20 Vonjanja yaco, Mose la Arone va linga ndomo Yehova a va handeleka. Eye wa tikula ombueti, wa veta vovava Olui Nilu kovaso a Fareo lakuenje vaye kuenje ovava osi olui a pongoloka osonde.+

6 Noke Arone wolũila eka liaye kovava o Egito kuenje ovinonga via fetika oku iya loku yuka vofeka Yegito.

17 Ovo va ci linga. Arone wa tikula ombueti yaye kuenda wolõla eka liaye loku veta voneketela yo posi kuenje olohamue vieya komanu lo kovinyama. Oneketela yosi yo posi ya pongoloka olohamue vofeka yosi Yegito.+

6 Yehova wa linga ovina viaco keteke lia kuamamo kuenje oviunda viosi vio Kegito via fetika oku fa,+ pole, povinyama via va Isareli, lacimue ca fapo.

10 Ovo va tikula etiko vofolono yimue kuenda va talama kovaso a Fareo kuenje Mose wa imba etiko liaco vilu, noke lia pongoloka olombumbu vialua komanu lo kovinyama.

23 Mose wolũila ombueti yaye kovailu kuenje Yehova wa tuma ovilemĩlo lociwe kuenda ondalu* ya lokila kilu lieve kuenje Yehova wamamako oku lokisa ociwe vofeka Yegito.

12 Yehova wa sapuila Mose hati: “Olũila eka liove kofeka Yegito okuti olohuma viya, oco vi lisanduile vofeka Yegito loku lia ovikũla viosi vio vofeka, viosi vina via supa kociwe.”

21 Kuenje Yehova wa sapuila Mose hati: “Olũila eka liove kovailu oco ku kale owelema vofeka Yegito okuti, owelema walua.”