8 Yehova wa sapuila vali Arone hati: “Nda ku ĩha ocikele coku tambula olombanjaile vieciwa kokuange.+ Nda eca kokuove kuenda komãla vove onepa yovina viosi vi kola via eciwa la va Isareli ndonepa yene otembo ka yi pui.+

11 Ovina vikuavo okuti, vi linga viove vievi: olombanjaile ovo va eca,+ lovilumba vioku senga senga+ via va Isareli. Nda vi eca kokuove kuenda komãla vove valume, lomãla vove vakãi ndonepa yene otembo ka yi pui.+ Omunu wosi wa liyelisa vonjo yove citava oku liako.+

13 Ka wa kũlĩhĩli okuti ava va linga ovopange a kola va lia ovina vionembele kuenda vana va vumba vumba kutala va tambula onepa yovina vi lumbiwila kutala?+