Isaya
23 Esapulo limue lioku katukila o Turo:+
Lisiõsiõli ene alonaviyu vio Tarsisi!+
Momo etapu lia nyõliwa: ka citava oku iñilamo.
Esapulo liaco lia situluiwa kokuavo, oku upisa kofeka yo Kitimi.+
2 Uhĩko ene alonungi vio konele yokalunga.
Vakualomĩlu vio ko Sidono+ vana va yoka okalunga oku ka linga olomĩlu, va ku yukisi lukuasi.
3 Olomema vio Turo vi kasi kilu liovava alua,
Oyo ya nena olomema vio ko Sihore+ kuenda ovikuata vio ko Nilu,
Kuenda va nena eci camĩlako kolofeka.+
4 Kuata osõi a Sidono, ove aciteyuilo cokalunga,
Momo okalunga ka popia hati:
“Sia kuatele olongembia vioku cita, ndaño oku cita,
5 Ndeci ca pita eci ovo va yeva esapulo lia tunda Kegito,+
Omanu va ka kala lesumuo omo liesapulo liatiamẽla ko Turo.+
6 Yoki okalunga kuenda kuendi ko Tarsisi!
Lisiõsiõli, ene alonungi vio konele yokalunga!
7 Anga hẽ olu oluo olupale luove luna mua kala esanju tunde kosimbu?
Ovolu olonungi viaye a enda oku va tuala kolofeka viocipãla oco va tungemo.
8 Helie wa nõla oku linga eci ko Turo,
Una wa nõla olosoma,
Una okuti, alume vaye vakualomĩlu va kala olombuale,
Una okuti, alume vaye vakualomĩlu va sumbiwile kilu lieve liosi?+
9 Yehova ukualohoka eye muẽle wa ci sokiya,
Oco a sepule epela lieposo liosi lio Turo,
Oco a kutise osõi vosi vana va sumbiwile kilu lieve liosi.+
10 Yoki ofeka yene Ndolui Nilu, Amanu vo ko Tarsisi.
Ka kuli vali ocitumãlo* coku kapa olonaviyu.+
11 Eye woluĩla eka liaye kilu liokalunga;
Kuenda wa lulumisa ovosoma.
Yehova wa handeleka okuti, oviteyuilo vio Foinike vi kunduiwa.+
12 Kuenje eye wa popia hati: “Ove ku ka sanjuka vali,+
Ofeko wosombo, una o talisiwa ohali ko Sidono.
Katuka, yoka okalunga kuenda kuende ko Kitimi.+
Ndaño muẽle ko Kitimi, ove ku ka kuata epuyuko.”
13 Tali ofeka ya va Kaldea!+
Ava ovo omanu vana va yi kundula, okuti va Asuria+ havoko,
Vana va yi pongolola oco yi kale ocitumãlo cimue covinyama vio vekalasoko.
Ovo va tunga olosapalalo viavo viocingonja;
Ovo va sia upolokoso olosapalalo viavo vi kuete oviteyuilo,+
Loku yi tepulula okuti yi siala ocingululu.
14 Lisiõsiõli ene alonaviyu vio Tarsisi,
Momo oviteyuilo viene via kunduiwa.+
15 Keteke liaco, o Turo yi ka ivaliwa vokuenda kueci ci soka 70 kanyamo,*+ etendelo limuamue liomuenyo wo soma yimue. Kesulilo lianyamo 70, eci ci ka pita lo Turo ci ka kala ndocisungo ci imbiwila ocipuepue cimue:
16 “Tikula ohalupa yimue kuenda ñuala olupale, Ove acipuepue wa ivaliwa.
Sika ciwa ohalupa yove;
Imba ovisungo vialua,
Oco okuti ovo va ka ku ivaluka.”
17 Kesulilo lianyamo 70, Yehova o ka ivaluka vali o Turo kuenje oyo yi ka linga vali upange wayo kuenda upuepue lovosoma osi oluali, a kasi kilu lieve liosi. 18 Pole, onima yalio kuenda upange walio, vi ka kala ocina cimue ci kola ku Yehova. Oyo ka yi kongoluiwa ale oku selekiwa, momo onima yalio yi ka enda ku vana va tunga kovaso a Yehova, oco valie toke eci vekuta kuenda oku wala uwalo wa posoka.+