«Улон но ужан-тыршон» ужан тетрадьлы малпанъёс
6—12-ТӤ КУАРУСЁН
ИНМАРЛЭН КЫЛЫСЬТЫЗ УЗЫРЛЫК | КЫКЕТӤ ЗАКОН 33, 34
Духовной марӟанъёс
(Кыкетӥ Закон 34:6) сое ватӥзы Моав музъемысь нёжалэ, Беф-Фегорлы ваче беринэ, но сое ватэм интыез туннэ нуналозь но нокин но уг тоды.
it «Моисей», «Смерть и погребение» подзаг., 2 абз.
Моисей
Моисей 120 ар улӥз, но кулытозяз солэн тазалыкез юн вал. Библиын со сярысь верамын: «Солэн синмыз ӟеч адӟе вал, кужмыз но солэн ӧз лябӟы». Моисеез ватӥз Иегова. Сое ватэм интыез нокин но ӧз тоды (КЗк 34:5—7). Малы Иегова ӧз вера, кытын Моисей ватэмын? Со озьы кариз, вылды, израиль калык зэмос йыбырттонлэсь медаз палэнскы но Моисеез ватэм интылы медаз йыбыртъя шуыса. Иуда, Иисус Христослэн дышетскисез но выныз, гожтӥз: «Моисейлэн мугорыз пумысен ченгешон потэм бере Михаил архангел диаволэн вераськиз, но сое со пыкылыса судить карыны ӧз дӥсьты, но шуиз: „Кузё-Инмар тонэ судить мед кароз“» (Иуд 9). Со возьматэ, Шайтан Моисейлэсь мугорзэ зэмос луисьтэм йыбырттонын уже кутыны малпаз, дыр, шуыса. Ханаанэ пыремзылэсь азьло израиль пиос 30 нунал ӵоже, Моисеез жаляса, бӧрдӥзы (КЗк 34:8).
Библиез лыдӟон
(Кыкетӥ Закон 33:1—17) Тани Инмар адямилэн, Моисейлэн, кулон азяз израиль пиосты бакель каронэз. 2 Со шуиз: «Кузё-Инмар Сӥнайысь лыктӥз, Сеирысен соослы возьматскиз, Фаран гурезьын пиштыны кутскиз, дасо сюрс святойёсын ӵош лыктӥз; Солэн бурпалаз законлэн тылыз ӝуаса улӥз. 3 Калыксэ Со юн яратэ; вань святойёстэ Тон киулад утьыса возиськод, Тынэсьтыд кылъёстэ валан понна соос Тынад пыд выжыяд лыктӥзы. 4 Моисей милемлы, Иаковлэн калыкезлы, люкетлы закон сётӥз. 5 Калыклэн йыръёсыз Израильысь выжыосын огазе люкаськылыку, со Израильлэн эксэез вал. 6 Мед улоз Рувим, со медаз кулы, но лыдыз медаз кулэсмы!» 7 Нош Иуда сярысь тазьы шуиз: «Кузё-Инмаре, кыл Иудалэсь куаразэ, аслаз калыкез доры сое вай; аслаз киыныз со ассэ мед утёз, аслаз тушмонъёсыныз нюръяськыны солы юрттӥськись лу». 8 Левий сярысь тазьы шуиз: «Тынад туммимед, Тынад уримед оскиськымон адямиед киын, сое Масса дурысен Тон эскерид-чаклад, соин Тон Мериваысь ву дурын ченгешид, 9 со аслаз атаез, аслаз анаез сярысь шуэ: „Мон соос шоры уг учкиськы“, аслэсьтыз агай-вынъёссэ но санэ уг поны, аслэсьтыз нылпиоссэ но уг тоды; соос — левитъёс, Тынэсьтыд кылдэ утисьёс, сӥзён-косондэ быдэсъясьёс, 10 Иаковез Тынад законъёсыдлы дышето, Израилез Тынад курон-косонъёсыдлы дышето, Тон азьын ческыт зыно ладан ӵын потто, курбон сётон ӝӧк вылад тылын сутӥськись курбон тыро; 11 Кузё-Инмаре, солэсь кужымзэ бакель кар, солэн киыныз лэсьтэм ужлы ӟеч эриктэ возьматы, со вылэ урдскисьёслэсь, сое адӟемпотостэм карисьёслэсь макесъёссэс сузмыты, султыны медаз ни быгатэ». 12 Вениамин сярысь шуиз: «Кузё-Инмарлэн яратэм муртэз Со дорын кышкатэк улэ, Инмар сое нуналлы быдэ утьыса возе, Солэн пельпумъёсыз вискын каньылэн со улэ». 13 Иосиф сярысь шуиз: «Кузё-Инмар солэсь музъемзэ инмысь туж возьмано саламъёсын, лысвуэн, улӥысь, пыдэстэм дуннеысь, саламъёсын бакель мед кароз, 14 шундылэн пиштыса кисьматэм туж ӟеч емышъёсыныз, толэзьлэн туж ӟеч саламъёсыныз, 15 вашкала гурезьёслэн устолэсь но усто емышъёсынызы, пумтэм вапумъёс улӥсь мувыръёслэн туж возьмам саламъёсынызы, 16 музъемлэн, солэн тыр луонэзлэн туж кулэ луись саламъёсыныз бакель мед кароз; тёрнпу куак пушкысен Возьматскисьлэн бакель каронэз Иосифлэн йыр вылаз мед вуоз, агай-вынъёсыз пӧлысь тужгес умоезлэн йыртыш вылаз мед вуоз; 17 кужымез солэн нырысь вордскем ошпилэн кадь, солэн сюръёсыз ву ошлэн кадесь; Иосиф ас кужыменыз — Ефрем пиезлэн дасо сюрс муртъёсыныз ӵош, Манассия пиезлэн сюрс муртъёсыныз ӵош — со музъемлэн пумозяз мурт калыкъёсты улляса лэзёз».
13—19-ТӤ КУАРУСЁН
ИНМАРЛЭН КЫЛЫСЬТЫЗ УЗЫРЛЫК | ИИСУС НАВИН 1, 2
Духовной марӟанъёс
(Иисус Навин 2:4, 5) Нош кышномурт со кык муртъёсты ватӥз но шуиз: «Зэм ик, мон доры вуылӥзы адямиос, но мон ӧй тоды, кытысь соос; 5 ӝомал усем бере, капкаосты пытсаллян вакытэ, соос кошкизы; уг тодӥськы, кытчы соос кошкизы; ӝоггес уйиське сьӧразы, тӥ соосты сутоды».
«Кышкасьтэм лу, уж борды басьтӥськы»
7 Эшшо одӥг кышкасьтэм адями — со Раав. Куке со доры израиль калыкысь Иерихон музъемез учкыны-чакланы лыктӥзы, со кышканы но юрттыны пумит луыны быгатысал. Но Раав Иеговалы оскиськиз. Со израиль пиосты ас дораз ватӥз но собере соослы пегӟыса кошкыны юрттӥз (Иис. Н. 2:4, 5, 9, 12—16). Раав оске вал, Иегова зэмос Инмар луэ шуыса, но со израиль калыклы сӥзем музъемзэ одно ик сётоз шуыса. Раав адямиослэсь кышканлы ӧз сётскы. Со ӧз кышка Иерихонлэн эксэезлэсь но, солэн ляльчиосызлэсь но. Озьы Раав ассэ но ӵыжы-выжыоссэ утиз (Иис. Н. 6:22, 23).
Библиез лыдӟон
(Иисус Навин 2:1—16) Иисус, Навинлэн пиез, Сӥттимысь лушкемен кык чакласькись-утчаськись муртъёсты ыстыса шуиз: «Мынэлэ, учкелэ-эскере музъемез, Иерихонэз но». Кык егит пиос мынӥзы но калгись кышномуртлэн юртаз пыризы, солэн нимыз Раав, уйзэс потыны солэн корказ кылизы. 2 Иерихон эксэйлы тазьы верамын вал: «Тани, израиль калык пӧлысь кыӵе ке но пиос татчы та уе музъеммес учкыны-чакланы вуылӥзы». 3 Иерихон эксэй Раав доры тазьы вераны ыстӥз: «Мон кие сёт тынад коркад, тон доры вуылэм муртъёсты, уго соос быдэс музъемез эскерыны-чакланы вуылӥзы». 4 Нош кышномурт со кык муртъёсты ватӥз но шуиз: «Зэм ик, мон доры вуылӥзы адямиос, но мон ӧй тоды, кытысь соос; 5 ӝомал усем бере, капкаосты пытсаллян вакытэ, соос кошкизы; уг тодӥськы, кытчы соос кошкизы; ӝоггес уйиське сьӧразы, тӥ соосты сутоды». 6 Нош ачиз та кышномурт таосты липет йылаз тубытӥз но отчы тырем етӥн культоос пӧлы ватӥськытӥз. 7 Ыстэм муртъёс соос сьӧры уйиськыса, Иордан дуре нуись сюрес кузя шур вамен выжон дорозь ик мынӥзы; израиль пиос сьӧры уйиськыса мынӥсьёс Иерихонысь потэм бере соку ик кар капкаосты пытсазы. 8 Та пиос изьыны выдэмлэсь азьло кышномурт соос доры липет йылэ тубиз но 9 соослы шуиз: «Мон тодӥсько, та музъемез Кузё-Инмар тӥледлы сётӥз шуыса, уго тӥ милемыз шимес кышкатӥды, та музъемын улӥсьёс ваньзы йырзэс ошизы; 10 уго ми кылӥмы, кызьы Кузё-Инмар, Египетысь потыкуды, тӥляд азьысьтыды Горд Кам зарезьысь вуэз куасьтӥз, мар кариды тӥ кык аморрей эксэйёслы — Сӥгонэн Оглы — Иордан сьӧрысен, тӥ соосты быдэсак быдтӥды; 11 ми та сярысь кылӥмы но, лябӟиз милям сюлэммы, огмылэн но тӥледлы пумит султыны кужыммы ӧз ни кыльы; уго тӥляд Инмарды Кузё-Инмар — инмын вылӥын но, музъем вылын улӥын но — Инмар; 12 озьыен, тӥ Кузё-Инмарлэн нимыныз мыным кыл сётэ, кызьы мон тӥледыз жаляй, тӥ но мынэсьтым атай выжыме жалялэ, мыным оскиськымон тодмет возьматэ, 13 мынэсьтым атайме но, анайме но, агай-вынъёсме, сузэр-апайёсме но, кинзы соослэн вань,— ваньзэс улэп кельтоды, милесьтым лулъёсмес кулонлэсь-быронлэсь мозмытоды шуыса». 14 Та пиос Раавлы шуизы: «Милям лулмы тӥляд лулды интые кулон киулэ сётэмын мед луоз, милесьтым ужмес шарае ӧд ке потты; Кузё-Инмар милемлы та музъемез сётӥз ке, соку ми тонэ гажалом-жалялом, оскиськымон луомы». 15 Раав соосты укно пыр гозы кузя васькытӥз, уго солэн коркаез кар борддор пушкын вал, со борддор пушкын улӥз; 16 пиослы со шуиз: «Гурезьёсы мынэ но отын куинь нунал ватӥськыса улэ, тӥ сьӧрын уйиськыса ветлӥсьёс тӥледыз медаз пумиталэ, соос доразы берытскытозь отын улэ; собере мыноно сюрес вылады потэ».
20—26-ТӤ КУАРУСЁН
ИНМАРЛЭН КЫЛЫСЬТЫЗ УЗЫРЛЫК | ИИСУС НАВИН 3—5
Духовной марӟанъёс
(Иисус Навин 5:14, 15) Со шуиз: «Тӥ пӧлысь но, тушмонъёсты пӧлысь но мон ӧвӧл, мон Кузё-Инмарлэн ожгарчиосызлэн азьвалтӥсьсы, али татчы лыктӥ». Иисус музъем вылэ пыдесъяськыса йыбырттӥз но солы шуиз: «Аслаз ляльчиезлы мар шуоз кузёе?» 15 Кузё-Инмарлэн ожгарчиосызлэн азьвалтӥсьсы Иисуслы шуиз: «Пыдысьтыд пыдкутчандэ кушты, уго тынад сылон интыед — святой инты». Иисус озьы ик кариз.
w04 1/12 9 б., 2 абз.
Иисус Навинлэн книгаысьтыз тунсыко малпанъёс
5:14, 15 — Кин вал «Кузё-Инмарлэн ожгарчиосызлэн азьвалтӥсьсы»? Куке израиль калык Сӥзем музъемез киултыны кутскиз, Иисус Навинлы юрттыны лыктӥз «Кузё-Инмарлэн ожгарчиосызлэн азьвалтӥсьсы». Со вал, вылды, «Кыл» — Иисус Христос музъем вылэ лыктэмезлэсь азьло (Иоанн 1:1; Даниил 10:13). Макем милемыз юнматэ, туннэ Иисус Христос Инмарлэн калыкезлы духовной ожмаськонын юрттэ шуыса!
Библиез лыдӟон
(Иисус Навин 3:1—13) Иисус ӵукна вазь ик султӥз, Сӥттимысь потыса, со но, вань израиль пиос но Иордан дуре вуизы; шур сьӧры потытэк, отчы станэн дугдӥзы. 2 Куинь нунал ортчыса, стан пыр эскерись-чакласьёс ортчизы но, 3 калыклы косон сётыса, тазьы шуизы: «Инмардылэсь Кузё-Инмарлэсь сӥзён-косонэн ковчегзэ, сое нуись священникъёсмес но левитъёсты адӟиды ке, соку тӥ но ас интыысьтыды вырӟе, со сьӧры мынэ; 4 ковчеген тӥ куспын кык сюрс гырпум вис мед луоз; солэн матаз эн мынэ — мед тододы, кудтӥз сюрестӥ тӥледлы мыныны кулэ луоз; уго та сюрес кузя тӥляд толон но, толон валлян но ветлэмды ӧй вал». 5 Иисус калыклы шуиз: «Дун-чылкытатӥське, уго ӵуказе тӥ пӧлын Кузё-Инмар паймымон ужъёс возьматоз». 6 Нош священникъёслы Иисус шуиз: «Кузё-Инмарлэсь сӥзён-косонэн ковчегзэ басьтэ но калыклэн азьпалтӥз мынэ». Священникъёс Кузё-Инмарлэсь сӥзён-косонэн ковчегзэ басьтӥзы но калыклэн азьпалтӥз мынӥзы. 7 Соку Кузё-Инмар Иисуслы шуиз: «Та нуналысен Мон кутско тонэ вань израиль пиос азьын данъяса вылэ ӝутыны, соос мед тодозы: кызьы Мон Моисеен огазьын вал, озьы ик тонэн ӵош луо; 8 нош тон сӥзён-косонэн ковчегез нуись священникъёсты тазьы кос: „Иордан вуэ пыриды ке, соку ик отчы дугдэ“». 9 Иисус израиль пиослы шуиз: «Татчы лыктэ но Инмардылэсь Кузё-Инмарлэсь верам кылъёссэ кылзэ». 10 Иисус шуиз: «Тӥ пӧлын улэп Инмар вань но Со тӥ дорысь хананейёсты, хеттейёсты, евейёсты, ферезейёсты, гергесейёсты, аморрейёсты, иевусейёсты уллялоз шуыса, та бордысь тододы: 11 тани, быдэс музъемлэн Кузё-Инмарезлэн сӥзён-косонэн ковчегез тӥляд азьтӥды Иордан вамен потоз; 12 Израиль выжыос пӧлысь асьтэ борды дас кык адямиез басьтэ, котькуд выжыысь одӥг муртэ; 13 быдэс музъемлэн Кузёезлэсь, Кузё-Инмарлэсь, ковчегзэ нуись священникъёс пыдтышкынызы Иордан ву вылэ лёгиськизы ке, Иорданысь ву быроз, вылӥ палтӥз бызись ву борддор кадь султоз».
27-ТӤ КУАРУСЁН — 3-ТӤ КОНЬЫВУОН
ИНМАРЛЭН КЫЛЫСЬТЫЗ УЗЫРЛЫК | ИИСУС НАВИН 6, 7
Духовной марӟанъёс
(Иисус Навин 6:19) Калык черектӥськиз но, священникъёс гумыоссэс пелляны кутскизы. Гумы куараез кылэм бераз ик калык бадӟым, кужмо куараен черектӥськиз но, соку борддор выжыозяз куашказ, вань калык город пушкы пыриз, котькудӥз ас паласеныз пыриз,— городэз киултӥзы.
w15 15/11 13 б., 2, 3 абз.
Лыдӟисьёслэн юанъёссы
Вашкала дыръёсы, юнматэм карез киултон понна, ӵемысь сое котыртыса возизы. Карез киултэмзы бере вормисьёс дуно арбериосты но сиён-юонэз асьсэлы басьтылӥзы. Озьы ке но, Иерихонлэсь куашкам бервылъёссэ эскерыса, археологъёс адӟизы, карын трос сиён кылиз шуыса. Одӥг журналын со сярысь верамын вал: «Горд сюйлэсь лэсьтэм арбериос сяна, куашкатэм карын трос ю тысь вылэм. [...] Азьвыл Палестинаын археологъёс сомында ю тысь куашкатэм каръёсын ӧз шедьтылэ. Ӵемысь сюре вал одӥг-кык горшок ю тысь» (Biblical Archaeology Review).
Библия верамъя, Израиль калык сиён-юонэз Иерихонын кельтӥз, малы ке шуоно озьы карыны косӥз Иегова (Иис. Н. 6:16, 17). Израиль калык Иерихонэз тулыс киултӥз, соин ик карын трос ю тысь вал (Иис. Н. 3:15—17; 5:10). Карын сомында ю тысь кылиз бере, валаны луэ: Иерихонэз кема дыр ӵоже котыртыса ӧз возе. Библиын но озьы ик гожтэмын.
Библиез лыдӟон
(Иисус Навин 5:16—6:13) Иерихон ворсаськиз, израиль пиослэсь кышкаса ворсаськиз: нокин но со пушкысь ӧз поты, нокин но со пушкы ӧз пыра.
6 Соку Кузё-Инмар Иисуслы шуиз: «Тани, Мон тынад киулад Иерихонэз сётӥсько, солэсь эксэйзэ но, отын улӥсь кужмо адямиосты но; 2 ваньды ожмаськыны быгатоно муртъёс город котыртӥ мынэ, город котыртӥ одӥг пол ортче; тазьы куать нунал ӵоже лэсьты; 3 сизьым священникъёс ковчеглэн азьтӥз юбилей арын пелляно сизьым гумыосты мед нуозы; нош сизьыметӥ нуналэ городлэн котыртӥз сизьым пол ортче, священникъёс гумыоссэс мед пеллялозы; 4 юбилейлы сӥзем сюрен пелляны кутскизы ке, гумыослэсь куараоссэс кылӥды ке, вань калык бадӟым куараен мед кеськоз, соку кар борддор выжыозяз ик куашкалоз но, калык бызьыса город пушкы пыроз, котькудӥз ас паласеныз пыроз». 5 Навинлэн пиез Иисус священникъёсты дораз ӧтьыса шуиз: «Сӥзён-косонэн ковчегез вае; нош сизьым священникъёс юбилейлы сӥзем сизьым гумыосты Кузё-Инмарлэн ковчегезлэн азьтӥз мед нуозы». 6 Калыклы косӥз: «Мынэлэ, город котыртӥ ортче; ожмаськон тӥрлыкъёсын адямиос Кузё-Инмарлэн ковчегезлэн азьпалтӥз мед мынозы». 7 Иисус калыклы верам бере ик Кузё-Инмарлэн азьтӥз юбилейлы сӥзем сизьым гумыосты нуись сизьым священникъёс интыысьтызы вырӟизы, гумыоссэс пелляны кутскизы, Кузё-Инмарлэн сӥзён-косонэныз ковчег соос бӧрсьы мынӥз; 8 нош ожмаськон тӥрлыкъёсын адямиос гумы пеллясь священникъёслэн азязы мынӥзы; нош бераз мынӥсьёс Кузё-Инмарлэн сӥзён-косонэн ковчегез бӧрсьын мынӥзы, мыныкузы гумыосын пеллязы. 9 Калыклы косон сётыса, Иисус шуиз: «Эн кесяське, куарадэс медаз кылэ, мон тӥледлы ”кеське!” шуон нунал вуытозь, тӥляд ымысьтыды куара-ланга медаз поты, со нунал вуиз ке, кеськоды». 10 Таӵе амалэн Кузё-Инмарлэн ковчегез город котыртӥ мынӥз, одӥг пол ортчиз; станэ вуизы но отын кӧлӥзы. 11 Мукетаз нуналэ Иисус ӵукна вазь ик султӥз, священникъёс Кузё-Инмарлэсь ковчегзэ нуизы; 12 Кузё-Инмарлэн ковчегезлэн азьпалтӥз юбилейлы сӥзем гумыос нуыса мынӥсь сизьым священникъёс вамышъязы но гумыоссэс пеллязы; ожмаськон тӥрлыкенъёс соослэн азьпалазы мынӥзы, нош соослэн беразы интыяськемъёс Кузё-Инмарлэн ковчегез бере мынӥзы но гумыоссэс пеллязы. 13 Тазьы ик мукетаз нуналэ но город котыртӥ одӥг пол ортчизы, собере станэ лыктӥзы. Тазьы куать нунал ӵоже лэсьтӥзы.
4—10-ТӤ КОНЬЫВУОН
ИНМАРЛЭН КЫЛЫСЬТЫЗ УЗЫРЛЫК | ИИСУС НАВИН 8, 9
Духовной марӟанъёс
(Иисус Навин 8:29) нош Гайлэсь эксэйзэ писпуэ ошизы, писпуын со ӝытозь улӥз; шунды пуксем бере Иисус косэмъя, шӧйзэ писпуысь басьтӥзы но кар капка азе куштӥзы, со вылэ бадӟым из люк куязы, со туннэ нуналозь но возиське на.
it «Повешение», 1 абз.
Ошон, ошиськон
Израиль калыклы сётэм законъя йыруж лэсьтӥсез виемзы бере солэсь шӧйзэ юбо вылэ ошыны быгато вал. Со возьматэ вал, со адями «Инмар азьын каргамын» шуыса. Со шоры учкыса, мукет адямиос валасалзы, мар луоз, соос йыруж лэсьтӥзы ке. Йыруж лэсьтӥсьлэсь мугорзэ со нуналэ ик васькытоно но ватоно вал. Нош со юбо бордын уйбыт кылльысал ке, со Инмарлэсь израиль калыклы сётэм музъемзэ саптасал (КЗк 21:22, 23). Та законъя лэсьтылӥзы соку но, куке казнить карем адямиос мукет калыкъёсысь вал (ИсН 8:29; 10:26, 27).
Библиез лыдӟон
(Иисус Навин 8:28—9:2) Иисус Гаез сутӥз, пумтэм вапумъёс ӵожелы куашкам бервыллы, кыр дуннелы пӧрмытӥз, туннэ нуналэ но озьы ик улэ, 29 нош Гайлэсь эксэйзэ писпуэ ошизы, писпуын со ӝытозь улӥз; шунды пуксем бере Иисус косэмъя, шӧйзэ писпуысь басьтӥзы но кар капка азе куштӥзы, со вылэ бадӟым из люк куязы, со туннэ нуналозь но возиське на. 30 Соку Иисус Гевал гурезе Израильлэн Инмарезлы Кузё-Инмарлы курбон сётон инты лэсьтӥз, 31 кызьы Кузё-Инмарлэн ляльчиез Моисей Израиль пиослы сӥзиз,— та сярысь Моисейлэн закон книгаяз гожтэмын,— быдэс изъёслэсь, корт тӥрлыкен вӧлымтэ изъёслэсь, лэсьтӥз; со вылын Кузё-Инмарлы тылын сутӥськись курбонъёс сётӥзы, тупаса улонлы сӥзем курбонъёс сётӥзы. 32 Отысен изъёс вылэ Моисейлэн законысьтыз кылъёссэ гожтӥз, сое со израиль пиослэн син азязы гожтӥз. 33 Быдэс Израиль — солэн тӧроосыз, эскерись-чакласьёсыз, судьяосыз — ковчеглэн мыд-мыд палаз, Кузё-Инмарлэсь сӥзён-косонэн ковчегзэ нуллӥсь священникъёслэн, левитъёслэн ваче пумитазы султӥзы, кызьы ке лыктэм муртъёс, озьы ик татын пырак ӵоже улӥсьёс но, одӥг люкетэз Гаризим гурезь дорын, нош мукет люкетэз — Гевал гурезь дорын, кызьы азьвыл ик косӥз Кузё-Инмарлэн ляльчиез Моисей израиль калыкез бакель карыны. 34 Собере лыдӟиз законысь вань кылъёсты, бакель каронэз, карганэз, кызьы ваньмыз гожтэмын закон книгаын. 35 Ваньзэ, мае Моисей сӥзьыса сётӥз, ваньзэ — котькуд кылзэ — Иисус вань люкаськем израиль калык азьын — пиосмуртъёс, кышномуртъёс, нылпиос, израиль калык пӧлын сылӥсь лыктэм калык азьын — лыдӟиз.
9 Та сярысь кылэм беразы Иордан сьӧрысь, гурезьёсын, нёжалъёсын, быдӟым зарезьлэн кузянаяз, Ливан вӧзын улӥсь вань эксэйёс, хеттей, аморрей, хананей, ферезей, евей, иевусей калыкъёс, 2 огазе люкаськизы, огкылысь кариськыса, Иисусэн но вань израиль калыкен ожмаськон вылысь.
11—17-ТӤ КОНЬЫВУОН
ИНМАРЛЭН КЫЛЫСЬТЫЗ УЗЫРЛЫК | ИИСУС НАВИН 10, 11
Духовной марӟанъёс
(Иисус Навин 10:13) Калык тушмонъёсызлы пунэмзэ берыктытозь, шунды азьлань мынэмысь дугдӥз, толэзь но огинтыяз сылӥз. Та сярысь гожтэмын ӧвӧл-а Шонер Улӥсьлэн книгаяз: «Инлэн шораз шунды быдэс нунал пала сылӥз, шундыпуксёнэ мыныны ӧз дырты»?
w09 15/3 32 б., 6 абз.
Лыдӟисьёслэн юанъёссы
Библиын верамын куд-ог книгаос сярысь, кудъёсыз вашкала дыре туж тодмо вал. Но вань та книгаос Инмарлэн духеныз вордскытэмын ӧй вал. Озьы ке но Иегова утиз вань книгаосты, кудъёсаз «Инмармылэн кылыз» гожтэмын, соос «пумтэм вапумъёс ӵоже улозы» (Ис. 40:8). Зэм, 66 книгаосын, кудъёсыз Библие пыро но кудъёссэ ми туннэ лыдӟыны быгатӥськомы, гожтэмын ваньмыз, мар милемлы кулэ, ми дун-шектэм мед уломы но ӟеч ужъёсты лэсьтыны дась мед луомы шуыса (2 Тим. 3:16, 17).
Библиез лыдӟон
(Иисус Навин 10:1—15) Иерусалимлэн Адони-Седек эксэез доры таӵе ивор вуиз: Иисус Гаез киултэм, сое каргам, Иерихонэз кадь ик Гаез но пазьгем, Иерихонлэсь эксэйзэ кадь ик Гайлэсь но эксэйзэ вием. Адони-Седек кылӥз на, Гаваонын улӥсьёс Израилен эшъяськыса улыны кыл сётӥллям, израиль пиос пӧлы, пе, соос улыны кылиллям. 2 Соку со туж кышказ, уго Гаваон город туж бадӟым,— эксэй городъёслы укша вал со, Гайлэсь со бадӟымезгес, отын улӥсь адямиос ваньзы кышкасьтэмесь вал. 3 Соин ик Иерусалимлэн Адони-Седек эксэез Хевронлэн Гогам эксэезлы, Иармуфлэн Фирам эксэезлы, Лахислэн Яфий эксэезлы, Еглонлэн Девир эксэезлы тазьы вераны ыстӥз: 4 «Лыктэ мон доры, юрттэ Гаваонэз та понна погыртыны: со Иисусэн, израиль пиосын тупаса улон сярысь огкыл гожтӥз». 5 Соос огазе люкаськизы но вить аморрей эксэйёс сюрес вылэ потӥзы: Иерусалимлэн эксэез, Хевронлэн эксэез, Ярмуфлэн эксэез, Лахислэн эксэез, Еглонлэн эксэез, вань ожгарчиоссы соосын валче вал; соос Гаваон вӧзы солы пумит ожмаськон понна станэн дугдӥзы. 6 Гаваонын улӥсьёс израиль калыклэн дугдон интыязы (станэ) Иисус доры, Галгалэ, тазьы вераны ыстӥзы: «Аслэсьтыд ляльчиостэ куштыса эн кельты; ӝоггес ми доры лыкты, уть милемыз, милемлы юртты; уго гурезьёсын улӥсь вань аморрей эксэйёс милемлы пумит ожмаськыны ӝутскизы». 7 Галгалысен Иисус ачиз мынӥз, со бӧрсьы вань ожмаськыны быгатӥсь калык, ваньзы кышкасьтэм пиосъёс вырӟизы. 8 Кузё-Инмар Иисуслы шуиз: «Эн кышка соослэсь, соосты Мон тынад киулад сётӥ: соос пӧлысь одӥгез но тон азьын сылыны уз чида». 9 Соос доры Иисус шӧдтэк шорысь вуиз, со быдэс уй ӵоже Галгалысь лыктӥз, 10 израиль пиосты адӟыкузы, Кузё-Инмар соосты куалектытӥз, туж кужмо шуккетэн соосты Гаваонысен погыртӥзы, бӧрсязы уйиськыса Веф-Орон вырйылозь сюрес кузя мынӥзы, Азеке, Македэ вуытозь соосты погыртылӥзы. 11 Веф-Орон гурезь бамалтӥ израиль пиослэсь пегӟыкузы, Азеке вуытозь Кузё-Инмар соос вылэ инмысен бадӟымесь йӧ комокъёс куяз, озьы соос кулылӥзы; израиль ожгарчиослэн мечен виылэмзылэсь но тросгес быризы, йӧ комокъёс вылазы усьылыку. 12 Кузё-Инмар Аморреез израиль пиос кие сётыку, со нуналэ Иисус Кузё-Инмарлы вазиськиз, израиль пиос азьын со шуиз: «Шунды, Гаваон йылын дугдыса сыл, нош толэзь,— Аиалон нёжал йылын!» 13 Калык тушмонъёсызлы пунэмзэ берыктытозь, шунды азьлань мынэмысь дугдӥз, толэзь но огинтыяз сылӥз. Та сярысь гожтэмын ӧвӧл-а Шонер Улӥсьлэн книгаяз: «Инлэн шораз шунды быдэс нунал пала сылӥз, шундыпуксёнэ мыныны ӧз дырты»? 14 Адямилэсь курись куаразэ Кузё-Инмар мед кылысал,— азьло но, та учыр бере но сыӵе нунал ӧй вал. Кузё-Инмар Израиль палан нюръяськиз. 15 Собере Иисус но, ваньзы израиль пиос но соин ӵош станэ, Галгалэ, берытскизы.
18—24-ТӤ КОНЬЫВУОН
ИНМАРЛЭН КЫЛЫСЬТЫЗ УЗЫРЛЫК | ИИСУС НАВИН 12—14
Духовной марӟанъёс
(Иисус Навин 13:2) Кылё на та музъемъёс: филистим калыклэн вань улосвылъёсыз, быдэс Гессур музъем.
(Иисус Навин 13:5) озьы ик Гевла музъем, быдэсыз шундыӝужанпал Ливан, Ермон гурезь вӧзысь Ваал-Гадысен Емафе пырон дорозь.
it «Гевал», № 2, 2 абз.
Гевал
Иегова вераз, израиль калык «Гевла [яке Гевал] музъемез» Иисус Навин улон нуналъёсы киултоз шуыса (ИсН 13:1—5). Куд-огъёсызлэн малпамзыя, та кылбуръёсын янгыш вань. Малы ке шуоно Гевал кар Израиль дорысен туж кыдёкын вал (Данлэн музъемез дорысен ог 100 иськем уйпала) но израиль калыклэн киулаз ноку но ӧй вал, дыр. Куд-ог тодосчиос малпало, та люкетын еврей текстэз воштӥзы шуыса. Соос верамъя, азьвыл отын «Ливан вӧзысь музъем» яке «Гевал музъемлэн кунгожез дорозь» гожтэмын вал. Озьы ке но вераны кулэ, Иегова быдэстысал Иисус Навинлэн 13:2—7 гожтэм кылсётонзэ, израиль калык солэсь кылзӥськысал ке. Нош соос Инмарлэсь ӧз кылзӥське, соин ик Гевал музъемез ӧз киултэ, вылды. (Ӵошатэ ИсН 23:12, 13.)
Библиез лыдӟон
(Иисус Навин 12:7—24) Иисус израиль пиосын Иорданлэн шундыпуксён палысьтыз, Ливан нёжалысь Ваал-Гад дорысен Сеир пала кыстӥськись Халак гурезь дорозь, Аморрей музъемысь эксэйёсты виылӥзы. Соослэсь музъемзэс Иисус израиль выжыослы люкетлы сётъяз, котькуд выжылы сюроно люкетсэ сётӥз. 8 Гурезьёсын, улыго интыосын, ӵошалын, гурезь бамалъёсын, кыр дуннеын, лымшорын улӥсь хеттейёслэсь, аморрейёслэсь, хананейёслэсь, ферезейёслэсь, евейёслэсь, иевусейёслэсь музъемзэс сётъяз. 9 Тани погыртэм эксэйёс: одӥгез Иерихонлэн эксэез, одӥгез Вефиль вӧзысь Гай городлэн эксэез, 10 одӥгез Иерусалимлэн эксэез, одӥгез Хевронлэн эксэез, 11 одӥгез Иармуфлэн эксэез, одӥгез Лахислэн эксэез, 12 одӥгез Еглонлэн эксэез, одӥгез Газерлэн эксэез, 13 одӥгез Давирлэн эксэез, одӥгез Гадерлэн эксэез, 14 одӥгез Хормалэн эксэез, одӥгез Арадлэн эксэез, 15 одӥгез Ливналэн эксэез, одӥгез Одолламлэн эксэез, 16 одӥгез Македлэн эксэез, одӥгез Вефильлэн эксэез, 17 одӥгез Таппуахлэн эксэез, одӥгез Хеферлэн эксэез, 18 одӥгез Афеклэн эксэез, одӥгез Шаронлэн эксэез, 19 одӥгез Мадонлэн эксэез, одӥгез Асорлэн эксэез, 20 одӥгез Шимрон-Меронлэн эксэез, одӥгез Ахсафлэн эксэез, 21 одӥгез Фаанахлэн эксэез, одӥгез Мегиддонлэн эксэез, 22 одӥгез Кедеслэн эксэез, одӥгез Кармил вӧзысь Иокнеамлэн эксэез, 23 одӥгез Нафаф-Дор вӧзысь Дорлэн эксэез, одӥгез Галгалысь Гоимлэн эксэез, 24 одӥгез Фирцалэн эксэез. Ваньмыз куамын одӥг эксэй.
25—31-ТӤ КОНЬЫВУОН
ИНМАРЛЭН КЫЛЫСЬТЫЗ УЗЫРЛЫК | ИИСУС НАВИН 15—17
Духовной марӟанъёс
(Иисус Навин 17:15) Иисус соослы шуиз: «Тынад выжыяд калыкед трос ке, мын нюлэсъёсы но отын, ферезейёслэн, рефаимъёслэн музъемазы, аслыд инты сайкы, Ефрем гурезь тыныд ёркыт-ӟоскыт ке потэ».
(Иисус Навин 17:18) гурезь но тынад луоз, та нюлэс но; тон сое сайкод но самой пумозяз со тынад луоз; уго тон хананейёсты уллялод, соослэн ожмаськон корт уробооссы вань ке но, соос кужмоесь ке но».
w15 15/7 32 б.
Тодӥськоды-а тӥ?
Зэм ик-а вашкала Израильын трос нюлэсъёс вал, кызьы со сярысь вераське Библиын?
БИБЛИЯ верамъя, Сӥзем музъемлэн куд-ог ёросъёсаз трос нюлэсъёс вал (3 Экс. 10:27; Иис. Н. 17:15, 18). Нош али тросаз со ёросъёс пӧлысь писпуос туж ӧжыт кылизы, соин ик куд-ог адямиос уг оско, азьвыл отын нюлэсъёс вал шуыса.
Одӥг книгаын валэктӥське, «азьвыл вашкала Израильын нюлэсъёс тросгес вал» шуыса (Life in Biblical Israel). Гурезьёсын будӥзы аллепской пужым (Pinus halepensis), калепринской тыпы (Quercus calliprinos) но терпентинной писпу (Pistacia palaestina). Шефела вырйыло интыын, гурезьёс но Средиземной зарезь вискын, трос сикоморпу (Ficus sycomorus) будӥз.
«Библейской будосъёс» книгаын верамын, туннэ Израильлэн куд-ог интыосаз писпуос ӧвӧл шуыса. Малы? Нюлэсъёс пумен-пумен быризы. Со книгаын валэктӥське: «Адямиос ялан писпуосты кораллязы. Соослы тросгес бусыос но пудо возьман интыос кулэ вал, со сяна пу кулэ вал лэсьтӥськон-пуктӥськон но эстӥськон понна» (Plants of the Bible).
Библиез лыдӟон
(Иисус Навин 15:1—12) Иуда пиослэн выжыысьтызы улы-бечеослы таӵе пус усиз: соослэн музъемзы Идумея дорысен Сӥн нимо кыр дуннетӥ лымшор пала, Феман дорозь, кыстӥськиз; 2 лымшор ласянь музъемзылэн пумыз Сылало зарезьлэн лымшор пала кыстӥськись сюм (залив) дорысеныз кутскыса; 3 лымшор палтӥз со, Акраввим вырйылозь кыстӥськыса, Сӥн пыр ортче, лымшор палтӥз Кадес-Варни пала тубе, Хецрон пыр ортче, Аддарозь тубе, Каркай пала кожытске, 4 собере Ацмон пыр ортче, Египет ӧр пала мынэ, озьыен, солэн пумыз — зарезь. Таиз музъемдылэн лымшор палызлэн пумыз луэ. 5 Нош шундыӝужан палыз Сылало зарезь борды пыкиське, Иордан шурлэн усёнозяз кыстӥське; нош уйпал ласянь кунгож кутске Иордан шурлэн усёнысеныз, Сылало зарезьлэн сюмез (заливез) бордысен; 6 татысен люкет музъемлэн пумыз вуэ вал Беф-Хоглаозь, Беф-Араваез со уйпалтӥз ортче, отысен кунгож йылэ тубе Рувимлэн Боган пиезлэн изэз дорозь; 7 собере кунгож Ахор нёжалысен Давир пала тубе, отысен со уйпала, ву ӧрлэн лымшор палаз интыяськем Адуммим вырйыллэн ваче бериназ сылӥсь Галгал пала коже; татысен кунгож мынэ Ен-Шемешлэн ошмесъёсыз пала, нош йылпумъяське Ен-Рогел дорын; 8 татысен кунгож вылӥе тубе Енном пилэн нёжалэз пала, Иевуслэн — Иерусалимлэн — лымшор палтӥз, кунгож гурезьлэн йылӥозяз тубе, собере кунгож Енном нёжаллэн ваче бериназ, шундыпуксён палаз, Рефаим нёжаллэн уйпалаз сылӥсь гурезьлэн йылӥозяз тубе; 9 гурезь йылысен кунгож Нефтоахысь потӥсь ошмес вуос пала коже но Ефрон гурезьысь городъёс пала мынэ, отысен кунгож берытске Ваал пала,— со ик Кириаф-Иарим луэ; 10 собере Ваал дорысен кунгож зарезь пала берытске но Сеир гурезь пала мынэ, Иеарим, яке Кесалон, гурезьлэн уйпалтӥз мынэ, отысен Вефсамис пала лэзиське но Фимна пыр ортче; 11 татысен кутскыса кунгож мынэ Екронлэн уйпалтӥз, собере кунгож коже Шикарон пала, Ваал гурезь вамен ортче, Иавнеил дорозь вуэ но зарезь дурысен кунгож быре. Шундыпуксёнпал кунгож кыстӥське быдӟым зарезь ярдуртӥ. 12 Тӥни Иуда пиослэн улы-бечеосынызы ӵош люкетлы басьтэм музъемзылэн котыр ласянь кыстӥськись кунгожез.