3 Eye o nena onepa yimue yocilumba combembua, ndocilumba cimue ci yokiwa vondalu ci lingiwila Yehova+ okuti: ulela+ wa sitika kovãla, lulela wosi wa ñuala kovãla, 4 kuenda olongẽla vivali, lulela waco u kasi ocipepi lociwuta. Eye upavo ondeki yi kasi ocipepi lomuma kumue lolongẽla.+ 5 Omãla va Arone va vi yoka oco owisi waco u tuimĩle kutala kilu liocilumba coku pia elisi ci kasi kolohũi vondalu;+ oco, ocilumba cimue ci yokiwa vondalu ceca elemba liwa ku Yehova.+