Noke Lioku Lambalala wa Linga Ukristão

OTEMBO yimue manji umue o tukuiwa hati, Santiago kuenda ukãi waye Lourdes, va endele koku kunda olondaka viwa Viusoma kolupale luo Huillcapata kofeka yo Peru. Eci va pitĩla kofeka yaco, ocitunda cimue cetavo Liokatolika, ca tunda kolupale luo Cuzco kuenje ca kovonga omanu vosi va kasi vimbo. Eye wa sapuila omanu hati, Olombangi via Yehova vi nena efengi, kuenda ombundu yi ponda ovinyama loku nyola ovikũla vovapia.

Omanu valua va fetika oku kuata usumba lelungulo liaco. Omo liaco, vokuenda kuolosãi epandu, lomue wa tava oku lilongisa Embimbiliya la manji Santiago lukãi waye Lourdes. Ulume umue Mingeli ukuacisoko combiali volupale luaco, wa landula manji Santiago lukãi waye. Kuenje wa fetika oku va imbaimba ovawe. Pole, vamanji va lekisa ocituwa Cakristão coku yuvula oku yaka.

Vokuenda kuotembo, omanu vamue va fetika oku lilongisa Embimbiliya. Mingeli wa pongololavo ocituwa caye. Kuenje wa fetika oku lilongisa Embimbiliya la manji Santiago. Eye wa liwekapo okunyua kuenje wa linga embombe. Cilo eye lukãi waye kuenda omãla vavo vavali vakãi, va kasi oku lilongisavo Embimbiliya.

Cilo volupale luaco, muli ekongelo linene Liolombangi via Yehova. Ulume waco Mingeli wa sanjuka calua. Momo ovawe vana a imbile kumanji Santiago la Lourdes, ka va tẽlisile ocimãho cavo. Omo liaco, wa siata oku eca olopandu kuvamanji ava omo liongangu yiwa va lekisa yoku kala vakuambembua.

[Elitalatu kemẽla 32]

Manji Santiago lukãi waye Lourdes omo lioku lekisa ovituwa viwa, va kuatisa Mingeli oku pongolola utima waye