«Улон но ужан-тыршон» ужан тетрадьлы малпанъёс
1—7-ТӤ ОШТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | 1 КОРИНФЪЁСЛЫ 7—9
Духовной марӟанъёсты утчаськомы
(1 Коринфъёслы 7:11) Люкиськиз ке, бызьытэк кыльыны кулэ яке кузпалэныз тупаны, пиосмуртлы но аслэсьтыз кышнозэ куштыны уг яра.
lvs 251 б.
Ватсэт
Куддыръя христиан мурт ужпум кутэ кузпалызлэсь люкиськытэк нимаз улыны, азон-калгон сьӧлык лэсьтэмын ӧй вал ке но (1 Коринфъёслы 7:11). Тани куд-ог югдуръёс, кудъёсаз христиан мурт ужпум кутыны быгатоз кузпалэныз люкиськытэк нимаз улыны.
• Кузпал пумит семьяез сярысь сюлмаськыны: карт пумит луэ семьязэ сюдыны-дӥсяны, соин ик солэн кышноез но нылпиосыз коньдонтэк но сиёнтэк кылемын (1 Тимофейлы 5:8).
• Кузпал ассэ туж лек возе: кузпаллэн мукет кузпалзэ жугыса воземеныз сэрен, мукетыз кузпал малпаны быгатоз, солэн тазалыкезлы яке улонэзлы кышкытлык кылдэмын шуыса (Галатъёслы 5:19—21).
• Иеговаен кусыпъёслы кышкытлык кылдэмын: карт яке кышно оскись кузпалзэ Иеговалы ужаны-тыршыны уг лэзьы (Апостолъёслэн ужъёссы 5:29).
(1 Коринфъёслы 7:39) Картэз улэп дыръя кышномурт кузпалэныз закон пыр герӟаськемын луэ, нош картэз кулӥз ке, кинлы быземез потэ, солы быземез луэ, но со мед луоз Кузё-Инмарлы оскись мурт.
lv 113 б., 9 абз.
Кузпалъяськон — яратӥсь Инмарлэн кузьымез
9 Инмарлэн святой духезлэн кивалтэмез улсын Павел кулэ луись возет гожтӥз, кудзэ лыдэ басьтоно, аслыд кузпал бырйыку: «Оскисьтэмъёсын одӥг кыткетэ йырдэс эн понэ» (2 Коринфъёслы 6:14). Та пример бусы ужъёсын герӟаськемын. Одӥг кыткетэ кык пудо-животэз кыткид ке, кудъёсыз мугорзыя но кужымзыя пӧртэмесь, соос кыксы ик курадӟозы. Озьы ик оскись адями оскисьтэм адямиен кузпалъяськиз ке, куспазы одно ик валантэмъёс но керетонъёс кылдозы. Одӥгез кузпал Инмарлэн яратоназ улыны тырше ке, нош мукетыз со сярысь уг но малпаськы, соослэн улоназы ужпумъёссы пӧртэмесь луозы но соос трос шуг-секытъёсын пумиськозы, вылды. Соин ик Павел христианъёсты Инмарлы оскись муртэн гинэ кузпалъяськыны ӧтиз (1 Коринфъёслы 7:39).
8—14-ТӤ ОШТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | 1 КОРИНФЪЁСЛЫ 10—13
Духовной марӟанъёсты утчаськомы
(1 Коринфъёслы 10:8) Азон-калгон сьӧлык лэсьтыса ум улэ, кызьы вашкала атайёсмы пӧлысь куд-огез азыса-калгыса улӥзы но одӥгаз нуналэ соос пӧлысь кызь куинь сюрсэз кулӥз.
w04 1/4 29 б.
Лыдӟисьёслэн юанъёссы
Малы 1 Коринфъёслы 10:8 верамын, азон-калгон сьӧлык понна 23 000 израиль пиос быризы шуыса, нош Лыдпусъёсын 25:9 верамын, 24 000 быриз шуыса?
Трос муг луыны быгатэ вал, малы та кык кылбуръёсын со лыд пӧртэм. Самой капчиез валэктон — зэмос лыдыз 23 000 но 24 000 вискын, вылды, соин ик сое вераны луэ, кызьы ог 23 000 шуыса, озьы ик ог 24 000 шуыса но.
Тани эшшо одӥг валэктон. Апостол Павел вераз сое, мар луиз израиль пиосын Сӥттимын, вашкала Коринфын улӥсь христианъёсты алон понна. Коринф сярысь урод кыл вӧлмемын вал, малы ке шуоно отын азыса-калгыса улӥзы. Павел гожтӥз: «Азон-калгон сьӧлык лэсьтыса ум улэ, кызьы вашкала атайёсмы пӧлысь куд-огез азыса-калгыса улӥзы но одӥгаз нуналэ соос пӧлысь кызь куинь сюрсэз кулӥз». Куке Павел вераз адямиос сярысь, кудъёссэ Иегова ачиз быдтӥз азон-калгон сьӧлык лэсьтэмзы понна, Павел вераз, соослэн лыдзы 23 000 вал шуыса (1 Коринфъёслы 10:8).
Нош Лыдпусъёсын, 25-тӥ люкетын, верамын: «Израиль сюлмыныз Ваал-Фегор борды лякиськиз. Соку Кузё-Инмарлэн вожпотонэз Израиль вылэ ӝуатскиз». Собере Иегова Моисеез «калыклэсь вань кивалтӥсьёссэ» быдтыны косӥз. Моисей та ужез судьяослы сётӥз. Куке Финеес израиль пиез вииз, кудӥз агай-вынъёсыз доры мадиан нылэз вайиз, «израиль пиосты погыртон-виылон дугдӥз». Та учыр сярысь веран таӵе кылъёсын йылпумъяське: «Виыса погыртэмын вал кызь ньыль сюрс мурт» (Лыдпусъёс 25:1—9).
Лыдпусъёс книгаын верам 24 000 пӧлы пыро вал, шӧдске, кызьы «калыклэн кивалтӥсьёсыз», кудъёссэ судьяос виизы, озьы ик соос но, кинъёсты Иегова ачиз быдтӥз. Судьяос сюрс кивалтӥсьёсты быдтӥзы, луоз, соин ик вань быремъёслэн лыдзы — 24 000 адями. Та кивалтӥсьёс, соос, кин бордысь сьӧлык кутскиз, яке асьсэос азон-калгон сьӧлыке пыризы, яке зэмос луисьтэм инмаръёслы йыбыртъянэ пыриськизы, яке мукетъёсызлы та сьӧлыкъёсты лэсьтыны ӧз люкетэ. Кызьы гинэ медаз луы, соос янгыш вал, «Израиль сюлмыныз Ваал-Фегор борды лякиськиз» шуыса.
Одӥг библейской справочникын валэктэмын, «лякиськыны» кыл «астэ кин ке борды думылыны» шуэмез возьматыны быгатэ шуыса. Израиль калык Иеговалы сӥзиськемын вал. Нош куке со «Ваал-Фегор борды лякиськиз», солэн Инмарен нимысьтыз кусыпъёсыз сӧриськизы. Ог 700 ар ортчыса, Иегова Осия пророк пыр Израиль калык сярысь вераз: «Соос Ваал-Фегор доры кошкизы, возьыттэм ужъёс киулэ сётскизы, яратонооссы (сульдэръёссы-идолъёссы) выллем ик асьсэос но юрӟым макеослы пӧрмизы» (Осия 9:10). Ваньмыз, кин озьы лэсьтӥз, Иегова азьын кыл кутыны кулэ вал. Соин Моисей Израиль калыклы тодаз вайытӥз: «Тӥ ас синмыныды адӟиды, мар кариз асьмелэн Инмармы Кузё-Инмар Ваал-Фегорен: Ваал-Фегор сьӧры мынӥсь вань адямиосты Инмаред Кузё-Инмар тынад калыкед пӧлысь быдтӥз» (Кыкетӥ Закон 4:3).
(1 Коринфъёслы 11:5, 6) Котькудӥз кышномурт йырзэ шобыртытэк вӧсяське яке Инмарлэсь кылзэ ивортэ ке, аслэсьтыз йырзэ сантэма. Тазьы уго со йырзэ мычем кышномуртлы укша. 6 Кышномуртлэн йырзэ шобыртэмез уг ке поты, соку мед ӵышкиськоз; нош кышномуртлы ӵышкиськыса, мычиськыса ветлыны возьыт ке потэ, соку йырзэ мед шобыртоз.
(1 Коринфъёслы 11:10) Кылчинъёс азьын кышномуртлэн йыр вылысьтыз шобретэз — кузпаллы тэрытскыса улонлэн тодметэз луэ.
w15 15/2 30 б.
Лыдӟисьёслэн юанъёссы
Кулэ-а христиан кышномуртлы йырзэ шобыртыны, со Библия дышетон ортчытэ ке пиосмурт ивортӥсь вӧзаз дыръя?
▪ 2002-тӥ арын 15-тӥ пӧсьтолэзь понна поттэм «Возьмаськон башняын» «Лыдӟисьёслэн юанъёсазы» верамын вал, куке сузэр Библия дышетон ортчытэ вӧзаз пиосмурт ивортӥсь дыръя, пылатӥськемын-а со ивортӥсь, ӧвӧл-а, сузэр йырзэ шобыртыны кулэ шуыса. Та юанэз мургес эскерон возьматӥз, та косонэз кӧня ке воштоно шуыса.
Христиан кышномурт ялан ортчытӥськись Библия дышетонэз нуэ ке вӧзаз пиосмурт ивортӥсь дыръя, кудӥз пылатӥськемын, солы йырзэ шобыртоно. Озьы со возьматоз, христиан кенешын Инмарен пуктэм радлыкез гажа шуыса, малы ке шуоно та учырын со быдэстэ ужез, кудзэ вын-агайёс нуыны кулэ (1 Кор. 11:5, 6, 10). Яке со курыны быгатоз вын-агаез Библия дышетонэз ортчытыны, вын-агай быгатэ ке но солы номыр уг люкеты ке.
Нош христиан кышномурт ялан ортчытӥськись Библия дышетонэз нуэ ке вӧзаз пиосмурт ивортӥсь дыръя, кудӥз пылатӥськемын ӧвӧл но кудӥз солэн картэз уг луы, Библия сое йырзэ шобыртыны уг куры. Озьы ке но куд-ог сузэр-апайёслэн возьытлыксы со учыре но соосты йырзэс шобыртыны косоз.
22—28-ТӤ ОШТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | 1 КОРИНФЪЁСЛЫ 14—16
Духовной марӟанъёсты утчаськомы
(1 Коринфъёслы 14:34, 35) Кышноосты черкын шыпыт мед улозы: соослы уго вераськыны лэземын ӧвӧл. Инмар законъя но соос тэрытскыса улыны кулэ. 35 Соослэн малы ке дышетскемзы потэ ке, со сярысь гуртысенызы кузпалъёссылэсь мед юалозы. Кышномуртлы черкын вераськыны чебер ӧвӧл.
w12 1/9 9 б., рамка
Зэм ик-а апостол Павел кышномуртъёслы кенешын вераны ӧз лэзьы?
«Кышноосты черкын шыпыт мед улозы»,— гожтӥз апостол Павел (1 Коринфъёслы 14:34). Мае солэн верамез потэ вал? Малпа вал-а со, соослэн визьлыксы ӧжытгес шуыса? Уг. Павел трос пол умоен вераз кышномуртъёслэн дышетыны быгатонлыкъёссы сярысь (2 Тимофейлы 1:5; Титлы 2:3—5). Коринфын улӥсьёслы гожтэтаз Павел кышномуртъёслы гинэ шыпыт улыны визь-кенеш ӧз сёты. Кенешын мукет адями вераку, шыпыт улоно вал соослы но, кинъёслы Инмарен сётэмын вал пӧртэм кылъёсын вераськыны но азьпалзэ ивортыны быгатонлык (1 Коринфъёслы 14:26—30, 33). Куд-ог кышномуртъёс туж шумпотэмын вал, шӧдске, выль осконзылы, соин ик речь верасьлэн кыл куспаз пыро вал, со палъёсын дышем сямъя юанъёс сётъяса. Христиан кенеш радызъя мед ортчоз шуыса, Павел кышномуртъёсты доразы картъёссылэсь юаны косӥз (1 Коринфъёслы 14:35).
(1 Коринфъёслы 15:53) Уго ваньмызлы сисьмисезлы сисьмонтэмлы дӥсяськыны кулэ; вань кулоноез-быроноез ноку быронтэмлы дӥсяськыны кулэ.
it «Нетление», «Воскресение к бессмертию и нетлению» подзаг., 2 абз.
Сисьмонтэм
Соос, кинъёс Иисусэн ӵош кивалтозы, Иисус сямен, духовной кылдытэмъёс луыса, улӟо но пырак улон басьто. Со сяна, соослы ноку быронтэм улон но сисьмонтэм мугор сётӥське. Инмарлы оскымон ужамзы-тыршемзы но сисьмись адями мугорын кулэмзы бере соослы, кызьы Павел вераз 1 Коринфъёслы 15:42—54, сисьмонтэм духовной мугор сётӥське. Озьыен, «ноку быронтэм» кылъёс возьмато улонэз, кудзэ быдтыны но дугдытыны уг луы. Нош «сисьмонтэм» кыл возьматэ мугорез, кудзэ сётэ Инмар: со уг сисьмы но уг быры. Соослэсь улонзэс дугдытыны уг луы, но соослы кулэ ӧвӧл номыр но, мар мугорзылы улыны кужым сётысал. Озьы ке но соос Инмар азьын кыл куто; соослэн Йырзы, Иисус Христос, выллем, соос азьвыл сямен ик Атайзылэсь эриксэ быдэсъяло но солэсь кылзӥсько (1 Кор. 15:23—28; учке БЕССМЕРТИЕ; ДУША).
29-ТӤ ОШТОЛЭЗЬ — 5-ТӤ КУАРТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | 2 КОРИНФЪЁСЛЫ 1—3
Духовной марӟанъёсты утчаськомы
(2 Коринфъёслы 1:22) Аслаз печатеныз асьмеды пусйиз но асьмелэн сюлмамы Духсэ ыстӥз — сётэм кылзэ быдэстоз шуыса оскытӥз.
w16.04 32 б.
Лыдӟисьёслэн юанъёссы
Мар карыны оскытэ Инмар котькуд зырӟем христиан муртэ но кызьы со соосты печатен пусъе? (2 Кор. 1:21, 22).
▪ Духсэ ыстӥз. Зырӟем христианъёс сярысь ке верано, со дух соосты оскытэ вал [яке «кыл сётон» кадь луэ вал], соос вуонояз асьсэлэсь мед-кузьымзэс одно ик басьтозы шуыса. Со мед-кузьым сярысь верамын 2 Коринфъёслы 5:1—5. Отын верамын, зырӟем христианъёслы «сисьмонтэм» мугор но «ноку быронтэм» улон сётэмын луоз шуыса (1 Кор. 15:48—54).
▪ Печать. Вашкала дыръёсы документэ печать пукто вал, возьматон понна, кинлэн со ваньбурез луэ, малэсь ке зэмос луэмзэ, нош озьы ик тупанкылэз юнматон понна. Инмар зырӟем христианъёслы аслэсьтыз святой духсэ сётэ. Озьы со соосты печатен пусъе, яке пус пуктэ, шуыны луоз, возьматон понна, соос солэн адямиосыз луо шуыса (Еф. 1:13, 14). Но та печать пыраклы пуктэмын ӧвӧл. Зырӟем христианъёс печатен пыраклы пусъемын луозы кулон азязы яке бадӟым куректон кутскон азьын (Еф. 4:30; Усьт. 7:2—4).
(2 Коринфъёслы 2:14—16) Инмарлы тау, Со котьку но милемды Христос бордын бадӟым данэн азьлане валтэ но Христос сярысь тодонлэсь ческыт зынзэ котькыӵе интые ми пыр вӧлмытэ. 15 Уго ми Христослэн Инмар доры ӝутскем ческыт зыныз луиськомы,— кызьы ке утиськонэ, озьы ик быронэ мынӥсьёс понна: 16 одӥгъёсыз понна асьмеос кулон сётӥсь кулон зын луиськомы, нош мукетъёсызлы — улон сётӥсь улон зын. Кин таӵе ужез ӝутыны вормоз?
w10 1/8 23 б.
Тодӥськоды-а тӥ?
Мар сярысь верамез потэ вал, вылды, Павеллэн, «Со... милемды... бадӟым данэн азьлане валтэ» кылъёсты вераса?
▪ Апостол Павел гожъяз: «Со [Инмар]... милемды Христос бордын бадӟым данэн азьлане валтэ но Христос сярысь тодонлэсь ческыт зынзэ котькыӵе интые ми пыр вӧлмытэ. Уго ми Христослэн Инмар доры ӝутскем ческыт зыныз луиськомы,— кызьы ке утиськонэ, озьы ик быронэ мынӥсьёс понна: одӥгъёсыз понна асьмеос кулон сётӥсь кулон зын луиськомы, нош мукетъёсызлы — улон сётӥсь улон зын» (2 Коринфъёслы 2:14—16).
Та кылбуръёсын Павел вераз рим кунын улӥсь адямиослэн сямзы сярысь, кудъёсыз тушмонэз вормыса бертӥсь ожгарчиослэсь кивалтӥсьсэс шумпотыса пумитало но сое данъяса карлэн урамъёстӥз нуо вал. Сыӵе шулдыръяськон дыръя вань калык азьтӥ нуо вал тушмонлэсь талам арбериосты, пленэ басьтэм адямиосты, нош озьы ик курбонэ ваёно ошъёсты но данъяло вал ожгарчиослэсь кивалтӥсьсэс но солэсь ожгарчиоссэ. Шулдыръяськонлэн пумаз ошъёсты курбонэ ваё вал, нош пленэ басьтэм адямиосты казнить каро вал.
Одӥг библейской справочникын верамын, та ӵошатон — «Христослэн Инмар доры ӝутскем ческыт зын», кудӥз одӥгъёсыз понна улон сётӥсь луэ, нош мукетъёсызлы — кулон сётӥсь,— потэмын Римын улӥсь адямиослэн сямысьтызы, кудъёсыз ожгарчиосты данъяса урамъёстӥ нуыкузы фимиам суто вал. Ӝутскись ческыт зын вормисьёс понна дан луэ вал, нош пленэ сюрем адямиослы кулон сярысь вера вал» (The International Standard Bible Encyclopedia).