Ocipito Cimue ci Kuete Esilivilo Lia Velapo Vesapulo

OCIPITO caco catiamẽla koku fa kua Yesu Kristu. Momo lie ca kuatela esilivilo lialua? Kuli asunga alua esilivilo liaco.

Ekolelo Yesu a lekisa toke koku fa kuaye, lia eca ongangu yokuti omanu va pondolavo oku lekisa epandi lioku kolela ku Suku.

Oku fa kua Yesu kua eca epuluvi komanu vamue oco va kale olosoma kumue laye kilu. Handi vali, oku fa kuaye kua yuluilavo onjila omanu valua oco va kuate omuenyo ko pui vofeka yelau palo posi.

Koñolosi eci handi Yesu ka file, eye wa tikula ombolo ka yi kuete etumbisa kuenda ovinyu yikusuka ndovindekaise vioku fa kuaye omo liocisola a kuetele omanu. Kuenje, eye wa sapuila olondonge viaye hati: ‘Ci lingaingi olonjanja viosi omo lionjivaluiso yange.’ (Luka 22:19) Ove hẽ oka ivaluka ocipito eci ca velapo?

Olombangi via Yehova vi ku laleka locisola calua oco o kale kumue lavo keteke lioku linga Ocipito conjivaluko yolofa via Yesu. Unyamo ulo eteke lionjivaluko yolofa via Yesu yi lingiwa vokuãla, eteke 28 kosãi Yelombo, eci okuti ekumbi liañila. Ci tava okuenda Vonjango Yusoma yi kasi ocipepi lonjo yove. Vangula Lolombangi via Yehova vi kasi vimbo liove oco vi ku sapuileko elivala kuenda ocitumãlo apa vaka lingila ocipito eci.