«Улон но ужан-тыршон» ужан тетрадьлы малпанъёс

1—7-ТӤ ЮЖТОЛЭЗЬ

ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 7, 8

Духовной марӟанъёс

it «Первенец», 4 абз.

Нырысь вордскем пи

Израиль калыкын нырысь вордскем пиос семьяоссылэн йыръёссы луо вал, соин ик соос быдэс калык понна кыл куто вал. Авраамен тупанкыллы луыса Иегова вераны быгатӥз, Израиль — со солэн нырысь вордскем пиез шуыса (Пот 4:22). Иегова вань нырысь вордскем пиосты улэп кельтӥз бере, со косӥз сӥзьыны солы «Израиль пиос пӧлын нырысь вордскем котькудзэ пиез, анай пушкысь нырысь потэмзэ... адямиосты но, пудоосты но» (Пот 13:2). Соин ик нырысь вордскем пиос Инмарлы сӥземын вал.

8—14-ТӤ ЮЖТОЛЭЗЬ

ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 9, 10

Духовной марӟанъёс

it «Встреча», «Важность совместных встреч» подзаг.

Пумиськон

Пумиськонъёс туж кулэ. Милемлы туж кулэ пумиськонъёсы ветлыны, кудъёссэ Иегова осконмес юнматон понна малпаз. Макем со кулэ, адӟиське Пасхаез пусъён сярысь косонъёсысь, кудъёссэ Иегова израиль калыклы сётӥз. Котькудзэ пиосмуртэз, кудӥз чылкыт вал но сюрес вылэ потэмын ӧй вал, нош Пасхаез ӧз ортчыты, калык пӧлысь быдтылӥзы (Лд 9:9—14). Куке Езекия эксэй Иудаысь но Израильысь улӥсьёсты Иерусалиме Пасхаез пусъёнэ ӧтиз, со вераз: «Израильлэн нылпиосыз! ...Кузё-Инмар пала берытске... [...] Табере атайёсты кадь чурыт сюлэмоесь эн луэ, Кузё-Инмарлы тэрытске, пумтэм вапумъёслы вӧсям храмаз лыктэ, Инмардылы Кузё-Инмарлы ужаса-тыршыса улэ, соку Со вожпотонэзлэсь гомась тылзэ тӥ вылысь палэнтоз. [...] ...Уго Инмарды Кузё-Инмар ӟечлыко, гажась-жалясь, Со пала берытскиды ке, Со но тӥ палась ымнырзэ уз палэнты» (2Пр 30:6—9). Куке адями кулэ луисьтэм мугъёс сэрен пумиськонъёсты кельтылӥз, со возьматэ вал, со адями Инмар бордысь палэнскиз шуыса. Христианъёс Пасха выллем праздникъёсты уг пусъё, озьы ке но Павел соосты ӧтиз Инмарлэн калыкезлэсь пумиськонъёссэ кельтылытэк улыны: «Огмылы огмы юрттӥськыса уломе, яратыса, ӟеч ужъёс лэсьтыса улыны мылкыдмес ӝутоме. Огазьын вӧсяськонъёсы ветлытэк ум улэ, кызьы вырыны даурто куд-огъёсыз. Огмылэсь огмы мылкыдмес лӧпкытыломе, уката ик, Солэн нуналэзлэсь матэгес вуэмзэ шӧдӥськоды ке» (Евр 10:24, 25; учкы СОБРАНИЕ, ОБЩЕСТВО; СВЯТОЕ СОБРАНИЕ).

15—21-ТӤ ЮЖТОЛЭЗЬ

ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 11, 12

Духовной марӟанъёс

it «Манна», «Описание» подзаг., 1 абз.

Манна

Кыӵе со вал. Манна «тӧдьы вал, кориандрлэн кидысэзлы укша вал», нош вылтусыз сирлы укша вал. Солэн «шӧмыз чечыен пыжем удняньлы» яке «вӧйын пыжем удняньлы» укша вал. Сое кикӧен изӥзы яке гырын туйизы, нош собере пӧзьтӥзы яке солэсь нянь пыжизы (Пот 16:23, 31; Лд 11:7, 8).

22—28-ТӤ ЮЖТОЛЭЗЬ

ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 13, 14

Духовной марӟанъёс

it «Земля, которую Бог дал Израилю», 1 абз.

Музъем, кудзэ Инмар израиль калыклы сётӥз

ИНМАР израиль калыклы туж ӟеч музъем сётӥз. Куке Моисей адямиосты ыстӥз Сӥзем музъемез эскерыны-чакланы но отысь емышъёссэ вайыны, соос вайизы гранатпуысь улмоосты, смоквапуысь мульыосты но туж бадӟым виноград пурыез, кудзэ кык адями сюрыен нуиз! Учкыны-чакланы ветлэм адямиослэн осконзы ляб вал, соин ик соос кышказы. Озьы ке но соос веразы: «Отын зэмзэ ик йӧлын чечы бызе» (Лд 13:24, 28).

29-ТӤ ЮЖТОЛЭЗЬ — 4-ТӤ ОШТОЛЭЗЬ

ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 15, 16

Духовной марӟанъёс

w98 1/9 20 б., 1, 2 абз.

Валтӥсьсэ бырйы!

Иегова ӧз малпа, со пичи гинэ янгыш шуыса. Библиын гожтэмын: «Кузё-Инмар Моисейлы шуиз: „Та адями виемын луыны кулэ“» (Лыдпусъёс 15:35). Малы Иегова сыӵе ужпум кутӥз?

Куать нунал ӵоже калык быгатэ вал пу дасяны, озьы ик сиён-юон, дӥськут но улон-вылон сярысь сюлмаськыны. Нош сизьыметӥ нуналэз Инмарлы йыбырттонэн герӟаськем ужъёслы висъяно вал. Пу дасян шонертэм ӧй вал, нош сое лэсьтоно ӧй вал Иеговалы йыбыртъяны висъям нуналэ. Христианъёслы Моисейлэсь законзэ быдэсъяно ӧвӧл ке но, та учыр возьматэ, мае нырысетӥ интые пуктоно (Филиппыослы 1:10).

5—11-ТӤ ОШТОЛЭЗЬ

ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 17—19

Духовной марӟанъёс

g02 8/6 14 б., 2 абз.

Сылал туж кулэ луись

Сылал вошъяськонтэмез возьматэ. Соин ик Библиын сӧрыны луонтэм тупанкыл сярысь «сылалэн юнматэм» тупанкыл шуыса верамын (Лыдпусъёс 18:19). Сыӵе тупанкылэз юнматон понна, ӵемысь адямиос ӵош сиизы сылалэн пызьнам сиёнэз. Моисейлэн законэзъя Инмарлы ваем курбонъёсты сылалэн пызьнано вал. Сылал возьматэ вал сое, мар сисьмемлэсь утьыны быгатэ.

12—18-ТӤ ОШТОЛЭЗЬ

ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 20, 21

Духовной марӟанъёс

w14 15/6 26 б., 12 абз.

Учкиськоды-а тӥ лябъёсыз шоры, Иегова сямен ик?

¹² Котькудаз та учыръёсын Иегова Ааронэз соку ик кыл кутытыны быгатэ вал. Но Инмар адӟиз, со урод адями ӧй вал шуыса, со сяна, Аарон гинэ та учыръёсын янгыш ӧй вал. Куддыръя Аарон мукетъёсызлэн зӥбемзылы сётскылӥз, шӧдске, но секыт югдуръёсын шонертэм ужпумъёс кутылӥз. Озьы ке но, куке Ааронлы янгышъёсыз сярысь вераллязы, со соку ик ӧпкеле но Инмарлэн косэмезъя лэсьтэ вал (Пот. 32:26; Лыд. 12:11; 20:23—27). Иегова адӟиз, Ааронлэн осконэз юн но со ӧпкельыны дась шуыса. Дауръёс ортчыса но, Ааронэз но солэсь выжызэ Иеговалэсь кышканэн улӥсьёс шуыса тодазы вайылӥзы (Пс. 113:18—20; 134:19, 20).

19—25-ТӤ ОШТОЛЭЗЬ

ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 22—24

Духовной марӟанъёс

w04 1/8 27 б., 2 абз.

Лыдпусъёс книгаысь тунсыко малпанъёс

22:20—22. Малы Иеговалэн Валаам вылэ вожпотонэз ӝуатскиз? Иегова Валаам пророклы вераз, израиль калыкез медаз карга шуыса (Лыдпусъёс 22:12). Нош пророк Валаклэн ляльчиосыныз мынӥз израиль калыкез карган вылысь. Валаамлэн потӥз моав эксэйлы ярамон луэмез но кузьым басьтэмез (2 Пётр 2:15, 16; Иуда 11). Валаам израиль калыкез карган интые сое бакель кароно луиз ке но, со тыршиз на эксэйлы юрттыны. Со Валаклы визь-кенеш сётӥз, Вааллы йыбыртъясь кышномуртъёс израиль пиосты азон-калгон сьӧлыке мед пыртозы шуыса (Лыдпусъёс 31:15, 16). Озьыен, Иеговалэн Валаам вылэ вожпотонэз ӝуатскиз, малы ке шуоно пророк туж кӧттырмостэм вал.

26-ТӤ ОШТОЛЭЗЬ — 2-ТӤ КУАРТОЛЭЗЬ

ИНМАРЛЭН КЫЛЫСЬТЫЗ УЗЫРЛЫК | ЛЫДПУСЪЁС 25, 26

Духовной марӟанъёс

it «Граница», «Границы племен Израиля» подзаг., 2, 3 абз.

Кунгож

Музъемез выжыослы люкылӥзы, лыдэ басьтыса сое, кыӵе пус усиз но кӧня адями та выжыын. Пус возьматэ вал, вылды, кудпалан выжылэн люкетэз луыны кулэ вал, кылсярысь, лымшор, уй, шундыпуксён яке шундыӝужан палан, нёжало яке гурезё интыын. Пус чӧлтыса кутэм ужпумъёс Иегова бордысь пото вал, соин ик выжыослэн вожъяськыны но керетыны мугзы ӧй вал (Мд 16:33). Со сяна, пус чӧлтон пыр Иегова сюлмаськыны быгатӥз, Улон-вылонын 49:1—33 гожтэм азьпалзэ ивортон мед быдэсмоз шуыса. Озьы Инмар котькуд выжылы тупась музъем сётыны быгатӥз.

Куке, пус чӧлтыса, тодӥзы, кудпалан выжылэн люкетэз луоз, выжылэсь быдӟалазэ лыдэ басьтыса, ужпум кутоно вал, кӧня музъем солы сётоно. «Котькудӥз выжы люкет мед басьтозы шуыса, та музъемез, пус чӧлтыса, тӥ люкылэ: трос лыдо выжылы бадӟымгес музъем сётэ, нош ӧжыт лыдо выжылы пичигес музъем сётэ; кинлы кытчы пус усёз, отчы ик люкет музъем басьтоз» (Лд 33:54). Кудпалан выжылэн люкетэз луоз, воштыны уг луы вал, нош музъем люкетлэсь быдӟалазэ воштыны луэ вал. Кылсярысь, куке тодмо луиз, Иудалэн музъемез укыр бадӟым шуыса, солэсь оглюкетсэ Симеонлы сётӥзы (ИсН 19:9).