“Enjui, tu lamaneli komunda ya Yehova,

Konjo ya Suku ya Yakoba.+

Eye o ka tu longisa eci catiamẽla kolonjila viaye,

Kuenje etu tu ka endela volonjila viaye.”+

Momo ocihandeleko* ci ka tunda ko Siono,

Kuenda ondaka ya Yehova yi ka tunda ko Yerusalãi.+

 4 Suku o ka kala ndonganji pokati kolofeka

Kuenda eye o ka tetulula ovitangi pokati komanu valua.

Ovo va ka pongolola olosipata viavo oco vi linge atemo

Kuenda ovonga avo a ka linga olomĩla.+

Ofeka ka yi ka katukila ofeka yikuavo losipata,

Ka va ka lilongisa vali uyaki.+

 6 Ombinji yi ka kala pamosi lomeme,+

Kuenda okahombo ka ka pekaila kumosi longue,

Kuenda onãle, lohosi,* locinyama ca lẽla, vi ka kala viosi pamosi;*+

Kuenje kakuenje umue o ka vi songuila.

 7 Ongombe kuenda o ursu vi ka lila pamosi,

Kuenda omãla vavo va ka pekaila pamosi.

 8 Omõla o nyama, o ka papalela kututa wekuiva,

Kuenda omõla wa sumũha o ka kapa eka liaye pocanju conyõha yi kuete owule.

 9 Ovio ka vi ka linga cimue cĩvi+

Ale oku nyõla komunda yange yosi yi kola,+

Momo ongongo yi keyuka muẽle lukũlĩhĩso wa Yehova

Ndeci ovava a yukisa okalunga.+

Eye o ka tu longisa eci catiamẽla kolonjila viaye,

Kuenje etu tu ka endela volonjila viaye.”

Momo ocihandeleko* ci ka tunda ko Siono,

Kuenda ondaka ya Yehova yi ka tunda ko Yerusalãi.