10 Eci vakuakutunga va kapa ociseveto conembele ya Yehova,+ ovitunda vina via wala uwalo wutunda, lalumbeta+ kuenda va Lewi, omãla va Asafe lolosimbalu, va votoka oco va sivaye Yehova ndomo ci likuata lolonumbi via Soma Daviti wo ko Isareli.+

13 Omo liaco, omanu ka va ponduile oku tepisa ocileñi cesanju locileñi coku lila, momo omanu va kala oku kaloka lolukandi okuti, ocileñi cavo ca kala oku yevalela kupãla.