ПАЙДАЁ ВИЗЬ-КЕНЕШЪЁС
Мар кароно, Библиысь кылбуръёсты тодамы возён понна
Котьку-а тӥледлы капчи тодады вайыны, кытын Библиын гожтэмын тодмо кылбур яке мар отын гожтэмын? Оло нош, тӥ буйгатскон утчады яке шонертэм малпанъёстэс вормыны тыршиды. Яке тӥляд Библиысь кылбур мукет адямилы возьматэмды потэ вал (Пс. 118:11, 111). Тани куд-ог амалъёс, кудъёсыз юрттозы Библиысь кылбуръёсты тодамы возьыны.
JW Library® приложениысь тегъёсты уже кутэ. Тегa кылдытэ но сое «Яратоно кылбуръёс» шуыса нималэ. Пыртэ отчы кылбуръёсты, кудъёссэ тӥляд тодады воземды потэ.
Кылбур адӟиськись интыын мед луоз. Тӥ быгатӥськоды кылбурез бумага вылэ гожтыны но сое синучкон яке холодильник вылэ ошыны. Озьы ик тӥ быгатӥськоды кылбурез туспуктыны но сое компьютерады яке электрон тӥрлыкады заставкае пуктыны.
Карточкаосты уже кутэ. Карточкалэн одӥг палаз кылбурез гожтэ, нош мукет палаз — кыӵе книгаын, люкетын но кылбурын со гожтэмын. Собере карточка вылысь кылбурез лыдӟе но тодады вайыны тырше, кытын Библиын со гожтэмын. Яке тӥ быгатӥськоды нырысь лыдӟыны, кытын со гожтэмын, нош собере тодады вайыны, мар отын гожтэмын.
a Тегъёс сярысь тросгес тодон понна, учке JW Library приложениысь «Радость от подготовки учеников. Принимайте помощь Иеговы: инструменты для исследования Библии» видеороликез (Библиотека > Видео > Наши встречи и служение > Совершенствуем навыки), озьы ик jw.org сайтысь «Чего достигла наша организация. Советы по использованию JW Library» видеороликез.