3-ТӤ УРОК
Луэ-а оскыны Библилы?
Библиын трос кылсётонъёс но визь-кенешъёс гожтэмын. Тӥляд но со книгаен матэгес тодматскемды потэ, дыр. Но со дыре ик, оло нош, тӥ малпаськиськоды: «Библия туж кемалась гожтэмын вал. Соин ик луэ-а солы оскыны? Зэм-а со, мар гожтэмын Библиын али но азьланяз улон сярысь? Быгатэ-а со мыным пайда вайыны?» Трос миллион адямиос Библилы оско. Ойдолэ учкомы, быгатӥськоды-а тӥ но солы оскыны.
1. Зэм-а со, мар гожтэмын Библиын?
Библия вера, отын «зэмлыклэн кылъёсыз» гожтэмын шуыса (Екклесиаст 12:10). Со вера, мар вал адямиосын, кудъёсыз зэмзэ ик улӥзы. (Лыдӟе Лукалэсь 1:3; 3:1, 2.) Тросэз тодосчиос верало, куке Библиын вераськон мынэ кыӵе ке адямиос яке учыръёс сярысь, кытын но ку луизы со учыръёс, со ваньзэ шонер вера шуыса.
2. Малы вераны луоз, Библия кемалась гожтэмын вал ке но, со пайда вае шуыса?
Ӵем дыръя Библия ивортэ сое, мар трос аръёс ортчыса гинэ тодмо луэ. Кылсярысь, куке Библиез гожъязы, тросэз, мае вера Библия наукаен герӟаськем юанъёс сярысь, шонертэм кадь потэ вал. Но дыр ортчыса, тодосчиос валазы, ваньмыз, мае вера вал Библия, шонер шуыса. Солэн кылъёсыз «дауръёсысь дауръёсы юнэсь» (Псалтирь 110:8).
3. Малы оскыны луэ солы, мар вера Библия азьпал улон сярысь?
Библиын гожтэмын азьпалзэ ивортонъёсa со сярысь, «маиз ӧз на быдэсмы» (Исаия 46:10). Отын азьло ик верамын вал тросэз со учыръёс пӧлысь, кудъёсыз луизы берлогес. Озьы ик отын туж шонер верамын, мар луэ туннэ нуналэ. Таяз урокын ми эскеромы куд-огъёссэ со азьпалзэ ивортонъёс пӧлысь. Соос пыр-поч быдэсмо.
МУРГЕС ЭСКЕРЕ
Ойдолэ вераськомы со сярысь, малы вераны луоз, туала наука Библиен соглаш луэ шуыса. Озьы ик ми учкомы Библиысь куд-ог тунсыко азьпалзэ ивортонъёсты.
4. Наука Библиен соглаш луэ
Вашкала дыръёсы лыдъяло вал, музъем мар ке но вылын возиське шуыса. Учке ВИДЕОРОЛИКЕЗ.
Учке, мар гожтэмын вал Иов книгаын 3500 ар талэсь азьло. Лыдӟе Иов книгаез 26:7 но та юанлы валэктон сётэ:
Малы музъем «номыртэм интые» ошемын шуыса веран со дыре паймымон кадь кылӥське вал?
Ог 200 ар талэсь азьло гинэ адямиос валазы, кызьы инкуазьын ву берга. Нош учке, мар верамын вал Библиын ог 3500 ар талэсь азьло. Лыдӟе Иов книгаез 36:27, 28 но та юанъёслы валэктонъёс сётэ:
Маин паймытэ тӥледыз инкуазьын вулэн бергамез сярысь та огшоры веран?
Лыдӟем кылбуръёс Библилы оскондэс юнмато-а?
5. Библиын азьло ик верамын вал адямиослэн историысьтызы куд-ог валтӥсь учыръёс сярысь
Лыдӟе Исаиялэсь 44:27—45:2 но та юанлы валэктон сётэ:
Мар верамын вал Библиын Вавилонэз киултон сярысь, сое киултэмлэсь 200 арлы азьлогес?
Историысь тодӥськомы, Персиялэн Кир эксэез аслаз ожгарчиосыныз а. в. азьлоb 539-тӥ арын Вавилонэз киултӥз шуыса. Соос шурез, кудӥз карез уте вал, мукет ӧре лэзизы. Собере ворсатэк кылем капкаетӥ каре пыризы но сое ожмаськытэк киултӥзы. Вавилон куашкатэмын вал. Туннэ но, 2 500 арлэсь кемагес ортчыса, со выльысь пуктэмын ӧвӧл на. Учке, кызьы со сярысь верамын вал Библиын.
Лыдӟе Исаиялэсь 13:19, 20 но та юанлы валэктон сётэ:
Кызьы быдэсмиз та азьпалзэ ивортон?
Туала Иракын куашкатэм Вавилонлэн бервылъёсыз
6. Библиын азьло ик верамын вал ини со, мар луэ туннэ дунне вылын
Библия асьме дырез «берпум аръёс» шуыса нима (2 Тимофейлы 3:1). Тодэ, мар верамын вал Библиын та дыр сярысь.
Лыдӟе Матфейлэсь 24:6, 7 но та юанлы валэктон сётэ:
Мар верамын Библиын со сярысь, кыӵе улон луоз берпум аръёсы?
Лыдӟе 2 Тимофейлы 3:1—5 но собере та юанъёслы валэктонъёс сётэ:
Мар верамын Библиын со сярысь, кыӵе адямиос луозы берпум аръёсы?
Та сямъёс пӧлысь кудъёсыз, тӥ малпамъя, туннэ тужгес но вӧлмемын?
КИН КЕ НО ВЕРАНЫ БЫГАТОЗ: «Со, мар гожтэмын Библиын, зэм ӧвӧл».
Мар тӥледыз тужгес но оскытэ, Библилы оскыны луэ шуыса?
ТОДЭ ВАЁН
История, наука но быдэсмем азьпалзэ ивортонъёс возьмато, Библилы оскыны луэ шуыса.
Мае тон тодӥд?
Зэм-а со, мар гожтэмын Библиын?
Мар пумысен наука Библиен соглаш луэ?
Кызьы тӥ малпаськоды, быдэсме-а со, мар верамын вал Библиын? Валэктэ.
ТРОСГЕС ТОДЭ
Вера-а Библия мае ке шонертэмзэ наукаен герӟаськем юанъёсын?
Мае ми тодӥськомы «берпум аръёс» сярысь?
Тодэ, кызьы быдэсмизы Грек империя сярысь азьпалзэ ивортонъёс.
Лыдӟе, кызьы Библиысь азьпалзэ ивортонъёс одӥг пиосмуртлэсь Библия шоры учконзэ воштӥзы.
«Мон малпай, Инмар ӧвӧл шуыса» («Возьмаськон башня» № 5, 2017-тӥ ар)
a Азьпалзэ ивортон — со Инмарлэсь ивор со сярысь, мар луоз азьланяз.
b «А. в. азьло» — со «асьме вакытлэсь азьло» шуыса верам, нош «а. в.» — «асьме вакытысь».