Olosamo
Kusongui wolonjimbi. Osamo ya Daviti.
21 A Yehova, omo liongusu yove soma o sanjuka;+
Kuenda o sanjuka calua omo liovilinga viove viepopelo!+
2 Ove wa tẽlisa onjongole yutima waye,+
Kuenda kua likalele epingilo liomẽla waye. (Sela)
3 Momo ove wo sumũlũisa kuenda wo wĩha ovina viwa;
5 Ovilinga viove viepopelo viu nenela ulamba walua.+
Ove u wĩha ekemãlo kuenda eposo.
6 Ove wo nõla oco a sumũlũisiwe otembo ka yi pui;+
Ove wo lingisa okuti eye o sanjuka, momo ove o kasi laye.+
8 Eka liove li ka sanga ovanyãli vove vosi;
Eka liove liondio li ka sanga vana va ku nyãle.
9 Votembo ya sokiyiwa eci ove o molẽha, o ka va kundula ndu okuti, va imbiwa vondalu.
Yehova o ka va kundula vonyeño yaye kuenda ondalu yi ka va lia.+
10 Ove o ka kundula ovitumbulukila* viavo kilu lieve,
Kuenda ocitumbulukila cavo pokati komãla vomanu.
11 Momo ovo va yongola oku linga eci cĩvi kokuove;+
Ovo va linga asokiyo amue okuti, ka a ka kuata onima yiwa.+
13 A Yehova, votoka kuenda lekisa ongusu yove.
Tu ka imbila ovisungo viesivayo* kunene wove.