«Улон но ужан-тыршон» ужан тетрадьлы малпанъёс
4—10-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 18, 19
Духовной марӟанъёс
w06 15/6 22 б., 11 абз.
«Макем мон Тынэсьтыд закондэ яратӥсько!»
11 Эскеромы на, кызьы Моисейлэн законэз возьматэ вал, Иегова аслаз калыкез сярысь сюлмаське шуыса. Иегова ӧз лэзьы израиль калыкез люкетыны куанер адямиослы бусыосысьтызы кылем емышез бичаны. Октон-калтон дыръя уг яра вал аналэн пумозяз ик араны но виноградпудысь но вӧйпуосысь емышъёсты одӥгтэм бичаны. Озьы ик уг яра вал бусые вунэтыса кельтэм культоосты басьтыны. Озьы Иегова куанеръёс, сьӧрлось лыктэм муртъёс, анайтэм-атайтэм нылпиос но палкышноос сярысь сюлмаськемзэ возьматӥз. Зэм, кылем-мылем емышез бичан понна, трос кужым пононо вал, но солы луыса адями уг кураськы вал (Левит 19:9, 10; Кыкетӥ Закон 24:19—22; Псалтирь 36:25).
11—17-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 20, 21
Духовной марӟанъёс
it «Нарезы», 3 абз.
Мугорез вандылон
Инмарлэн законэз, кулэм муртлы сӥзьыса, мугорез вандылыны уг лэзьы вал (Лв 19:28; 21:5; КЗк 14:1). Израиль калык Иеговалэн святой калыкез, быръем калыкез, вал (КЗк 14:2). Соин ик соослы сульдэр-идолъёслы йыбыртъянэн герӟаськем сям-йылолъёсы пыриськыны уг яра вал. Израиль калык тодэ вал, мар луэ адямиен кулэм бераз, но улӟытонлы оске вал. Соин ик мугорзэ вандылыса кайгыремзэ возьматыны туж шонертэм луысал (Дн 12:13; Евр 11:19). Озьы ик израиль калык, мугорзэ юромо вӧсь карысал ке, возьматысал, адями мугорез — Инмарлэсь кылдытэмзэ — уг гажа шуыса.
18—24-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 22, 23
Духовной марӟанъёс
Инмарлэн син азяз дун-чылкытэсь луэ!
3 Вераськон мынэ ке ми сярысь, Инмарлэн ужась-тыршисьёсыз сярысь, дун-чылкыт луон возьматэ, ми Иеговаез вань сюлмынымы яратӥськомы но солы быдэсак оскымон луиськомы шуыса. Соин ик ми солэсь эриксэ котьку лыдэ басьтӥськомы. Еврей кыл, кудӥз Библиын «дун-шектэм» яке «дун-чылкыт» шуыса берыктӥське, возьматэ быдэс, шектэм но тыр луэмез. Озьы, пудо-животъёс, кудъёссэ израиль калык Иеговалы курбонлы вайылӥз, Законъя «шектэм» луыны кулэ вал (Лев. 22:21, 22). Закон уг лэзьы вал Инмарлы курбонлы вайыны висись пудо-животэз яке пыдтэм, пельтэм но синтэм пудо-животэз. Иеговалы кулэ вал, со висисьтэм но нокыӵе изъянтэк мед луоз шуыса (Мал. 1:6—9). Но та куронын номыр паймымонэз ӧвӧл. Малы ке шуоно ми ноку но ум басьтэ сисьмем емышез, ишкалтэм бамъёсын книгаез яке ужан тӥрлыкез, кудаз кыӵе ке но люкетэз уг тырмы. Милемлы нокыӵе изъянтэк арбери кулэ. Озьы ик Иегова но учке сое яратэммы но солы оскымон луэммы шоры: отын изъянэз луыны кулэ ӧвӧл.
25—31-ТӤ ТОЛШОР
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 24, 25
Духовной марӟанъёс
w09 1/9 22 б., 4 абз.
Куке тӥледыз вӧсь каризы
Израиль мурт, мукет израиль муртэ шуккыса, солэсь синзэ поттэ вал ке, со одно ик кыл кутэ вал. Но вӧсь карисез яке солэсь семьязэ кыл кутытэ вал мукет мурт. Законъя, таӵе ужез чакланы-эскерыны кулэ вал юри пуктэм судьяос. Израиль калык тодэ вал, мукет муртлы изъян ваемез понна, со одно ик кыл кутытэмын луоз шуыса. Со тодэ вал, солы сыӵе ик изъян лэсьтозы шуыса, кыӵе изъян со вайиз мукет адямилы. Сое тодон кутэ вал израиль калыкез йыруж лэсьтонлэсь. Но та ваньмыз ӧвӧл на.
1—7-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | ЛЕВИТ 26, 27
Духовной марӟанъёс
it «Эпидемия», 2 абз.
Эпидемия
Кытчы вуттэ Инмарлэн законэзлэсь кылзӥськытэк улон. Инмар вераз израиль калыклы, со соин кутэм тупан кылэз ӧз быдэсъя ке, соос вылэ висёнъёс лэзёз шуыса (Лв 26:14—16, 23—25; КЗк 28:15, 21, 22). Библиын верамын, адямилэн тазалыкез, духовной тазалыкез но, Инмарлэн бакель каременыз герӟаськемын шуыса (КЗк 7:12, 15; Пс 102:1—3; Мд 3:1, 2, 7, 8; 4:21, 22; Усьт 21:1—4), нош висён — сьӧлыкен но тырбыдэстэм луонэн (Пот 15:26; КЗк 28:58—61; Ис 53:4, 5; Мф 9:2—6, 12; Ин 5:14). Куд-ог учыръёсы Иегова ачиз адямиос вылэ висёнъёс лэзьылӥз. Кылсярысь, со гижлочер лэзиз Мариам, Озия но Гиезий вылэ (Лд 12:10; 2Пр 26:16—21; 4Эк 5:25—27). Но ӵем дыръя адямиос висё но эпидемиос вӧлмо вал, малы ке шуоно куд-ог адямиос яке быдэс калыкъёс асьсэды шонертэм возизы (Гл 6:7, 8). Азыса-калгыса улон пӧлы выемъёс сярысь апостол Павел вераз: «Соосты Инмар асьсэлэн сьӧлыко мылкыд каронъёссылэн киулазы сётӥз но, соос ог-огенызы мугоръёссэс юрӟым ужен саптаны кутскизы». Озьы ик со шуиз: «Асьсэлэн йыромем ужзы понна соослы пачылаз пунэм берыктӥське» (Рм 1:24—27).
8—14-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 1, 2
Духовной марӟанъёс
it «Перепись», 1 абз.
Лыдъян-чотан
Лыдъян-чотан со адямиосты лыдъян гинэ ӧй вал. Калыкез лыдъяку, гожто вал адямилэсь нимтулзэ, кыӵе выжыысь, кыӵе семьяысь со потэмын. Лыдъян-чотан, кудӥз сярысь верамын Библиын, пӧртэм мугъёсын ортчытӥське вал. Кылсярысь, адямиосты лыдъяло вал выт тырон понна, тодон понна, кӧня пиосмурт ожмаськыны быгатэ, яке вӧсяськон интыын левитъёс куспын ужъёсты люкон понна.
15—21-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 3, 4
Духовной марӟанъёс
w06 1/8 23 б., 13 абз.
Визьмо лу — Инмарлэсь кышканэн ул!
13 Куке Давидлы туж секыт вал, Иегова солы юрттӥз. Солы луыса, Давидлэн Инмар азьын кышканэз будӥз но осконэз юнмаз (Псалтирь 30:23—25). Но куинь учыръёсын Давидлэн Инмар азьын кышканэз бырылӥз. Со кышкыт бервылъёсы вуттӥз. Нырысетӥяз учырын Давид Инмарлэсь ковчегзэ Иерусалиме уробоен нуыны косӥз. Нош со вакытэ Законъя ковчегез левитъёс пельпум вылазы нуллыны кулэ вал. Оза, кудӥз уробоез валтӥз, ковчегез тупатон понна ковчег борды йӧтскиз но «укыр кышкасьтэм луэмез понна» интыяз ик кулӥз. Оза бадӟым сьӧлык лэсьтӥз. Но та учырын янгыш вал Давид, малы ке шуоно со Инмарлэсь законзэ гажамтэмзэ возьматӥз. Инмарлэсь кышканэн улӥсь адями Инмарлэсь вань курон-косонъёссэ быдэсъя (2 Эксэйлыкъёслэн 6:2—9; Лыдпусъёс 4:15; 7:9).
22—28-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 5, 6
Духовной марӟанъёс
w05 15/1 30 б., 2 абз.
Лыдӟисьёслэн юанъёссы
Нош Самсонлэн назорей луонэз пӧртэм вал мукет назорейёслэсь. Вордӥськемезлэсь азьло ик Иеговалэн кылчинэз вераз солэн анаезлы: «Тани, тон секытэн луод, пи нуны ваёд, бритва солэн йыр бордаз уз йӧтӥськы, вордӥськем дырысеныз ик со Инмарлэн назореез луоз, со Израилез филистим калыклэсь мозмытыны кутскоз» (Судьяос 13:5). Самсон назорей луыны кылзэ ӧз сёты. Сое Инмар вань улытозязлы назорей луыны бырйиз. Соин ик кулэм мугор борды йӧтскыны уг яра шуыса косонэз Самсонлы быдэсъяно ӧй вал. Солы со косонэз быдэсъяно луысал ке, кызьы со, шӧдтэк шорысь кулэм мугор борды йӧтскемез бере, выльысь назорей луыны быгатысал на? Озьыен, вордскем дырысенызы назорей луэмъёслы куронъёс пӧртэм вал со куронъёслэсь, кудъёсыз сётэмын вал ас мылкыд каремзыя назорей луисьёслы.