5 Noke Yakoba wa tunda ko Beresieva kuenda omãla va Isareli vambata Yakoba isiavo kumue lomãla vavo, lakãi vavo volokalosa vina Fareo a tumĩle okuti omo vo wambatela. 6 Vambata oviunda viavo, lovokuasi va kuatele vofeka yo Kanana. Kuenje ovo va pitĩla Kegito okuti Yakoba kumue locitumbulukila caye cosi. 7 Eye wa enda Kegito lomãla vaye valume, olonekulu viaye vialume, omãla vaye vakãi, lolonekulu viaye viakãi okuti, ocitumbulukila caye cosi.