تەتقىق قىلىش ئۇسۇللىرى
بىرىنچى نۆۋەتتە نېمىنى تەتقىق قىلىش كېرەكلىكىنى ئويلاڭ
ھەممىمىزنىڭ شەخسىي ئۆگىنىش ئۆتكۈزۈش ئۈچۈن ۋاقتىمىز قىس بولىدۇ. شۇڭا ئۆگىنىش ۋاقتىمىزنى ئۈنۈملۈك ئۆتكۈزۈش ئۈچۈن نېمە قىلالايمىز؟ بىرىنچىدىن، ئوقۇۋاتقان نەرسىلىرىڭىز توغرۇلۇق ئويلاش ئۈچۈن يېتەرلىك ۋاقىت چىقىرىڭ. ئالدىراپ جىق مەلۇمات ئوقۇشنىڭ ئورنىغا، ئاز مەلۇمات بولسىمۇ، دىققەت بىلەن ئوقۇش ياخشى.
كېيىن بىرىنچى نۆۋەتتە نېمە ئوقۇيدىغانلىقىڭىزنى قارار قىلىڭ (ئەفەس. 5:15، 16). كەلتۈرۈلگەن بىرنەچچە مىسالنى كۆرۈپ باقايلى.
مۇقەددەس كىتابنى ھەر كۈنى ئوقۇڭ (زەبۇر 1:2). ئىش دەپتىرىدىكى مۇقەددەس كىتابنى ئوقۇش جەدۋىلى بويىچە ئوقۇڭ.
بىرىنچى نۆۋەتتە «كۈزىتىش مۇنارى»غا ۋە ھەپتە ئوتتۇرىسىدىكى يىغىلىشقا تەييارلىق قىلىپ، جاۋابلارنى تەييارلاشقا تىرىشىڭ.—زەبۇر 22:22.
شۇنداقلا jw.org تور بېكىتىمىزدە نەشىر قىلىنىپ تۇرىدىغان فىلىملەرنى كۆرۈپ، ئاممىۋىي ژۇرناللار ۋە باشقا نەشىرلەرنى ئوقۇش ئۈچۈن ۋاقىت چىقىرىشقا تىرىشىڭ.
سىز ئۈچۈن قىزىق بولىدىغان ماۋزۇلارنى تەتقىق قىلىڭ. بەلكىم، بىر ۋەزىيەتكە دۇچ كەلدىڭىز ياكى قانداقتۇ بىر سوئاللىرىڭىز بار، ياكى بولمىسا مۇقەددەس كىتابنىڭ بەزى تەلىملىرىنى ياخشىراق چۈشىنىشنى خالايسىز. jw.org تور بېكىتىمىزدىكى «تەتقىق قىلىش تاپشۇرمىلىرى» دېگەن يەردىن بەزى ماۋزۇلارنى تاپالايسىز.