Tanga Lomãla Vove

Ndomo capopia o revista yokofeka yo Brasil yitukuiwa okuti Veja, omãla vana okuti olonjali viavo vilekisa ombili kokutanga vasole vali calua alivulu okuti omãla vana okuti olonjali viavo kavieci ongangu yiwa kokutanga konjo cisule. Martha Hoppe, umue ukuoloño watiamẽla kokukula kuolondunge viomãla wapopia hati, “okutangela pamosi kuvokiya elitokeko liolonjali lomãla vavo kuenda kuecelela okuti omãla vakuata elomboloko liwa lieci vatanga valivulu.”

Okutangela omãla vove lolukandi cukuihavo epuluvi liokutambulula apulilo avo. Citava okuti olombolola oviluvialuvia visangiwa vocipama. Noño Hoppe wamisako hati, “eci omãla vatanga valivulu nda civalomboloka ciwa, vakakuata vali onjongole yokusandiliya ovo muẽle alivulu, oco vakuate elomboloko lieci vayongola okukuliha.”

Olonjali vialua pokati Kolombangi via Yehova okuti visole okutanga lomãla vavo. Ovo vatanga alivulu ndeci, Meu Livro de Histórias Bíblicas, Escute O Grande Instrutor, kuenda O Maior Homem Que Já Viveu.a Alivulu a–a ka kuatisa lika omãla okuloñoloha kokutanga ciwa puãi civokiyavo ombili yavo yokutanga Embimbiliya Likola−okuti olio elivulu lialandisiwa vali calua voluali. Omo liaco, nda ove unjali, lekisa ongangu yiwa komãla vove pokukala ukuambili kokutanga Ondaka ya Suku. (Yehosua 1:7, 8) Kuenda, olonjanja viosi sokiya otembo yokutangela omãla vove!

[Atosi]