8-ТӤ УРОК

Примеръёсын дышеты

Матф. 13:34, 35

УЖПУМЕЗ Капчи примеръёс вера, кудъёсыз сюлэме пыӵалозы но кулэ луись зэмлыклы дышетозы.

МАР КАРОНО СО ПОННА

Капчи примеръёс бырйы. Кулэ луись малпанэз валэктон понна, Иисус сямен, уже кут капчи но тодмо примеръёсты. Трос мултэс кылъёс эн вера. Эскеры, примеред быдэсак тупа-а. Сотэк кылзӥсьёс уз валалэ, мае тынад верамед потэ вал, но сак уз кылзэ ни.

Котырысьтыд улонэз чакла. Тунсыкъяськы, мар луэ котырад, лыдӟы Библия вылэ пыкиськем публикациосты но дышетскы быгатӥсь дышетӥсьёслэсь. Озьы тон аслыд примеръёс люкалод, кудъёссэ уже кутыны быгатод, мукетъёссэ дышетыкуд.
Кылзӥсьёсыд сярысь малпаськы. Вера примеръёс со сярысь, мар тодмо луэ кылзӥсьёсыдлы,— маин соос тунсыкъясько но мар соослэн улонэнызы герӟаськемын. Бырйы примеръёсты, кудъёсыз нокинэ возьытэ уз вуттэ но нокинлэсь сюлэмзэ вӧсь уз каре.
Валтӥсь малпанъёсты пусйы. Ватсам малпанъёслы примеръёс верам интые, валтӥсь малпанъёслы примеръёс вера. Ачиз пример гинэ кылзӥсьёслэн тодазы медаз кыльы, нош озьы ик тодазы мед кылёз со но, малы со пример верамын вал.