Ndomo o Kuatisiwa Lovipama Evi Viembimbiliya
Pinga komunu umue oco a ku longise: Pinga elilongiso Liembimbiliya komunu wa ku ĩha ombrochura yilo, ale soneha vocicapa ci sangiwa vonumbi yetu yo internet jw.org.
ONEPA YATETE
Tanga ocinimbu locinimbu, oku kongelamo apulilo a sonehiwa lotinda yi tekãva calua (A) kuenda ovisonehua (B) vi situlula atosi a velapo. Limbuka okuti, kovisonehua vimue, kua kapiwa ondimbukiso yokuti “tanga.”
ONEPA YO VOKATI
Olondaka viatete (C) vemẽhi liokasapi Lilongisa Ondongosi vi lombolola eci ci kuãimo. Otulosapi (D) tu ecelela oku linga apulilo latambululo. Tanga ovisonehua, tambulula apulilo kuenda tala olovideo (E).
Konomuisa alitalatu kuenda olondaka vi sangiwa pombuelo yaco (F), kuenda sokolola ndomo o tambulula eci Omanu Vamue va Popia Vati (G).
ONEPA YA SULAKO
Nye wa Lilongisa? kuenda Oku Pitulula (H) onepa yoku malusula ocipama. Soneha eteke ocipama ca pua. Ocimãho (I) ci ku ĩha epuluvi lioku linga upange umue o sukila oku tẽlisa. Vokasapi Oco o Kũlĩhe Ovina Vikuavo (J) mu sangiwa ovina o sukila oku tanga ale oku tala.
O pondola oku sanga ndati ovinimbu Vembimbiliya liove?
Ku lekisiwa onduko yelivulu Liembimbiliya (A), ocipama (B), kuenda ocinimbu ale ovinimbu (C). Ndeci, Yoano 17:3, ci lomboloka elivulu lia Yoano, ocipama 17, ocinimbu 3.