19 momo eci ci pita lomãla vomanu, ci pitavo lovinyama; vosi yavo va kuete esulilo limuamue.+ Ndeci umue a fa, haico ukuavo a fa; kuenje vosi yavo va kuete ongusu yimuamue yomuenyo.*+ Omo liaco, omunu ka velelepo okuti ovinyama vi sule, momo ovina viosi esanda. 20 Vosi va ka enda kocitumãlo cimuamue.+ Vosi yavo va tunda koneketela+ kuenda vosi yavo va tiukila koneketela.+

2 Vosi va kuete esulilo limuamue,+ ukuesunga londingaĩvi,+ omunu uwa lu wa yelisua kuenda u wa vĩha, vana va eca ovilumba la vana ka va eci ovilumba. Omunu uwa wa lisoka lukuakandu; una o linga ocisila cimue, wa lisoka la una o lekisa utate koku linga ocisila cimue. 3 Eci ocina cimue ci sumuisa ci lingiwa vemẽhi liekumbi: Momo vosi va kuete esulilo limuamue,+ utima womanu weyuka ũvi; kuenda vutima wavo muli uyui vokuenda kuomuenyo wavo, noke ovo va fa!*

11 Ame nda mola vali ocina cikuavo vemẽhi liekumbi okuti, ukuanjanga ka yuli olupesi otembo yosi, ndaño yuna wa pama ka yuli uyaki+ otembo yosi, ndaño ukualondunge ka kuete okulia otembo yosi, una wa loñoloha ka kuete ukuasi otembo yosi,+ vana va kuete ukũlĩhĩso ka va litundi ciwa otembo yosi,+ momo otembo kuenda ovina viya ño ocipikipiki, vi va veta vosi.