Asapulo

◼ Alivulu a ka eciwa: Kupemba: Utala Wondavululi lo Despertai!. Poku linga epasu komanu va lekisa onjongole, oku kongelamo vana va kala pocipito Conjivaluko, ale kolohongele vikuavo okuti ka va siatele oku endaenda kolohongele, eca elivulu Embimbiliya li Longisa Nye?. Evambi: Embimbiliya li Longisa Nye?

◼ Keteke 14 kosãi ya Kayovo, wo 2010, Vonjango Yusoma yo ko Betele, Vongola, mua lingiwa ocipito cocisoko cekũi lepandu coku malusula osikola yoku Angiliya Olondingupange. Tua sanjuka calua omo okuti ci soka 24 ya vamanji oku kongelamo vavali vo kofeka yo São Tomé e Príncipe, va mala osikola yaco ya lingiwa vokuenda kuolosãi vivali.

◼ Akundi vosi va sukila oku kuatisa koku eca orelatoriu ya suapo. Kesulilo liosãi, eca selo orelatoriu yove kukulu wekongelo mitavaso yocimunga cove. Oku eca orelatoriu ya suapo yupange woku kunda, ci lekisa esumbilo keliangiliyo lia Yehova, kuenda ku vamanji va kuete ocikele coku ongolola olorelatoriu viaco votembo ya sokiyiwa. Kesulilo liosãi, mitavaso yocimunga, o sukila oku kũlĩhĩsa nda vamanji vosi va tẽlisa ocikele cavo cokueca orelatoriu, oco okuti ukulu wekongelo usonehi eca ko Filiale orelatoriu ya suapo yupange wa lingiwa vekongelo.