تەتقىق قىلىش ئۇسۇللىرى
مۇقەددەس كىتابنى ئەينەكتەك ئىشلىتىڭ
مەسىھنىڭ شاگىرتى ياقۇپ مۇقەددەس كىتابنى ئەينەك بىلەن سېلىشتۇرغان. بىز بۇ ئەينەكتىن ئۆزىمىزنىڭ قانداق ئادەم ئىكەنلىكىمىزنى كۆرەلەيمىز (ياقۇپ 1:22–25). مۇقەددەس كىتابنى سىزمۇ ئەينەكتەك ئىشلىتىش ئۈچۈن نېمە قىلالايسىز؟
كۆڭۈل قويۇپ دىققەت بىلەن ئوقۇڭ. ئەگەر بىز ئەينەككە ئاندا-مۇندا قاراپ قويساق، كىيىنىش ياكى ياسىنىشىمىزدا ئۆزگەرتىش زۆرۈر بولغان بىرەر ناتوغرا جاينى بايقىماسلىقىمىز مۇمكىن. خۇددى شۇنىڭدەك، ئەگەر مۇقەددەس كىتابنى كۆڭۈل قويۇپ دىققەت بىلەن ئوقۇمىساق، ئۆزىمىزنىڭ قانداق ئادەم ئىكەنلىكىنى ۋە نېمىلەرنى ئۆزگەرتىشىمىز زۆرۈرلىكىنى كۆرۈپ يېتەلمەيمىز. شۇڭا، خۇدانىڭ سۆزىنى كۆڭۈل قويۇپ ئوقۇشىمىز بەك مۇھىم.
باشقىلارغا ئەمەس، ئۆزىڭىزگە قاراڭ. بەزىدە ئەينەككە قارىغاندا، پەقەت ئۆزىڭىز ئەمەس، ئەتراپىڭىزدىكى ئادەملەرنىڭ كىيىنىشى ياكى ياسىنىشى ناتوغرا بولۇپ قالغان جاي كۆزىڭىزگە چېلىقىپ قېلىشى مۇمكىن. شۇنىڭغا ئوخشاش، مۇقەددەس كىتابنى ئوقۇغاندىمۇ، باشقىلارنىڭ كەمچىلىكلىرىنى ئويلاپ كېتىشىمىز مۇمكىن. بىراق بۇنداق قىلساق، ئۆز كەمچىلىكلىرىمىزنى كۆرمەي قالىمىز.
غەرەز ئۇقىدىغان بولۇڭ. ئەگەر داۋاملىق ئەينەككە قاراپ، ئۆزىمىزنىڭ كەمچىلىك تەرەپلىرىنى كۆرسەك، كۆڭلىمىز يېرىم بولۇشى مۇمكىن. شۇڭا، مۇقەددەس كىتابنى ئوقۇغاندا، ئۆزىمىزدىن مۇكەممەللىكنى كۈتمەي، بەلكى غەرەز ئۇقىدىغان بولۇشىمىز، يەنى ئۆزىمىزگە يەھۋانىڭ كۆزى بىلەن قاراپ، ئۆز-ئۆزىمىزگە ھەددىدىن زىيادە يۇقىرى تەلەپ قويۇشتىن ساقلىنىشىمىز لازىم.—ياقۇپ 3:17.