10 “Va tunge ocikasia cavaya o akasia okuti, kusõvi ovikeya* vivali lomeyu kuenda vupati waco ukeya lomeyu, oku lepa kuaco ukeya lomeyu.+ 11 Noke o ci laña lulu wa fina.+ O ci laña vokati lo kosamua kuenje kongenge yaco o ñualisako ocivindo culu.+ 12 O ci pangela ovinunga vikuãla viulu kuenje o vi kapa kilu liovolu aco akuãla okuti, konele yimue ovinunga vivali kuenda konele yikuavo ovinunga vivali. 13 Kuenje o panga olombueti viavaya o akasia kuenda o vi laña lulu.+ 14 Olombueti viaco, o vi iñisa vokati kovinunga vio kolonele Viocikasia oco Ocikasia caco cambatiwe lavio. 15 Olombueti vi kala vokati kovinunga Viocikasia; ka citava okuti olombueti viaco viupiwamo.+