41-ТӤ УРОК
Мар верамын Библиын пиосмурт кышномуртэн кӧлан сярысь?
Тросэз адямиос возьдасько вераськыны пиосмурт кышномуртэн кӧлан сярысь. Но Библиын со сярысь ватытэк верамын. Иегова — милям Кылдытӥсьмы. Со тодэ, мар милемлы умойгес луоз. Соин ик Библия пыр со сётӥз милемлы ӵош кӧлан сярысь куронъёс. Солэн потэ, ми шудоесь мед луомы но пумтэм вапумъёс мед уломы шуыса.
1. Кызьы учке Иегова ӵош кӧлан шоры?
Иегова адямиез кылдытӥз, адямиос, ӵош кӧлыса, шумпотон мед басьтозы шуыса. Но адямиослэн ӵош кӧлэмзы Инмарлы ярамон луэ соку гинэ, куке ӵош кӧло пиосмурт но кышномурт, кудъёсыз гожтӥськемын. Ӵош кӧласа, кузпалъёс нылпи вордыны но ог-огзылы яратэмзэс возьматыны быгато. Библиын юнме верамын ӧвӧл: «Егит дыр кышноеныд... майбыр ул» (Мадёнъёс 5:18, 19). Иеговалэн потэ, солэн ужась-тыршисьёсыз медаз калге, нош асьсэлэн кузпалъёссылы котьку оскымонэсь мед луозы шуыса. (Лыдӟе Еврейёслы 13:4.)
2. Кыӵе учыре ӵош кӧлан Инмарлы уг яра?
Библиын гожтэмын: «Азыса-калгыса улӥсьёс... Инмар Эксэйлыке уз пыре!» (1 Коринфъёслы 6:9, 10). Библиысь книгаосын, кудъёсыз грек кылын гожтэмын вал, куке вераськон мынэ азон-калгон сярысь, яке Инмарлы ярасьтэм ӵош кӧлан сярысь, порне́йа грек кыл кутэмын. Порнейа пӧлы пыре: 1) пиосмурт кышномуртэн кӧланa, кудъёсыз гожтӥськемын ӧвӧл; 2) пиосмурт пиосмуртэн яке кышномурт кышномуртэн кӧлан но 3) адями пудо-животэн кӧлан. Иегова милемлы ӵош кӧлан сярысь куронъёс сётӥз. Солэн потэ, со куронъёслэсь кылзӥськыса, ми асьмеды трос шуг-секытъёслэсь мед утёмы шуыса. Со сяна, ми со куронъёслэсь кылзӥськиськомы ке, Иеговаез но шумпоттӥськомы.
МУРГЕС ЭСКЕРЕ
Ойдолэ тодомы, мар юрттоз азон-калгонлэсь палэнскыны но кызьы милемыз утёз Инмарлэн ӵош кӧлан сярысь куронъёсызлэсь кылзӥськон.
3. Азон-калгонлэсь палэнске
Иосиф нимо Инмарлы оскымон пиосмурт пумит луиз кӧлыны кышномуртэн, кудӥз ялан сое ёртыса возиз. Лыдӟе Улон-вылонэз 39:1—12 но та юанъёслы валэктонъёс сётэ:
Малы Иосиф бызьыса кошкиз? (Учке 9-тӥ кылбурез.)
Тӥ малпамъя, шонер-а лэсьтӥз Иосиф? Валэктэ.
Кызьы егитъёс Иосифлэсь адӟем карыны быгатозы? Учке ВИДЕОРОЛИКЕЗ.
Иеговалэн потэ, ми солэн ӵош кӧлан сярысь куронъёсызлэсь кылзӥськыса мед уломы шуыса. Лыдӟе 1 Коринфъёслы 6:18 но та юанъёслы валэктонъёс сётэ:
Кыӵе учыръёсы адями азон-калгон сьӧлыке пырыны быгатэ?
Мар юрттоз азон-калгонлэсь палэнскыны?
4. Тӥ быгатоды азон-калгон мылкыдлы пумитъяськыны!
Малы куддыръя секыт азон-калгон мылкыдлы пумитъяськыны? Учке ВИДЕОРОЛИКЕЗ но юанлы валэктон сётэ.
Мар кариз агай, куке валаз, куд-ог малпанъёсыз но ужъёсыз сое азон-калгон сьӧлыке вуттыны быгато шуыса?
Со христианъёслы но, кудъёсыз кемаласьгес ини Иеговалы ужало-тыршо, секыт луэ малпанъёссэс чакласа возьыны. Мар юрттоз тӥледлы малпанъёстэс чылкыт возьыны? Лыдӟе Филиппыослы 4:8 но та юанъёслы валэктонъёс сётэ:
Мар сярысь милемлы малпаськоно?
Кызьы Библиез лыдӟон но Иеговалы ужан-тыршонэ мылысь-кыдысь пыриськон юрттозы азон-калгон мылкыдлы сётскытэк улыны?
5. Иеговалэн куронъёсыз милемыз утё
Иегова умойгес тодэ, мар милемлы пайда вае, нош мар — уг. Со вера милемлы, мар кароно, чылкыт луон понна. Озьы ик валэктэ, кыӵе со пайда вае. Лыдӟе Мадёнъёсты 7:7—27 яке учке ВИДЕОРОЛИКЕЗ. Собере юанъёслы валэктонъёс сётэ.
Кызьы та егит пи сюриз учыре, кудаз азон-калгон мылкыдлы пумитъяськыны секыт вал? (Учке Мадёнъёсты 7:8, 9.)
Мадёнъёс 7:23, 26 верамъя, азон-калгон бадӟым шуг-секытъёсы вуттэ. Вералэ, кыӵе шуг-секытъёслэсь ми палэнскомы, Иеговалэн куронъёсызлэсь кылзӥськимы ке?
Кыӵе пайда ваёз милемлы али но азьланяз, ми Иеговалэн ӵош кӧлан сярысь куронъёсызлэсь кылзӥськыса улӥмы ке?
Кызьы ми тодӥмы ини, Иеговалы юрӟым потэ, куке пиосмурт пиосмуртэн яке кышномурт кышномуртэн кӧло. Куд-ог адямиос малпало, со Иеговалэсь яратэмзэ уг возьматы шуыса. Но Иегова — яратӥсь Инмар. Солэн потэ, котькуд адями пумтэм вапумъёс ӵоже шумпотыса мед улоз шуыса. Нош со понна милемлы Иеговалэсь кылзӥськоно. Лыдӟе 1 Коринфъёслы 6:9—11 но та юанлы валэктон сётэ:
Пиосмурт пиосмуртэн, кышномурт кышномуртэн кӧланэз гинэ-а Инмар юрӟымен лыдъя?
Инмарлы ярамон луон понна, ваньмылы асьмелэсь мае ке но воштыны кулэ. Малы тыршоно Инмарлы ярамон луыны? Лыдӟе Псалтирез 18:9, 12 но та юанлы валэктон сётэ:
Кызьы тӥ малпаськоды, Иеговалэн ӵош кӧлан сярысь куронъёсыз шонересь-а? Валэктэ, малы тӥ озьы малпаськоды.
Иегова трос адямиослы воштӥськыны юрттӥз ини. Со тӥледлы но юрттоз
КИН КЕ НО ВЕРАНЫ БЫГАТОЗ: «Адями котькинэн мед кӧлоз, куспазы яратонзы гинэ мед луоз».
Мар тӥ верасалды?
ТОДЭ ВАЁН
Иегова адямиез кылдытӥз, адямиос, ӵош кӧласа, шумпотон мед басьтозы шуыса. Но адямиослэн ӵош кӧлэмзы Инмарлы ярамон луэ соку гинэ, куке ӵош кӧло гожтӥськем пиосмурт но кышномурт.
Мае тон тодӥд?
Мае Инмар азон-калгонэн лыдъя?
Кызьы астэ азон-калгонлэсь утёно?
Кыӵе пайда вае Иеговалэн куронъёсызлэсь кылзӥськон?
ТРОСГЕС ТОДЭ
Лыдӟе но тодэ, малы Инмарлэн потэ, пиосмурт но кышномурт, кудъёсызлэн ӵош улэмзы потэ, гожтӥськемын мед луозы шуыса?
«Мар вера Библия гожтӥськытэк ӵош улон сярысь?» (jw.org сайтысь статья)
Библия умойтэмен лыдъя ке но пиосмурт пиосмуртэн, кышномурт кышномуртэн кӧланэз, со уг ӧтьы сыӵе адямиосты адӟемпотостэм карыны.
«Мар уродэз, пиосмурт пиосмуртэн, кышномурт кышномуртэн кӧла ке?» (jw.org сайтысь статья)
Лыдӟе но тодэ, кызьы Инмарлэн ӵош кӧлан сярысь куронъёсыз милемыз утё.
«Луоз-а вераны, оральной секс со зэмос секс шуыса?» (jw.org сайтысь статья)
Лыдӟе «Соос мон шоры гажаса учкизы» статьяез но тодэ, малы пиосмурт, кудӥз пиосмуртъёсын кӧла вал, Инмарлэн куронъёсызъя улыны кутскиз.
«Библия улонэз воштэ» («Возьмаськон башня», 2011-тӥ ар, 1-тӥ оштолэзь)
a Татчы пыре оральной но анальной секс, озьы ик мукет адямилэсь нылпи кылдытон мугор люкетъёссэ кутылон яке маяллян.