20 Koloneke viaco, Hesekiya wa kala oku vela kuenda wa pandele koku fa.+ Uprofeto Isaya omõla a Amose weya, yu wo sapuila hati: “Ca popia Yehova ceci hati: ‘Eca olonumbi ku vakuanjo yove, momo ove o ka fa; ku kayi.’”+ 2 Kuenje eye wa pongolokela vocimano kuenda wa fetika oku likutilila ku Yehova hati: 3 “Hu livondela a Yehova, mange ohenda, ivaluka okuti nda siata oku endela kovaso ove lekolelo, lutima wosi kuenda nda siata oku linga eci ca sunguluka kovaso ove.”+ Kuenje Hesekiya wa fetika oku lila calua.