Kamõla Umue Ufeko o Kuete Utima Woku Eca

KAMÕLA umue ufeko wo kofeka yo Brazil o kuete anyamo ecelãla, olombongo a solekele wa vi tepa pokati okuti, 18 kolondolale kuenda 25 kolondolale. Eye wa kapa vokasia yolombanjaile yi sangiwa Vonjango Yusoma ci soka 18 kolondolale. Kuenje, 25 kolondolale wa vi tumisa kofiliale Yolombangi Via Yehova kumue lukanda a soneha loku popia hati: “Ndi kasi oku eca ombanjaile eyi oco yi kuatise kupange u kasi oku lingiwa voluali luosi. Ndi yongola oku kuatisa vamanji valua voluali luosi, oco va kunde olondaka viwa. Ndi kasi oku eca olombongo viaco locikembe, kuenda ocisola ndi kuetele Yehova.”

Olonjali vio kamõla kaco, vio longisa esilivilo lioku eca ekuatiso liaye kupange woku kunda Usoma. Olonjali vio vetiya oku kũlĩha okuti o sukila oku ‘vumba Yehova lovina a kuete.’ (Olosap. 3:⁠9) Omo liaco, vosi yetu tu sukila oku kuama ongangu yo kamõla kaco poku kuatisa kupange woku kunda olondaka viwa Viusoma, ci kale vekongelo, ale kolofeka vikuavo!