Daniele Lokokanda Kaye Kohongele Yofeka

YESU wa pisa ovitunda viatavo, via temẽle poku mola omãla va kala oku eca esivayo ku Suku. Eye wa va pula hati: “Ka wa la tangi olondaka evi viokuti, kovimẽla viomãla lotuñaña ove wopako esivayo liocili?”​—⁠Mateo 21:​15, 16.

Umalẽhe umue o tukuiwa hati, Daniele o kuete anyamo epandu, o kasi vekongelo limue lielimi lio Rusu kofeka yo Alemanya, wa eca uvangi wokuti, koloneke vilo kuli amalẽhe valua va kasi oku eca esivayo ku Yehova. Eteke limue eye la inaye, va endele kohongele yofeka Yolombangi via Yehova ya lingiwa kolupale luo Duisburg. Kokuavo, ca kala onjanja yatete oku enda kohongele yinene yofeka. Ovina viosi va mola ndeci: Owotele, owiñi walua, oku tumãla oloneke vitatu, epapatiso, kuenda Ondalama, via kala ovina viokaliye kokuavo. Ocituwa cipi Daniele a lekisa? Eye wa lekisa ovituwa viwa.

Keteke lia Sengunda va tunda kohongele yofeka. Eci va pitĩla konjo yavo, Daniele wa enda kocumbo coloneleho kuna omãla va siata oku papalela. Nye ca kala kocikutu caye? Kocikutu caye kua kala okokanda kuvangi u lekisa okuti, wa endele kohongele yofeka. Inaye wo sapuila hati: ‘Ohongele yofeka ya pita ale. Okokanda kuvangi wohongele yofeka kopako. Pole, Daniele wo tambulula hati, sio. Ndi yongola okuti omanu vosi va kũlĩha oku nda endelele kuenda va kũlĩha ovina nda lilongisa.’ Eye oloneke viosi wamamako oku ambata okokanda kaye kuvangi wohongele yofeka. Eteke limue eci ulongisi waye o pula catiamẽla ko kokanda kaco, Daniele wo lomboluila ulandu wosi wohongele yofeka.

Poku cilinga, Daniele wa kuama ongangu yolohulukãi vialua viamalẽhe, akuenje lafeko, va siata oku eca esivayo ku Yehova vokuenda kuanyamo alua.