23 “Tala! Ufeko wosombo o ka mina kuenda o ka cita omõla umue ulume kuenje vo ko luka hati, Emanuele,”+ ci lomboloka okuti, “Suku o Kasi Letu.”+

30 kuenje ungelo wo sapuila hati: “A Maria, ku ka kuate usumba, momo wa sanga ohenda ku Suku. 31 Kuenje tala! ove o kamina kuenda o ka cita omõla umue ulume+ kuenje u ko luka hati, Yesu.+ 32 Eye o ka kala unene+ kuenje o ka tukuiwa hati, Omõla a Fũ+ kuenda Yehova* Suku o ko wĩha ocalo ca isiaye Daviti,+ 33 kuenje o ka viala Ndosoma yonjo ya Yakoba otembo ka yi pui kuenda Usoma waye ka u ka sulila.”+

34 Pole, Maria wa pula ungelo hati: “Ci lingiwa ndati nda sia la litokeka lulume?”+ 35 Ungelo wo tambulula hati: “Espiritu sandu liya kokuove+ kuenda unene wa Fũ u ku wila. Eli olio esunga lieci okuti, u o ka citiwa o ka tukuiwa Omõla a Suku+ o kola.+