61 Espiritu lia Ñala Tõlo Yehova lia mbuila,+
Momo Yehova wa mbuaveka oco ndi kundile olondaka viwa kambombe.+
Eye wa ndi tuma oco ndi kayise vakuavitima via teka,
Oco ndi kundile eyovo kolomandekua
Kuenda oco okuti vana va kasi vokayike va leta vali,+
2 Oco ndi sapule unyamo wohenda ya Yehova
Kuenda eteke liefetuluinyo lia Suku yetu,+
Oco ndi lembeleke vosi vana va lila,+
3 Loku tata vana va lilila o Siono,
Loku eca ocifuto okuti etiko halioko,
Ulela wesanju okuti oku lila hakuoko,
Uwalo wesivayo okuti, esumuo halioko.
Kuenje ovo va ka tukuiwa okuti, oviti vinene viesunga,
Via kũliwa la Yehova, oco eye a sivayiwe.+