31 Momo handa yavo ka kasi nda Handa yetu,+

Ndaño muẽle ovanyãli vetu va ci limbuka.+

 2 Ka kuli ukuavo o kola ndeci Yehova,

Ka kuli laumue te lika ove,+

Ka kuli ewe lia lisoka la Suku yetu.+

33 Suku yocili eye ombonge yange ya pama,+

Kuenda o ka lingisa okuti onjila yange yi suñama.+

34 Olomãhi viange o vi lingisa ndevi viosonge;

Eye o ndi talamisa kovitumãlo via lepa.+

35 Eye o pindisa ovaka ange koku yaka;

Ovoko ange a pondola oku lumbilila ohonji yosipi.

36 Ove o nyĩha ociyepelo cove cepopelo,

Kuenda umbombe wove u ndi muisa unene.+

37 Onjila yolomãhi viange o yi sanjavalisa;

Olomãhi* viange ka vi ka sielena.+

38 Ndi ka landula ovanyãli vange loku va kundula;

Si ka tiuka toke eci ovo va kunduiwa.

39 Ndi ka va kundula loku va nyanyõla okuti, ka va ka votoka vali;+

Ovo va ka kupukila vemẽhi liolomãhi viange.

40 Ove o ka ndi malẽha longusu kuyaki;+

Ove o ka lingisa okuti ovanyãli vange va kupukila vemẽhi liolomãhi viange.+

41 Ove o ka kokela ovanyãli vange oku ndi tila;*+

Ndi ka kundula* vana va ndi suvuka.+

42 Ovo va kaluka oku pinga ekuatiso, pole, ka kuli laumue o va popela;

Toke muẽle va kalukila Yehova, pole, eye ka va tambulula.+

43 Ndi ka va sula ndoneketela yo posi;

Ndi ka va kundula loku va liataila ndolonata volokololo.