“Usoma Wove Wiye”—Ohutililo Yimue ya Siata oku Pituluiwa Lomanu Valua
Wa siata hẽ oku likutilila oco Usoma wa Suku wiye? Vokuenda kuanyamo alua, omanu valua va siata oku pitolola olondaka viokuti: “Usoma wove wiye.” Momo lie va siatela oku pitolola olondaka viaco? Momo Yesu wa sapuila olondonge viaye oco vi pinge vohutililo Usoma wa Suku.
Tete, olondonge via Yesu ka via kuatele elomboloko liovina viosi eye a popia catiamẽla Kusoma. Onjanja yimue ovio vio pula vati: “A Ñala anga o tumbulula usoma wa Isareli cilo?” Citava okuti, ovio via komõha eci Yesu ka ecele kokuavo etambululo li teta onimbu. (Ovilinga 1:6, 7) Eci ci lekisa hẽ okuti, ka tu pondola oku kũlĩha eci ci lomboloka Usoma wa Suku, lotembo owo u keya? Sio!
Utala ulo Wondavululi, u ka ku kuatisa oku kũlĩha atambululo apulilo a kuãimo ndeci:
Momo lie tu sukilila Usoma wa Suku?
Helie Soma Yusoma wa Suku?
Otembo yipi Usoma wa Suku u ka viala ongongo?
Nye Usoma wa Suku u ka linga?
Momo lie tu sukilila oku nõlapo oku kuatisa Usoma wa Suku cilo?
Usoma wa Suku u lomboloka nye?