурт сьӧлыкез ас вылаз басьтоз.
w16.02 29 б., 14 абз.
Дышетске Иеговалэн оскымон ужась-тыршисьёсызлэсь
14 Ӟечлык юрттоз шонер ужпум кутыны, куке бырйыны кулэ, кинлы нырысь ик оскымон луоно. Кылсярысь, тӥ тодӥды, мукет христиан мурт секыт сьӧлыказ шуыса. Тӥ малпаськоды, дыр, тӥ солы оскымон луыны кулэ шуыса, уката но со тӥляд матысь эшты яке ӵыжы-выжыды луэ ке. Но солэсь сьӧлыкамзэ ватӥды ке, тӥ Иеговалы оскымон уд луэ. Ми нырысь ик Иеговалы оскымон луыны кулэ. Соин ик, Нафан сямен, ӟеч сямоесь, но со дыре ик юнэсь луэ. Эштылэсь яке ӵыжы-выжыдылэсь мылкыдзэ ӝутэ тӧроослы юрттэт курыса вазиськыны. Кӧня ке дыр ӵоже со тае ӧз лэсьты ке, Инмарлы оскымон луонды тӥлесьтыд мылкыддэс ӝутыны кулэ ваньмыз сярысь тӧроослы вераны. Соос зӥбыт-востэмен юрттыны тыршозы сыӵе адямилы тупатскыны. Озьы тӥ Иеговалы оскымон кылёды но эштылы яке ӵыжы-выжыдылы ӟеч луэмдэс возьматоды. (Лыдӟе Левитэз 5:1; Галатъёслы 6:1.)
(Левит 5:15, 16) «Кин ке йыруж лэсьтӥз ке, янгышаса Кузё-Инмарлы сӥзёнозэ аслыз кариз ке, со янгышез понна ыж уллёысьтыз чылкыт-шектэм такаез Кузё-Инмарлы мед ваёз, тон дунъялод, кӧня азвесь сӥкльёс, вӧсяськон скинияысь сӥкльлэн секталаеныз мертаса, ваёно такаезлэн дуныз луыны кулэ — янгыш лэсьтэм понна курбон луоз со. 16 Священной ужлы пумит сьӧлыкамез понна тыронзэ мед берыктоз, со вӧзы эшшо витетӥ люкетсэ мед ватсалоз на, сое священниклы мед сётоз, янгыш уж понна курбонлы ваем такаез курбон сётыса, священник со муртэ сьӧлыкезлэсь сузялоз, солэн сьӧлыкез куштӥськоз.
it «Святость», «Животные и урожай» подзаг.
Дун-чылкыт луон
Пудо-животъёс но емышъёс. Нырысь вордскем ыжпиос, кечпиос но ошпиос Иеговалы сӥземын вал. Соосты аслыд берен басьтыны уг яра вал. Соосты курбонэ ваёно вал, но та курбонлэсь люкетсэ священникъёслы сётоно вал (Лд 18:17—19). Со сяна, Иеговалы сӥземын вал нырысетӥ емышъёс, дасэтӥ люкетъёс, вань курбонъёс но салам-кузьымъёс, кудъёсыз скинияын ужан-тыршон понна кутӥськизы (Пот 28:38). Ваньмыз, мар Иеговалы сӥземын вал, священной вал. Соосты дунъяно но огшоры ужъёсын кутыны уг яра вал. Кылсярысь, эскеромы дасэтӥ люкет сярысь законэз. Адями малэсь ке, шуом, чабейлэсь, дасэтӥ люкетсэ нимаз понӥз. Нош собере ачиз яке семьяез пӧлысь кин ке но янгышен та люкет пӧлысь кӧнязэ ке басьтӥз, кылсярысь, сиён пӧран понна. Соку та адями Иеговалы сӥземез сярысь законэз тӥя вал. Со уллёысьтыз шектэм такаез курбонлы вайыны кулэ вал, сьӧлыкамез понна тыронзэ берыктыны но со вӧзы эшшо 20 процентсэ ватсаны кулэ на вал. Озьы адямиос дышетскизы мур гажаны сое, мар Иеговалы сӥземын вал (Лв 5:14—16).
23—29-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 6, 7
Духовной марӟанъёсты утчаськомы
(Левит 6:13) курбон сётон ӝӧк вылын ялан тыл мед ӝуалоз, медаз кысылы.
it «Огонь», «В священном шатре и в храме» подзаг., 1 абз.
Тыл
Скинияын но храмын. Тыл герӟаськемын вал скинияын, берлогес храмын но, Инмарлы йыбыртъянэн. Ӵукна но, ӝыт но быдӟым священник курбон сётон ӝӧк вылын ческыт зыно арбериосты ӵын поттыны кулэ вал (Пот 30:7, 8). Инмарлэн законэзъя, курбон сётон ӝӧк вылын тыл ялан ӝуаны кулэ вал (Лв 6:12, 13). Паськыт вӧлмемын иудейёслэн мадёнзы, кудӥзлэн верамезъя, курбон сётон ӝӧк вылын паймымон амалэн нырысьсэ тылэз ӝуатӥз ачиз Инмар. Но та мадён Гожтэмъёсын соглаш уг луы. Иегова сётӥз Моисейлы таӵе курон-косон: «Ааронлэн пиосыз, священникъёс, курбон сётон ӝӧк вылэ тыл мед понозы, со вылэ пу мед тырозы» (Лв 1:7, 8). Соос тае карыны кулэ вал курбон сётон ӝӧк вылэ пудо-животэз понэмзылэсь азьло. Священникъёсты пуктэм бере гинэ, озьыен кулэ луись курбонъёсты ваем бере гинэ, Иегова дорысь тыл потӥз (скиния вылысь пилемысь, вылды) но курбон сётон ӝӧк вылысь курбонэз ньылӥз. Мукет кылъёсын вераса, паймымон амалэн кылдэм тыл курбон сётон ӝӧк вылысь пуэз ӧз араты, нош «тылын сутӥськись курбонэз, кӧез сутӥз». Оло нош, тыл, кудӥз собере но ӝуаса улӥз на, Инмарлэсь но потэмын вал, солэсь азьвыл но ӝуатэмын вал (Лв 8:14—9:24). Озьы ик, храмез Инмарлы сӥзьыку, Соломонлэн вӧсяськемез бере, но Иегова дорысь паймымон амалэн тыл васькиз но курбонъёсты соку ик ньылӥз (2Пр 7:1; озьы ик учке Сд 6:21; 3Эк 18:21—39; 1Пр 21:26, кытын гожтэмын мукет учыръёс, куке Иегова тылэз кутӥз, ужась-тыршисьёсызлэсь солы ярамон курбонъёссэс басьтон понна).
(Левит 6:25) «Ааронлы но солэн пиосызлы шу: „Тани сьӧлык понна курбон сётонлэн законэз: кытын тылын сутӥськись курбон пудоез вандо, со интыын ик сьӧлык понна сётӥськись курбон пудоез но Кузё-Инмар азьын вандыны кулэ; та быдӟым святыня;
si 29 б., 15 абз.
Библиысь 3-тӥ книга — Левит
15 3. Сьӧлык понна курбон вайыны кулэ вал валатэк яке янгышаса сьӧлыкам бере. Курбонэ вайылӥзы пӧртэм пудо-животъёсты. Со герӟаськемын вал соин, кин сьӧлыказ: священник, быдэс калык, кузё яке огшоры адями. Тылын сутӥськись но тупаса улонлы сӥзем курбонъёсты израиль калыкысь адями ас мылкыд каремезъя вайылӥз, нош сьӧлык понна курбонэз одно ик ваёно вал (4:1—35; 6:24—30).
30-ТӤ ШУРКЫНМОН — 6-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 8, 9
Духовной марӟанъёсты утчаськомы
(Левит 8:6) Соку Моисей Ааронэз но солэсь пиоссэ вайыса вуэн миськиз,
w14 15/11 9 б., 6 абз.
Малы ми дун-чылкыт луыны кулэ
6 Израильысь священникъёслы мугорзэс чылкыт возьыны кулэ вал. Та курон-косонэз Инмарлэн калыкезлы туннэ но быдэсъяно. Адямиос, кудъёсыныз ми Библиез дышетӥськомы, ӵем дыръя адӟо, макем чылкыт милям йыбырттон интыосамы но макем ӝикыт но чебер ми дӥсяськемын. Священникъёслэн чылкыт луэмзы валаны юрттэ, соослэн, кинъёс «Кузё-Инмарлэн гурезь йылаз» тубо, сюлэмзы чылкыт луыны кулэ шуыса. (Лыдӟе Псалтирез 23:3, 4; Ис. 2:2, 3.) Куке ми Иеговалы ужаськомы-тыршиськомы, малпанъёсмы, сюлэммы но мугормы чылкытэсь луыны кулэ. Со понна милемлы асьмеды ӵем эскероно. Собере, дун-чылкыт луон понна, милемлы бадӟым воштӥськонъёс лэсьтоно луоз, вылды (2 Кор. 13:5). Кылсярысь, пылатӥськем христиан мурт валаса вылысь порнографиез учке ке, солы аслэсьтыз юано: «Мон азьло сямен ик дун-чылкыт-а?» Собере солы юрттэт куроно, та юрӟым сямзэ вормон понна (Иак. 5:14).
(Левит 8:14—17) Сьӧлык понна курбон сётыны ошпи вайиз, соку Аарон но солэн пиосыз сьӧлык понна курбонлы ваем ошпилэн йыр вылаз кизэс понӥзы; 15 Моисей сое вандӥз, вирзэ кутӥз но чиньыеныз курбон сётон ӝӧклэсь сюръёссэ котыр ласянь вирын зыраз, курбон сётон ӝӧкез сузяз, нош кылемзэ вирез курбон сётон ӝӧклэн выжыяз кисьтӥз, чылкыт мед луоз шуыса вӧсяз сое. 16 Моисей курбон пудолэн пушкысьтыз вань кӧез октӥз, мус бордысь кӧй пуйыез, кыксэ ик пекляез басьтӥз, кӧйзэс октӥз; Моисей соосты курбон сётон ӝӧк вылын сутӥз; 17 нош ошпиез но солэсь кузэ, сӥльзэ, кырсь-жоб макеоссэ станлэн сьӧраз тылын сутӥз, кызьы Кузё-Инмар Моисеез косӥз.
it «Моисей», «Посредник соглашения Закона» подзаг., 3 абз.
Моисей
Законлэсь тупанкылзэ кутыку, Моисей кусып возись вал Инмар но Израиль калык вискын. Та возьматӥз, Моисейлэн Инмарен туж матысь кусыпъёсыз вал шуыса. Сыӵе инты нокин ӧз басьты ни, Иисус Христос сяна, кудӥз, выль тупанкылэз кутыку, Инмар но духовной Израиль куспын сылӥсь вал. Курбонэ ваем пудо-животъёслэн вирынызы Моисей пазяз тупанкылэн книгаез (тупанкыл, кудзэ Иегова калыкеныз кутӥз). Моисей тупанкылэн книгаез калыклы лыдӟиз но, калык шуиз: «Ваньзэ, мар вераз Кузё-Инмар, быдэстомы» (Пот 24:3—8; Евр 9:19). Моисей Инмар но Израиль калык вискын кусып возись вал бере, солы дан сётэмын вал кивалтыны скинияез пуктонэн но со пушкысь арбериосты лэсьтонэн — озьы, кызьы сое Инмар косӥз. Со сяна, Моисей священникъёсты пуктӥз но нимысьтыз лэсьтэм вӧйын зырӟиз скинияез но Ааронэз, быдӟым священникез. Озьы ик Моисей кивалтӥз нырысьсэ ортчытӥськись ужрадэн, кудзэ нуизы али гинэ пуктэм священникъёс (Пот, 25—29 люкетъёс; Лв, 8, 9 люкетъёс).