29 “Eci Yehova Suku yove a nyõla olofeka vina o ka tundisa+ kuenje o tunga vofeka yavo, 30 kuata utate oco ku ka yapuisiwe eci ovio vi kunduiwa kovaso ove. Ku ka pulise catiamẽla kolosuku viavo hoti: ‘Olofeka evi via enda oku vumba ndati olosuku viavo? Ame ndi ci lingavo.’+ 31 Ku ka linge ovina viaco ku Yehova Suku yove, momo ovio via lingila ovina vialua viumbondo olosuku viavo vina okuti Yehova wa vi suvuka, handi vali va timĩha vondalu omãla vavo valume lomãla vavo vakãi loku va lumbila olosuku viavo.+

17 Ovo va yoka vondalu omãla vavo valume lomãla vavo vakãi ndocilumba,+ va tãha tãha,+ loku sanda vakuombanda kuenda vamamako oku li eca* koku linga eci ka ca sungulukile kovaso a Yehova oco va wengule onyeño yaye.

28 Ahasi+ wa kuata 20 kanyamo eci a linga osoma kuenda wa viala 16 kanyamo vo Yerusalãi. Eye ka lingile eci ca sunguluka kovaso a Yehova ndeci Daviti kukululu yaye a lingile.+

3 Handi vali, eye wa lumba ocilumba cowisi Vocimbota Comõla a Hinome* kuenda wa yoka omãla vaye vondalu+ poku kuama ovilinga viumbondo violofeka+ vina Yehova a tundisile kovaso a va Isareli.

33 Manase+ wa kuata 12 kanyamo eci a linga osoma kuenda wa viala 55 kanyamo vo Yerusalãi.+

6 Eye wa yoka omãla vaye vondalu ndocilumba*+ Vocimbota Comõla a Hinome;+ wa kala ukuombanda,+ wa tãha, wa sanda vakuakuvangula lolondele kuenda vakuakutãha.+ Eye wa linga ovina vialua vĩvi kovaso a Yehova oco a wengule onyeño yaye.

31 Ene vu kasi hẽ oku amamako oku li vĩhisa ene muẽle toke etaili poku eca ovilumba koviteka viosi via vĩha, poku yoka omãla vene vondalu ndocilumba?*+ Anga hẽ ndi sukila oku tambulula epulilo liene, Anjo ya Isareli?”’+

“‘Ndeci ame ndi kasi lomuenyo,’ oco Ñala Tõlo Yehova a popia, ‘Si ka tambulula epulilo liene.+