مۇقەددەس كىتابتىن بىلىم ئېلىش ئۈچۈن يەھۋا گۇۋاھچىلىرى بىلەن تەتقىق قىلىش قانداق ئۆتكۈزۈلىدۇ؟
يەھۋا گۇۋاھچىلىرى مۇقەددەس كىتابتىن بىلىم ئېلىشنىڭ ئۈنۈملۈك ئۇسۇلىنى قوللىنىدۇ. مۇقەددەس كىتابنى تەتقىق قىلىش سىزنىڭ . . .
شاد-خۇرام تۇرمۇش كەچۈرۈشىڭىزگە ياردەم بېرەلەيدۇ
خۇدانىڭ دوستى بولۇشىڭىزغا
مۇقەددەس كىتابتىكى كەلگۈسى ھەققىدىكى ۋەدىلەرنى بىلىشىڭىزگە ياردەم بېرەلەيدۇ
بۇ ماقالىدە تۆۋەندىكى سوئاللارغا جاۋاب تاپىسىز:
تەتقىق ئۆگىنىشىنى باشلىسام، چوقۇم يەھۋا گۇۋاھچىسى بولۇشۇم كېرەكمۇ؟
سىلەرنىڭ مۇقەددەس كىتابنى ئۆزلىكىدىن شەخسىي تەتقىق قىلىپ ئۆگىنىدىغان دەرسلىكىڭلار بارمۇ؟
مۇقەددەس كىتاب تەتقىق ئۆگىنىشى قانداق ئۆتكۈزۈلىدۇ؟
بىر يەھۋا گۇۋاھچىسى سىز بىلەن «مەڭگۈ شاد-خۇرام ياشاڭ! مۇقەددەس يازمىلار ھەققىدە بىلىم ئاشۇرۇش» دېگەن كىتابتىن ماۋزۇلار بويىچە مۇھاكىمە ئېلىپ بېرىپ، مۇقەددەس كىتابتىن بىلىم ئېلىشىڭىزغا ياردەم بېرىدۇ. سىز ئاستا-ئاستا مۇقەددەس كىتابنىڭ نېمە ئۆگىتىدىغانلىقى ۋە بۇ بىلىملەر سىزگە قانداق ياردەم بېرەلەيدىغانلىقى ھەققىدە ئۆگىنىسىز. كۆپرەك بىلىش ئۈچۈن بۇ فىلىمنى كۆرۈڭ.
بۇ تەتقىق ئۆگىنىشى ئۈچۈن ھەق تۆلەيمەنمۇ؟
ياق. يەھۋا گۇۋاھچىلىرى ئەيسانىڭ ئۆز ئەگەشكۈچىلىرىگە بەرگەن مۇنۇ كۆرسەتمىلىرىگە ئەگىشىدۇ: «ھەقسىز ئالدىڭلار، ھەقسىز بېرىڭلار» (مەتتا 10:8). ئۇنىڭدىن باشقا، مۇقەددەس كىتاب ياكى «مەڭگۈ شاد-خۇرام ياشاڭ!» كىتابىنى ئۆز ئىچىگە ئالغان ئۆگىنىش ماتېرىياللىرى ھەقسىز.
تەتقىق ئۆگىنىشنىڭ ۋاقتى قانچە ئۇزۇن بولىدۇ؟
«مەڭگۈ شاد-خۇرام ياشاڭ!» كىتابىدا 60 دەرس بار. بۇ دەرسلەرنى قاچان تۈگىتىش ئۆزىڭىزگە باغلىق. بىراق نۇرغۇن كىشىلەر ھەپتىدە بىر ياكى ئۇنىڭدىن كۆپرەك دەرسلەرنى تۈگىتىدۇ.
ئۆگىنىشنى قانداق باشلىسام بولىدۇ؟
1. توردا ئىلتىماس جەدۋىلىنى تولدۇرۇڭ. يەھۋا گۇۋاھچىلىرىنىڭ بىرى سىزنىڭ شەخسىي مەلۇماتىڭىزنى پەقەت سىزنىڭ ئىلتىماسىڭىزنى ئورۇنلاش ئۈچۈن ئىشلىتىدۇ.
2. بىر يەھۋا گۇۋاھچىسى سىز بىلەن ئالاقىلىشىدۇ. ئۇ سىزگە مۇقەددەس كىتابتىن بىلىم ئاشۇرۇش ئۈچۈن نېمە ئىش قىلالايدىغانلىقىڭىزنى چۈشەندۈرىدۇ ۋە ھەرقانداق سوئاللىرىڭىزغا جاۋاب بېرىدۇ.
3. ئۆگەتكۈچى سىز بىلەن قانداق ئۆگىنىشنى ئورۇنلاشتۇرىدۇ. يۈزمۇ-يۈز سۆھبەتلىشىش، تېلېفون ياكى ۋىدىئولۇق ئۇلىنىش ئارقىلىق پاراڭلىشىش، خەت ياكى ئېلخەت ئارقىلىق ئۆگىنىشنى ئۆتكۈزسەڭلارمۇ بولىدۇ. ئادەتتە تەتقىق ئۆگىنىشى بىر سائەت داۋاملىشىدۇ، بىراق ئۆز ۋاقىتىڭلارغا قاراپ، بەزىدە قىسقاراق ياكى ئۇزۇنراق ئۆگەنساڭلارمۇ بولىدۇ.
ئاۋۋال تەتقىق ئۆگىنىشىگە سىناپ قاتنىشىپ باقسام بولامدۇ؟
ئەلۋەتتە، بولىدۇ. شۇنداق قىلىش ئۈچۈن توردا ئىلتىماس جەدۋىلىنى تولدۇرۇڭ. بىر يەھۋا گۇۋاھچىسى سىز بىلەن ئالاقىلىشسا، تەتقىق ئۆگىنىشىنى ياقتۇرىدىغان-ياقتۇرمايدىغانلىقىڭىزنى بىلىش ئۈچۈن سىناپ باقماقچى بولغانلىقىڭىزنى ئۇنىڭغا ئېيتىڭ. ئۇ ئۈچ دەرسنى ئۆز ئىچىگە ئالغان «مەڭگۈ شاد-خۇرام ياشاڭ!» دېگەن كىتابچىنى ئىشلىتىپ، سىزنىڭ تەتقىق ئۆگىنىشىنى ياقتۇرىدىغان-ياقتۇرمايدىغانلىقىڭىزنى بىلىشىڭىزگە ياردەم بېرىدۇ.
تەتقىق ئۆگىنىشىنى باشلىسام، چوقۇم يەھۋا گۇۋاھچىسى بولۇشۇم كېرەكمۇ؟
ياق. يەھۋا گۇۋاھچىلىرى باشقىلارغا مۇقەددەس كىتاب ھەققىدە تەلىم بېرىشنى ياخشى كۆرىدۇ، بىراق بىز ھەرگىزمۇ باشقىلارنى ئۆز دىنىمىزغا قوشۇلۇشقا مەجبۇرلىمايمىز. ئەكسىچە بىز ھۆرمەت بىلەن مۇقەددەس كىتابنىڭ نېمە دېگەنلىكىنى ئۇلارغا كۆرسىتىپ بېرىمىز، بىز ھەربىر ئادەمنىڭ نېمىگە ئىشىنىش ھوقۇقى بارلىقىنى بىلىمىز.—1-پېترۇس 3:15.
ئۆزۈمنىڭ مۇقەددەس كىتابىنى ئىشلەتسەم بولامدۇ؟
ئەلۋەتتە بولىدۇ. ئۆزىڭىز خالىغان ھەرقانداق مۇقەددەس كىتاب تەرجىمىسىنى ئىشلەتسىڭىز بولىدۇ. «مۇقەددەس كىتاب. يېڭى دۇنيا تەرجىمىسى» نۇرغۇن تىللاردا تەرجىمە قىلىنغان. بىز بۇ ئېنىق، توغرا تەرجىمىنى ئىشلىتىشنى ياخشى كۆرىمىز. بىراق كۆپلىگەن ئادەملەر ئۆزىگە تونۇش تەرجىمىنى ئىشلىتىشنى خالايدۇ. بىز ئۇلارنىڭ تاللىشىنى ھۆرمەتلەيمىز.
تەتقىق ئۆگىنىشىگە باشقىلارنى چاقىرسام بولامدۇ؟
ئەلۋەتتە بولىدۇ. سىز پۈتكۈل ئائىلە ئەزالىرىڭىزنى ياكى دوستلىرىڭىزنى ئۆگىنىشىڭىزگە قاتنىشىشقا چاقىرسىڭىز بولىدۇ.
ئەگەر ئىلگىرى يەھۋا گۇۋاھچىلىرى بىلەن مۇقەددەس كىتابنى ئۆگەنگەن بولسام، قايتا تەتقىق ئۆگىنىشىنى باشلىسام بولامدۇ؟
بولىدۇ. ھازىر ئىلگىرىكىگە قارىغاندا، تەتقىق ئۆگىنىشىدىن تېخىمۇ كۆپ قانائەت تاپالايسىز. چۈنكى كىشىلەرنىڭ ئېھتىياجلىرىغا قاراپ، ھازىر تەتقىق دەرسلىرىگە كۆپ ئۆزگەرتىشلەر كىرگۈزۈلدى. ئىلگىرىكى تەتقىق قىلىش پروگراممىسىغا قارىغاندا، ھازىر تەسەۋۋۇر قىلىشىڭىزغا ياردەم بېرىدىغان قىزىقارلىق ۋە جانلىق فىلىملەر كۆپ.
سىلەرنىڭ مۇقەددەس كىتابنى ئۆزلىكىدىن شەخسىي تەتقىق قىلىپ ئۆگىنىدىغان دەرسلىكىڭلار بارمۇ؟
بار. كۆپىنچە كىشىلەر بىرسىنىڭ ياردىمى بىلەن ئۆگىنىشنى ياخشى كۆرسىمۇ، بەزىلەر شەخسەن ئۆزلىكىدىن ئۆگىنىشنى ياخشى كۆرىدۇ. بىزنىڭ مۇقەددەس كىتابنى تەتقىق قىلىش ئۈچۈن تەمىنلەنگەن ھەقسىز ماتېرىياللار مەنبەلىرىمىز بار. بۇ سىزنىڭ شەخسەن تەتقىق قىلىشىڭىز ئۈچۈن ياردەم بېرەلەيدۇ.
مۇقەددەس كىتابقا ئاساسلانغان فىلىملەر. بۇ قىسقا فىلىملەر مۇقەددەس كىتابنىڭ ئاساسىي تەلىملىرىنى چۈشەندۈرىدۇ.
مۇقەددەس كىتابنىڭ سوئاللارغا بەرگەن جاۋابلىرى. بۇ ماقالىلەردە مۇقەددەس كىتاب ھەققىدە سورالغان تۈرلۈك سوئاللارغا جاۋاب بېرىدۇ.
مۇقەددەس كىتابتىكى ئايەتلەرنىڭ چۈشەندۈرۈشى. كىشىلەرگە تونۇش بولغان مۇقەددەس كىتابتىكى ئايەتلەر ۋە ئايەتلەردىكى بەزى سۆز-ئىبارىلەرنىڭ مەنىسى چۈشەندۈرۈلگەن ماقالىلەر بار.