Isaya
27 Keteke liaco, Yehova losipata yaye yinene haiyo ya pama+
O ka ivaluka Canjangombe,* onyõha yi sielena,
Canjangombe, onyõha ya limuña,
Kuenda eye o ka ponda ocimuandu ci kasi vokalunga.
2 Keteke liaco, imbi ocisungo cimue kokuaye* hati:
3 Ame ndi Yehova, ndu u tata.+
Otembo yosi ndu u tapela.+
Ndu u teyuila kutanya kuenda kuteke,
Oco okuti, lomue o u linga eci cĩvi.+
Helie o ka tamalãla lame lolosongo kuenda losoka kuyaki?
Ndi ka va kosa kuenda ndi ka va timĩhila vosi pamosi.
5 Pole, eye a lupukile kocitumãlo cange ceteyuilo.
Eye a linge ombembua lame;
A linge ombembua lame.”
6 Koloneke vi keya, Yakoba o ka kuata olombombo,
O Isareli yi ka telẽha kuenda yi ka kula ovianja viokaliye,+
Kuenda ovo va ka yukisa ofeka lapako.+
7 Anga hẽ eye o ka tipuiwa la una o kasi oku u kundula?
Ale o sukila oku pondiwa nda vana va fa okuti, va pondiwa laye?
8 Loku kaluka kuove ku koka usumba, o ka kangisa ofeka yo Isareli eci o yi tuma oku enda.
Ove o ka yi lupuisa lofela yove ya tema keteke liofela yo kutundilo.+
9 Omo liaco, eko lia Yakoba li ka ecelua,+
Kuenda eci ekandu liaye li kopiwa ci ka kala onima yaye ceci:
Eye o ka lingisa okuti ovawe osi wutala
A kala ndovawe ohala a nyanyuiwa,
10 Olupale lu kuete ociteyuilo, lu ka siala upolokoso;
Usenge woku lisila oviunda u ka yandulukiwa kuenda u ka siala ndekalasoko.+
Oko onãle yi ka lila loku pekela
Kuenda yi ka lia ovianja vialio.+
11 Eci ovianja vialio vi kukuta,
Akãi va ka endako loku vi tiaña
Kuenda va ka linga lavio ondalu.
Momo omanu ava ka va kuete elomboloko.+
Eli olio esunga lieci okuti, una wa va panga ka ka lekisa ocikembe kokuavo,
Kuenda una wa va sovola ka ka va kuatela ohenda.+
12 Keteke liaco, Yehova o ka tuñunyisa epako Liolui* toke Kekango* Liegito+ kuenda ene vu ka kongeliwa pamosi umue, umue, Amanu va Isareli.+ 13 Keteke liaco, ku ka sikiwa ombinga yimue yinene+ kuenda vana va hongua vofeka yo Asuria,+ la vana va sanduiwa vofeka yo Egito,+ va keya kuenda va ka kekamẽla kovaso a Yehova komunda yi kola ko Yerusalãi.+