2 “Olonuñulu viosi vialume* via va Isareli vi kolisa* kokuange. Onuñulu yulume yi citiwa, ci kale yomanu ale yovinyama yi tiamẽla kokuange.”+

30 Eci o linga lolonuñulu violongombe viove kuenda violomeme viove+ ceci: Ovio vi kala la inavio oloneke epanduvali. Keteke liecelãla, te o vi eca kokuange.+

13 Momo olonuñulu viosi viange.+ Keteke nda ponda olonuñulu viosi kofeka Yegito,+ nda nõla olonuñulu viosi via va Isareli oco vi linge viange okuti, vi kola, oku upisa komunu toke kocinyama.+ Ovio, vi linga viange. Ame ndi Yehova.”

15 “Olonuñulu viovina viosi vi kasi lomuenyo+ vina ovo va eca ku Yehova, ci kale viomanu ale viovinyama, vi linga viove. Pole, vu sukila oku yovola olonuñulu viomanu+ kuenda oku yovola olonuñulu viovinyama via vĩha.+

17 Ka citava lika oku yovola onuñulu yongombe, ale onuñulu yomeme pamue onuñulu yocitupi cohombo.+ Ovio, ovina vi kola. O nyĩla osonde yavio kutala+ kuenje ulela wavio o u yoka oco owisi waco u tuime ndocilumba cimue ci yokiwa vondalu ceca elemba liwa ku Yehova.+