22 “Kuenje upa ulela u kasi kocitupi comeme, ucĩla waco wa lẽla, lulela wa ñuala kovãla, londeki yi kasi kilu liomuma, lolongẽla vivali, lulela u kasiko+ kuenda ocikalo condio, momo ocitupi caco comeme coku nõliwa.+ 23 Vekualu liolombolo ka vi kuete etumbisa vi kasi kovaso a Yehova, upamo ombolo yimue yi kasi ndombunge, lombolo yi kuete epangu haiyo ya tengiwa lulela kuenda ombolo ya livanda. 24 Ovina viaco viosi o vi kapa povaka a Arone kuenda povaka vomãla vaye kuenje o vi senga senga konyima lo kovaso ndocilumba coku senga senga kovaso a Yehova. 25 Noke o vi tambula peka liavo kuenje o vi timĩhila kutala kilu liocilumba coku pia elisi ndelemba liwa ku Yehova. Oco, ocilumba cimue ci yokiwa vondalu ci lingiwila Yehova.