16 “‘Nda ocilumba a eca, ohuminyo yimue+ ale ocilumba cimue ceciwa lutima wosi,+ ci liwe keteke a eca ocilumba caye kuenda eci ci supapo, ci liwe keteke li kuamamo.

18 “Sapuila Arone kumue lomãla vaye kuenda va Isareli vosi hoti: ‘Nda omunu umue u Isareli, pamue ocingendeleyi okuti wa tunga pokati ka va Isareli eca ocilumba cimue coku pia elisi+ ku Yehova, oco a tẽlise ohuminyo yimue, ale ocilumba ceciwa lutima wosi,+ 19 omunu waco o sukila oku lumba ocinyama copiwa vocunda,+ kovitupi viomeme ale viohombo vina ka vi kuete etondelo oco ocilumba caye ci taviwe.

21 “‘Nda omunu umue eca ocilumba combembua+ ku Yehova oco a tẽlise ohuminyo yimue, ale ocilumba ceciwa lutima wosi, o sukila oku lumba ocinyama ka ci kuete etondelo copiwa vocunda, oco ocilumba caye ci taviwe. Ka citava oku eca ocinyama ca lemãla.