24 Pole, omo okuti ukuenje wange Kalembe+ wa kuata ovituwa via litepa kuenda wa pokola kokuange lutima wosi, ndu tuala vofeka yina a endele kuenje ocitumbulukila caye ci piñala ofeka yaco.+

34 “Yehova wa yeva cosi wa popi kuenje wa tema loku lisinga+ hati: 35 ‘Lomue omunu pokati kocitumbulukila eci cĩvi o ka mola ofeka yiwa nda lisila la va isiene,+ 36 te lika Kalembe omõla a Yefune. Eye o ka yi mola kuenje ndi ka eca ofeka yaco kokuaye muna eye a endela kumue lomãla vaye, momo wa kuama olonumbi via Yehova lutima wosi.+ 37 (Onyeño ya Yehova ya ndi wengukilavo omo liene kuenje eye wa popia hati: “Lovevo ku iñila vofeka yaco.+ 38 Yehosua omõla a Nune, una o tãi kovaso yove,+ eye o ka iñila vofeka.+ U pamisa,*+ momo eye o ka songuila va Isareli oco va piñale ofeka.”)

8 Ndaño okuti vamanjange vana va endele kumue lame va kokela omanu oku kuata usumba,* pole, ame nda kuama Yehova Suku yange lutima wosi.+