4 Kuenje Yehova wa enda oku tuma akuenje vaye vosi ovaprofeto kokuene, poku va tuma olonjanja vialua,* pole, ene ka wa yeveleli lutate ndaño oku kuluila ovatuĩ ene oku va yeva.+ 5 Ovo va enda oku popia hati: ‘Lingi ohenda, tinduki kolonjila viene vĩvi kuenda kovilinga viene vĩvi;+ kuenje vu kamamako oku kala otembo yalua vofeka yina Yehova a eca osimbu kokuene kuenda ku vakukululu yene.